download HolidaySmart 假期日常 app
22歲知名網紅2年內結婚3次! 與男友僅僅認識10日就結婚?!

22歲知名網紅2年內結婚3次! 與男友僅僅認識10日就結婚?!

生活熱話
By Stephanie on 15 Sep 2021
Digital Content Writer

內地知名網紅韓安冉因為曾經參加內地節目《整形計》而爆紅,而佢嘅感情生活亦十分多姿多彩。最近,佢就宣佈同認識10日嘅男友馬澤鑫閃婚,令網民表示驚訝,因為今次已經係佢2年內嘅第3段婚姻!

網紅韓安冉短短2年結婚3次?!Photo from 韓安冉微博

#內地網紅韓安冉擁有478萬粉絲!

現年22歲嘅內地網紅韓安冉憑著豪爽嘅性格同精緻嘅美貌,曾經出演內地節目《變形計》體驗農村生活,並成功吸引一班粉絲,微博擁有高達479萬人追蹤!不過隨住名氣越大,佢嘅是非亦十分多,感情生活十分多姿多彩~

韓安冉微博粉絲人數高達479萬!Photo from 韓安冉微博

韓安冉參與內地節目《變形計》而為人熟悉!Photo from 《變形計》

#2019年與網紅小豬結婚!

韓安冉喺2019年同另外一名網紅「小豬」結婚並誕下女兒,兩人大排筵席,補辦奢華婚禮,引起網民熱議!不過兩人嘅婚姻只係維持短短半年時間就決裂,兩人仲互相喺網上爆料大數對方缺點,並於同年12月正式離婚。

韓安冉曾與網紅「小豬」結婚,並舉辦奢華婚禮!Photo from 微博

兩人婚後育有一囡!Photo from 微博

#兩人藕斷絲連,復婚後又二度離婚!

離婚後,韓安冉一蹶不振,足足4個月冇開過直播,而前夫「小豬」就提議一齊合作開直播,兩人因而舊情復燃,並於2020年4月復婚。但隔咗一陣,兩人又開始吵架,仲互相指責對方另結新歡,再度離婚,令網民霧裡看花!

韓安冉與前夫小豬於2020年4月復婚!Photo from 微博

#韓安冉宣佈三度結婚!

日前,韓安冉最近對外宣佈同大佢4年嘅花美男網紅馬澤鑫結婚嘅消息,令網民不禁嚇咗一跳!距離佢二度離婚相隔唔夠1年,佢就再一次覓到伴侶,令網民都驚呼「速度真係好快!」

韓安冉宣佈與馬澤鑫結婚!Photo from 韓安冉微博

韓安冉離婚唔夠1年就再傳出婚訊!Photo from 韓安冉微博

#與丈夫僅認識10日

據悉,韓安冉同馬澤鑫只係認識10日就決定結婚,而男方為咗宣示主權仲將女方嘅樣貌紋咗喺手臂上!不過內地網民們就似乎唔太睇好兩人嘅婚姻,認為佢哋只係一時衝動,覺得好快就會傳出「分訊」。

馬澤鑫將女方外貌紋於手臂上!Photo from 微博

兩人認識短短10日就結婚?!Photo from 微博

#韓安冉承認曾整容!

除咗感情生活精彩之外,韓安冉仲曾經公開承認自己由16歲開始就整容,足足做過35次整容手術,令網民吃驚!佢坦承自己細個嘅時候審美觀的確有啲奇怪,導致後來覺得自己樣貌太假,而再一次做手術微調,仲話「要活到老,整到老」!

韓安冉整容前外貌的確同而家有分別!Photo from 微博

韓安冉現時樣貌的確非常精緻!Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

內地網紅揭露消失2年真相! 整容失敗爆喊淚訴「後半生都毀了」

11 Aug , 2021
現時網絡發達,唔少素人都因此而成為網絡紅人。最近,有位內地網紅就睽違2年再次於網絡上露面,而佢就解釋原來消失係為咗整容,然而因為整容手術失敗,導致佢信心大跌!而佢就拍片講述自己嘅整容過程,並表示非常後悔。

金大威微博Photo from 金大威微博

而家醫學美容嘅技術進步做非常多,唔少人不惜花金錢,希望可以透過後天嘅努力去變靚啲。日前,有位內地網紅金大威就睽違2年重新於網絡上露面,並向大眾揭露消失2年嘅原因!

金大威微博Photo from 金大威微博

內地網紅金大威因為有型嘅外表,成為唔少內地網民心目中嘅男神,佢嘅粉絲人數仲一度高達140萬人!然而,佢於2019年突然消失,停止經營自己嘅所有社交媒體,令網民不禁非常好奇正值事業上升期嘅佢點解會突然放棄做網紅?!

金大威微博Photo from 金大威微博

金大威微博Photo from 金大威微博

最近,金大威就拍攝咗一條影片向佢嘅粉絲解釋自己消失2年嘅真正原因。原來當時嘅佢為咗令外貌更加俊俏而去整容,可惜手術失敗,導致佢嘅自信心大跌,就連望人都唔敢望!

金大威抖音Photo from 金大威抖音

金大威抖音Photo from 金大威抖音

金大威話於2019年時,透過朋友介紹做脂肪填充手術,醫生當時輕描淡寫咁話「好似打針咁」,但其實係一個非常大工程嘅手術!做完手術後,佢嘅法令紋、眼袋等都變得非常明顯,頭髮亦不停咁脫落,令佢好似老咗20年一樣。佢仲因此而患上憂鬱症,導致無法再經營自己嘅社交媒體帳號。

金大威抖音Photo from 金大威抖音

金大威抖音Photo from 金大威抖音

金大威抖音Photo from 金大威抖音

因為整容手術失敗,令金大威完全失去咗自信!佢表示外出時完全唔敢同其他人對望同社交,就連最親嘅家人都唔想見到。影片後段,佢忍唔住失聲痛哭「我現在真的好後悔,我後悔沒有保護好以前的自己」,並且語重心長咁奉勸網民「不要亂整」!

金大威抖音Photo from 金大威抖音

金大威抖音Photo from 金大威抖音

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel