
港女素顏出門被男友嫌棄!指佢衣著求其「可唔可以似返個女人」!港女感受傷
Photo from TVB
#女網友發文指素顏見男朋友
拍拖耐咗好多女生視男友為親近嘅人,會以最真實一面示人。喺香港討論區有女網友發文,指最近發現自己如果出門淨係見男朋友嘅話就係好想化妝。
Photo from TVB
樓主表示平時返工、或者同朋友見面,佢都會全妝上陣,到周末星期六、日如果無其他嘢做,淨係同男友約會嘅話就會素顏出門,樓主表示:「咁帶住個口罩都無所謂啦」
Photo from TVB
Photo from TVB
#原來男友好介意,直言唔化妝太hea
估唔到樓主男友原來都好介意,佢同樓主講:「其實點解你返工著咁靚, 到星期六日見我就咁hea」,指樓主妝都唔化:「可唔可以似返個女人」
Photo from TVB
樓主聽到後十分無奈,佢反駁稱「化妝好傷皮膚嘛」,又認為同男友都咁熟, 平時日日都化妝,依家假期希望可以抖兩日,佢又同男友表示:「你又唔係無見過我無化妝」
Photo from TVB
Photo from TVB
#著T裇、牛仔褲無女人味?
樓主指自己睇返同男友出街啲相,發現自己多數著T-shirt、牛仔褲,有時帶埋cap帽:「又真係無乜女人味...」,樓主稱:「我知佢無講出口話我成個男人咁」
Photo from TVB
#平時落街唔洗太悉心打扮
佢對男友反應感疑惑:「其實男人真係會咁介意咩」,佢表示如果男友帶佢去迪士尼佢一定會著返少女甜美感多啲,或者去高級嘅嘅地方,都會認真打扮返,但平時去屋企樓下超市、行下商場等,樓主認為著得求其啲都唔係好過份。
Photo from TVB
不過樓主都相當在乎男友嘅睇法:「係咪依家嫌棄我.....講真有啲hurt」,佢更問網民意見。
Photo from TVB
#網友指唔化妝無問題
唔少網友指女生唔化妝好正常:「唔化妝就唔似女人?咩logic嚟?」,又表示以「真面目」示人好話化妝呃人。
Photo from 香港討論區
Photo from 香港討論區
#網友認為化妝係基本尊重
有網友直言樓主男友淨係睇樓主個樣,唔係真心中意樓主,更勸樓主早作打算,與佢分手。亦有網民指樓主返工就化妝,見男友就隨便著衫係對男友唔尊重,認為男友都講到出口,就應該要打扮下。
Photo from 香港討論區
Photo from 香港討論區
Photo from 香港討論區
Photo from 香港討論區
Photo from 香港討論區
亦有網友表示情侶應該適當咁互相取悅對方:「拍拖初期關鍵」,但樓主就表示同男友拍咗好耐拖,已經同居,有網民就認為住埋一齊就唔同講法:「只能講你男友太小氣。」
Photo from 香港討論區
Photo from 香港討論區
Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)
更多相關文章
港女拍拖3年嫌男友變80kg大肚腩!唔剃鬚不修邊幅令女友大崩潰:好似同阿叔一齊緊
13 Aug 2021
戀愛嘅時間越長難免無一開始確定關係咁甜蜜,近日有網友喺討論區開post指同男友拍拖3年,對方同啱啱認識時嘅外型差距好大,指男友不修邊幅,唔剃鬚又有大肚腩:「求下你,可唔可以唔好咁」
Photo from TVB
唔少人拍咗一段時間拖就會覺得同伴侶嘅感情變淡,或者發現咗佢一啲缺點而變得無咁愛對方。最近有網友喺Dcard發文指同男朋友戀愛3年,呢3年嚟一直都過得好愉快,但係最近佢就發現男朋友有一個好嚴重嘅問題。
Photo from TVB
樓主表示男朋友近年越嚟越污糟、不修邊幅。佢回憶起當初啱啱讀大學嗰時認識嘅男友會做gym又gel頭,日日都做運動:「有六舊腹肌fit到痴線。」
Photo from TVB
但識咗3年後,男友嘅腹肌已經無晒,而且唔出hall就連鬚都唔剃:「依家已經冇見過佢gel頭。」
Photo from TVB
樓主又呻男友懶得打理自己:「早排佢唔知邊度聽返嚟話,電孿左啲頭髮可以唔使點打理」,於是拎住張MIRROR成員阿Jer(柳應廷)嘅相去剪頭髮,但點知電髮效果與預期不符。
Photo from TVB
樓主指男友依家80kg、有勁大個肚腩,頭髮亂又成面都係鬚,更直接指佢似男優!樓主崩潰稱覺得好似同個阿叔一齊緊:「其實我真係好鍾意佢,男朋友你幾時先變返個靚仔大隻佬俾我。」
Photo from TVB
Photo from Dcard
有唔少網友就指樓主要畀啲危機感男友,例如打扮得靚啲、令佢覺得有男仔埋身等。又或者直接同男朋友講,亦有網友建議樓主去借啲意話想做gym,順便拉埋男友。
Photo from Dcard
Photo from Dcard
Photo from TVB
但有唔少男性網友大感不公,認為如果係性別互換,男士就會被鬧,有網民力斥樓主膚淺,只係中意男友嘅腹肌。
Photo from Dcard
Photo from Dcard
Photo from Dcard
Photo from TVB
有網友就坦言呢個係男人必經階段,身材、外型呢啲遲早都會無,想同男友過一世嘅話應該要搵下佢其他優點。
Photo from Dcard
Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)