download HolidaySmart 假期日常 app
關禮傑讚囡囡表現好 已經鋪好後路? 關楓馨7年前酬勞已達$5萬?!

關禮傑讚囡囡表現好 已經鋪好後路? 關楓馨7年前酬勞已達$5萬?!

娛樂新聞
By Stephanie on 15 Sep 2021
Digital Content Writer

《2021香港小姐競選》日前就已經完滿結束,而關禮傑大女關楓馨(Fabienne)就大熱倒灶,令唔少網民表示不滿。有指,當日亦有到場為囡囡打氣嘅關禮傑知道賽果後,就即刻黑面離場;而關禮傑後來亦笑晒口咁接受訪問,大讚囡囡表現100分!

關禮傑到場為囡囡關楓馨打氣!Photo from 關楓馨IG

#網民對港姐賽果不滿?!

《2021香港小姐競選》已經舉辦完成,三甲結果出爐:冠軍宋宛穎、亞軍梁凱晴及季軍邵初;而最上鏡小姐就由楊培琳獲得。而賽前大熱關禮傑大女關楓馨(Fabienne)同陳聖瑜都未能奪得獎項,令唔少網民表示對賽果不滿!

今屆3甲以及最上鏡小姐已經出爐,不過網民似乎對賽果有異議?!Photo from 《2021香港小姐最美傳奇》

大熱之一嘅關楓馨卻未能得獎,令唔少網民感到可惜!Photo from 娛樂新聞台

#指關禮傑當日黑面離場?

《香港小姐》決賽當日,關禮傑同太太亦到場為囡囡打氣。不過有指當佢知道賽果之後,就面露難色好匆忙咁離場,令大家不禁猜測佢可能係對賽果不滿?!而關楓馨就有為爸爸解釋,「佢唔係失望,只係返屋企幫我準備慶功!」

關楓馨為爸爸解圍,表示佢並非對賽果不滿!Photo from 《香港小姐競選2021》

#關禮傑打破傳聞!

近日,TVB就播放《香港小姐競選》嘅幕後花絮,並播出咗賽後採訪關禮傑嘅片段。由片中所見,關禮傑就大讚囡囡表現得好,「佢落咗好多努力,入到5強已經好厲害」,認為今年嘅三甲係實至名歸,似乎並冇不滿!

關禮傑於觀賽後接受訪問,認為三甲實力強!Photo from 娛樂新聞台

#同太太一齊到場觀賽

關禮傑仲話囡囡喺呢段過程中成長咗好多,談吐表現都非常大方,「我緊係俾100分啦!見到佢嘅成長,覺得好值得」。而佢亦話同太太喺現場睇氣氛好緊張,不過就話係因為緊張先令比賽更加好睇~

關禮傑同太太都有到場為囡囡打氣!Photo from 娛樂新聞台

關禮傑大讚囡囡關楓馨表現100分!Photo from 娛樂新聞台

#關楓馨平常心面對比賽

而關楓馨訪問時就話覺得決賽好似一個畢業典禮咁,比賽完好似鬆咗一口氣咁。佢透露爸爸賽前鼓勵佢「做好自己,唔好咁緊張!其實我由頭到尾都冇當過係比賽,更加想做一個靚嘅show俾大家睇」,仲話爸爸分分鐘仲緊張過佢!

關楓馨賽後訪問時,表示心情輕鬆!Photo from 娛樂新聞台

關楓馨當作吸取舞台經驗!Photo from 娛樂新聞台

#7年前活動酬勞就已經有$5萬?!

雖然關楓馨最終於5強止步,不過佢當日嘅表現已經獲得唔少網民大讚,相信未來必定有唔少機會繼續於娛樂圈發展~其實早於7年前,當時仲係大學生嘅佢就已經有出席公開活動,仲大騷舞技。當年就有報導指佢出席活動嘅酬勞為$5萬,而佢當時被訪問時亦冇否認「酬勞係開心價,當攞經驗,唔係計錢」!

關楓馨7年前出活動時,就已經有$5萬酬勞?!Photo from 關楓馨IG

關楓馨當年並冇否認酬勞價錢,仲回應係開心價!Photo from 關楓馨IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【香港小姐2021】關禮傑上台撐女兒關楓馨表演被指不公平!網友:上嚟坐就係為咗晒父幹

23 Aug , 2021

TVB《We Miss Hong Kong 香港小姐競選準決賽》20位佳麗分組表演,爭入最後總決賽12強,其中唔少大熱人馬都被淘汰。「星二代」關楓馨喺爸爸關禮傑加持下成功入圍,卻被指「靠父幹」。

TVB《We Miss Hong Kong 香港小姐競選準決賽》20位佳麗分組表演,爭入最後總決賽12強Photo from TVB

港姐準決賽有幾個環節,20位佳麗分成4組,分別同歷屆師姐一齊表演才藝。首先有綠組表演唱歌同半空呼拉圈。不過綠組舞台燈光較暗,唔係好睇到佳麗嘅樣,唔少網友認為綠組師姐向海嵐仲吸引過其他參選佳麗。

綠組表演唱歌,同半空呼拉圈Photo from TVB

之後嘅橙組有港姐冠軍張嘉兒、馮盈盈帶領,組內有唔少大熱人馬,包括「花女」陳聖瑜、梁凱晴、王嘉慧等,眾人大騷纖腰,好身材展露無遺!粉紅組則由劉倩婷帶領,佢哋表演唱歌、樂器、空中瑜伽等。

橙組有港姐冠軍張嘉兒、馮盈盈帶領Photo from TVB

組內有唔少大熱人馬,包括「花女」陳聖瑜、梁凱晴、王嘉慧等,眾人大騷纖腰Photo from TVB

粉紅組由劉倩婷帶領,佢哋表演唱歌、樂器、空中瑜伽等。Photo from TVB

曹敏莉、何依婷帶領嘅紅組就表演音樂劇,有邵初表演豎琴,不過最曯目嘅都係「星二代」關楓馨同爸爸關禮傑一齊四手聯彈,完全搶晒fo!

曹敏莉、何依婷帶領嘅紅組就表演音樂劇,有邵初表演豎琴Photo from TVB

最曯目嘅都係「星二代」關楓馨同爸爸關禮傑一齊四手聯彈Photo from TVB

TVBPhoto from TVB

TVBPhoto from TVB

喺港姐面試前,因為父親嘅關係,關楓馨成為全場焦點,初選同複選都搶盡風頭。關楓馨受訪時曾表示爸爸好支持佢參選。

喺港姐面試前,因為父親嘅關係,關楓馨成為全場焦點Photo from TVB

今次準決賽關禮傑出手力撐女兒,卻被指唔公平,有「星二代」光環在身,關楓馨喺紅組嘅表演成功掀起熱議,網民直言:「出關禮傑,犯哂規」、「公平咩,出關禮傑」

有「星二代」光環在身,關楓馨喺紅組嘅表演成功掀起熱議Photo from TVB

網民直言:「出關禮傑,犯哂規」Photo from lihkg

lihkgPhoto from lihkg

lihkgPhoto from lihkg

TVBPhoto from TVB

lihkgPhoto from lihkg

lihkgPhoto from lihkg

去到後面「佳麗PK戰」環節,5號張嘉倩選擇咗4號關楓馨作為一對一對決嘅對象,結果關楓馨以73%嘅票數勝出,有網友留言指唔明5號張嘉倩點解要揀關楓馨做對手,又指關楓馨獲歷屆港組投票為心水佳麗都係靠關禮傑:「有父幹盲都識撳」

「佳麗PK戰」環節,5號張嘉倩選擇咗4號關楓馨作為一對一對決嘅對象Photo from TVB

TVBPhoto from TVB

關楓馨獲73%票數Photo from TVB

有網友留言指唔明5號張嘉倩點解要揀關楓馨做對手Photo from lihkg

網友指關楓馨獲歷屆港組投票為心水佳麗都係靠關禮傑Photo from lihkg

另外關禮傑坐喺觀眾席,不過鏡頭經常影佢,有網民質疑佢唔戴口罩。對於參與女兒表演疑有不公,關禮傑就表示:「如果有關係嘅話,我舊年都做視帝啦,點會有王浩信!」指港姐競選好公平,係靠自己、靠能力。

另外關禮傑坐喺觀眾席,不過鏡頭經常影佢,有網民質疑佢唔戴口罩Photo from TVB

lihkgPhoto from lihkg

lihkgPhoto from lihkg

關禮傑又稱唔知個女係大熱,表示關楓馨都有壓力,而太太雖然都有到場支持女兒但就無上台表演,費事好似「打茅波」。

對於參與女兒表演疑有不公,關禮傑就表示:「如果有關係嘅話,我舊年都做視帝啦,點會有王浩信!」Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel