49歲女CEO與27歲小鮮肉相愛!男方堅稱係真愛!遭CEO女兒反對指必有所圖

49歲女CEO與27歲小鮮肉相愛!男方堅稱係真愛!遭CEO女兒反對指必有所圖

時事熱話
By Jennifer on 29 Apr 2022
Digital Editor

近日一位49歲女富豪與其27歲前私人助理擦出愛火,兩人更談婚論嫁打算於今年內結婚。27歲小鮮肉指佢哋相愛與利益無關,但佢哋嘅戀情遭到女富豪16歲女兒反對。

49歲女富豪與其27歲前私人助理擦出愛火Photo from Ahmad IG

#馬來西亞女富豪Hasmiza Othman

馬來西亞有一位女富豪Hasmiza Othman,佢係當地嘅化妝品企業家,佢今年49歲,唔止係一位CEO,身家豐厚,仲有拿督稱號「Dato Seri Vida」。

馬來西亞女富豪Hasmiza Othman,佢係當地嘅化妝品企業家Photo from Hasmiza IG

Hasmiza曾經歷幾段失敗婚姻,喺佢同前夫Fairuz Ahmad Zainuddin於2014結婚,婚姻但維持3年,2017年佢再次離婚。

Hasmiza曾經歷失敗婚姻Photo from Hasmiza IG

#聘請小鮮肉Ahmad Iqbal Zulkifli做私人助理

喺離婚嗰年,佢認識咗Ahmad Iqbal Zulkifli,Ahmad今年27歲,佢喺2017年獲女CEO Hasmiza聘為私人助理,當時引起網民熱議,指兩人關係唔尋常。

Ahmad Iqbal Zulkifli 2017年獲女CEO Hasmiza聘為私人助理Photo from Ahmad IG

Hasmiza立即就否認有關傳聞,佢表示自己同Ahmad嘅關係絕對係專業(strictly professional),不過僅一年後Ahmad就被解僱,原因係佢未能完成私人助理、傳媒聯絡、營銷經理嘅工作。Ahmad後嚟創立咗自己嘅護膚品牌,現時佢更出任董事。

Hasmiza表示同Ahmad嘅關係係專業,僅一年後Ahmad就被解僱Photo from Ahmad IG

#Ahmad送Dior手袋令女CEO感動落淚

Ahmad離職後同Hasmiza仍然保持聯絡,而且二人關係並無因為工作上嘅不愉快而受到影響,Ahmad仲送咗個Dior手袋畀Hasmiza,令佢感動落淚。

Ahmad送咗個Dior手袋畀Hasmiza,令佢感動落淚。Photo from Ahmad IG

Hasmiza表示佢喊唔係因為個袋好值錢,而係佢之前從未收到過禮物。後來發現Ahmad曾考慮送黃金或者車,但Hasmiza本身都有好多黃金,而佢嘅Dream Car價值約$370萬,太貴Ahmad就放棄咗。

Hasmiza表示佢喊唔係因為個袋好值錢,而係佢之前從未收到過禮物Photo from Hasmiza IG

#女CEO與小鮮肉兩人擦出愛火,計劃年內結婚

估唔到兩人竟共墜愛河,Hasmiza近日宣佈兩人已決定於12月結婚,修成正果。Hasmiza形容細佢22年嘅Ahmad係「真愛(true love)」、「誠實負責(honest and responsible)」嘅人。

Hasmiza與Ahmad共墜愛河,譜出「母子戀」,更已決定於12月結婚Photo from Hasmiza IG

Ahmad稱佢嘅未婚妻Hasmiza想有奢華嘅婚禮,又堅稱對Hasmiza嘅感情係真心,絕非出於利益,佢無法隱藏深深植根喺內心嘅感情,想將自己嘅真實情感話畀大眾知。

Ahmad堅稱對Hasmiza嘅感情係真心,絕非出於利益Photo from Ahmad IG

#Hasmiza女兒Cik B反對兩人結婚

雖然兩人已計劃拉埋天窗,但女富豪Hasmiza嘅女兒Cik B就表示反對媽媽同Ahmad結婚,佢指媽媽淨係中意後生仔,往往會盲目咁墜入愛河。

女富豪Hasmiza嘅女兒Cik B就表示反對媽媽同Ahmad結婚Photo from Hasmiza IG

Cik B指媽媽淨係中意後生仔,往往會盲目咁墜入愛河。Photo from Hasmiza IG

廣告
廣告

佢表示佢同媽媽嘅未婚夫Ahmad經常嗌交,大家都唔中意對方,Cik B指:「咁後生嘅人點可能會對年紀大佢咁多嘅人產生感情?」,直指Ahmad係有目的,佢又話唔希望媽媽結婚後再生小朋友,而Hasmiza就表示Cik B可能需要啲時間接受佢即將再婚嘅事實。

Cik B表示佢同媽媽嘅未婚夫Ahmad經常嗌交,大家都唔中意對方Photo from Ahmad IG

唔少網友直言個女睇得清過阿媽好多,指Hasmiza「當局者迷」,以為「小鮮肉」就係真愛,好易畀人呃!

唔少網友直言個女睇得清過過阿媽好多,指Hasmiza「當局者迷」Photo from Ahmad IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

50歲女董事長下嫁25歲打工仔引熱議!婆媳合照如姊妹!網友:阿姨我不想努力了

30 Apr 2021

內地一間婚慶公司喺網上分享咗一啲婚禮影片,片中新娘同新郎相差25年,但兩人喺婚禮上互動甜蜜,被問到會唔會同老婆白頭到老,新郎更高喊「我願意」。片段引起網民熱議。

內地一間婚慶公司喺網上分享咗一啲婚禮影片,片中新娘同新郎相差25年Photo from 微博

近日內地網上流傳部分婚禮現場影片,片段好快就獲得幾十萬讚好同評論,喺網上掀起話題。原來片中嘅新娘50歲,係嚟自山西嘅一名董事長,佢為愛遠嫁唐山。

片中嘅新娘50歲,係嚟自山西嘅一名董事長,佢為愛遠嫁唐山。Photo from 微博

呢位女董事長嘅結婚對象係一名25歲嘅年輕人,仲係公司嘅一名打工仔,新郎新娘無論係年齡、人生閱歷、收入、社會地位都有住唔細嘅差距。

女董事長嘅結婚對象係一名25歲嘅年輕人,仲係公司嘅一名打工仔Photo from 微博

據知兩人最初以姊弟相稱,點知相處之下卻產生情愫,發展出一段忘年戀!新娘指老公為人熱情真誠、憨厚老實,無懼世俗目光決意下嫁。

新娘指老公為人熱情真誠、憨厚老實,無懼世俗目光決意下嫁。Photo from 微博

微博Photo from 微博

喺婚禮上,兩人互動甜蜜,彼此眼神中都充滿愛意,新郎表示老婆好識照顧人,被問到願唔願意同新娘共赴白頭,新郎拎住支mic大嗌:「我願意!」

被問到願唔願意同新娘共赴白頭,新郎拎住支mic大嗌:「我願意!」Photo from 微博

新郎嘅父母都表示非常滿意新抱,指新娘好有本事,感歎自己個仔娶到佢係一件光宗耀祖嘅事。婚禮期間,奶奶亦早早出門迎接新抱,據知佢年齡比新娘仲細2歲,但兩人關係好好,不時深情相擁,婆媳合照好似姊妹咁!

新郎嘅父母都表示非常滿意新抱,指新娘有本事Photo from 微博

婚禮期間,奶奶亦早早出門迎接新抱,據知佢年齡比新娘仲細2歲,但兩人關係好好,不時深情相擁,婆媳合照好似姊妹咁!Photo from 微博

有網民即表示:「阿姨我不想努力了」、「不想再奮鬥」,亦有女網友指以後路過幼稚園都唔敢太大聲,怕阻住未來老公學習。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel