download HolidaySmart 假期日常 app
97年港姐冠軍翁嘉穗半山豪宅曝光!曾與同屆亞軍陷入三角戀?!

97年港姐冠軍翁嘉穗半山豪宅曝光!曾與同屆亞軍陷入三角戀?!

娛樂新聞
By Stephanie on 15 Sep 2021
Digital Content Writer

有唔少歷屆嘅港姐都成功嫁入豪門,令大家覺得好似選港姐就係「釣金龜」嘅其中一個方法咁!而1997年港姐冠軍翁嘉穗(Virginia)就係其中一位,不過原來當時就有傳佢同港姐同屆亞軍李明慧陷入三角戀嘅風波,而佢最終於1999年同海馬牌床褥創辦人鄔友正結婚,仲大晒豪宅內部。

翁嘉穗嫁入豪門,過幸福少奶奶生活!Photo from 翁嘉穗IG

#97年港姐冠軍同亞軍陷入三角戀?!

大家可能都只係記得佘詩曼係1997年嘅港姐季軍,不過1997年嘅港姐冠軍翁嘉穗同亞軍李明慧就曾經陷入三角戀嘅風波,轟動一時!據悉,當時李明慧就已經同富商鄔友正交往中,由於鄔友正當時旗下公司就贊助港姐競選,所以兩人因而擦出愛火!李明慧亦打算過幸福少奶奶生活,向無綫提出解約!

翁嘉穗係1997年港姐冠軍!Photo from TVB

有傳李明慧當時同鄔友正正在交往中!Photo from TVB

#翁嘉穗與鄔友正公開戀愛!

但就喺李明慧於美國工作嘅時候,有傳媒就拍到鄔友正同翁嘉穗拖手嘅畫面,兩人仲對外公開男女朋友身分,令無名無分嘅李明慧只能接受現實,而翁嘉穗同李明慧亦因此而反目!

翁嘉穗同李明慧曾陷入三角戀之中?!Photo from 翁嘉穗IG

李明慧同翁嘉穗因此而鬧翻?!Photo from 微博

#翁嘉穗婚後淡出幕前

1999年,翁嘉穗同海馬牌床褥創辦人兼七海化工集團主席結婚,婚後誕下兩個兒子鄔謨雲及鄔謨風,並淡出幕前,專心相夫教子。至今結婚22年,兩人依然感情甜蜜,佢亦享受住夢想中嘅少奶奶生活,堪稱「人生勝利組」!

翁嘉穗同富商鄔友正結婚,一家四口十分幸福!Photo from 翁嘉穗IG

#經常上載生活照

翁嘉穗婚後生活無憂,經常都會喺IG上載自己嘅生活照,亦因此令佢居住嘅豪宅曝光!據聞,佢現時同家人正居住於中環半山嘅豪宅,而豪宅仲足足價值過億元!

翁嘉穗曝光半山豪宅內部!Photo from 翁嘉穗IG

#豪宅景觀超好!

翁嘉穗嘅豪宅景觀超好,背山面海,可以長期望著超靚嘅海景,環境清幽,真係十分寫意㗎~豪宅內嘅設計就走英倫風,有一個雲石設計嘅火爐,旁邊就放置咗兩張單人沙發,再加上超大嘅落地玻璃,仿似置身於外國一樣!而佢亦會因應唔同嘅節日去佈置客廳:聖誕節嘅時候,就會放置聖誕樹,令氣氛更加濃厚~

翁嘉穗會因應唔同節日去佈置自己嘅客廳!Photo from 翁嘉穗IG

翁嘉穗客廳面積大,而且好有英倫風~Photo from 翁嘉穗IG

#飯廳設計超有格調!

飯廳嘅位置就擺放咗一張超級大嘅餐桌,可以容納十幾人,就算開party或者家庭聚會都絕對有充裕嘅位置啊!而靠牆位置就有2個玻璃櫃,裡面就擺放咗唔同茶杯同酒杯,非常有格調!睇得出佢非常有心機咁佈置豪宅嘅內部~

豪宅飯廳面積超大,可以容納好多人!Photo from 翁嘉穗IG

#設有自己畫室/運動空間

翁嘉穗本身就好鍾意畫畫,所以佢就於豪宅內設有自己嘅畫室,而畫室就可以望著綠油油嘅山景,相信望著咁清幽嘅景色一定可以令佢畫畫嘅靈感源源不絕嘅湧現喇~而豪宅內亦有健身單車,等佢可以保持苗條嘅身材!

熱愛畫畫嘅翁嘉穗為自己整咗個私人畫室!Photo from 翁嘉穗IG

翁嘉穗亦十分注重自己嘅身材管理!Photo from 翁嘉穗IG

#露台塑造成私人小花園!

豪宅內就當然唔少得露台啦~露台嘅面積非常大,而佢亦擺放咗好多盆栽,仲加咗遮太陽嘅傘同玻璃桌,非常適合同朋友喺露台high tea,仲可以望著個靚海景,遠離城市生活嘅煩囂!

翁嘉穗豪宅內嘅露台面向海景,超級寫意~Photo from 翁嘉穗IG

翁嘉穗仲可以邀請朋友一齊喺露台high tea~Photo from 翁嘉穗IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

港姐陳庭欣公開月租十萬九肚山豪宅!由公屋港姐變貴婦 生活越來越富貴

3 Sep , 2021

2010年港姐冠軍陳庭欣(Toby)自從同坐擁10億身家嘅楊振源(Benny)拍拖之後,生活就變得越來越富貴!近日就係陳庭欣嘅34歲生日,而佢就上載咗唔少朋友同男友為佢慶祝生日嘅照片,仲公開咗豪宅內嘅環境!

陳庭欣被指生活越來越富貴?!Photo from 陳庭欣IG

#入行後做主持人居多

陳庭欣(Toby)於2010年參選香港小姐獲得冠軍而入行,有份出演電視劇以及主持節目,曝光率都算高。除咗事業順遂之外,佢嘅感情生活都非常多姿多彩。入行後,佢曾經同翟威廉交往5年,不過兩人最終分手收場,但就聲稱兩人變成「Best friend」!

早前有份主持東京奧運Photo from 陳庭欣IG

#公開戀情!

2018年,陳庭欣被傳媒大爆與彩豐行老闆楊振源(Benny)嘅戀情,後來佢就於IG上載兩人嘅合照正式公開戀情!據悉,作為大老闆嘅楊振源坐擁$10億身家,曾經大手筆投資$1200萬開健身中心,仲邀請女友親自做代言人,一齊搵錢,並揚言兩人預計於今年結婚。

同男友楊振源(Benny)交往多年!Photo from 陳庭欣IG

男友身家逾$10億Photo from 陳庭欣IG

#豪宅內部曝光

日前,陳庭欣就上載咗好姐妹為佢慶祝生日嘅照片,而照片就曝光咗佢現時居住嘅豪宅內部!據悉,本身與父母同住於九龍灣啟晴邨嘅陳庭欣自從同男友一齊之後,生活變得越來越富貴,仲搬入位於沙田九肚山月租10萬嘅澐灃洋房:面積足足有3,000多平方呎,有4間房同車庫;另設有400平方呎嘅花園以及超過630平方呎嘅天台,十分豪華~

迎來34歲生日!Photo from 陳庭欣IG

由陳庭欣嘅生日照片所見,佢嘅豪宅設計風格主要都係以簡約為主,而飯廳就擺放咗一張大理石嘅圓形餐桌,就算邀請一大班人去屋企開party都唔需要擔心唔夠位置啊!而飯廳嘅後方就有一條樓梯,豪宅空間十分之大~

飯廳放咗張好大嘅餐桌 開party都唔洗擔心!Photo from 陳庭欣IG

豪宅內仲有樓梯!Photo from 陳庭欣IG

#屋內空間大

而平日入得廚房出得廳堂嘅佢亦喺生日當天大顯身手,廚房嘅牆身都係大理石紋理,令整體環境睇落更加乾淨典雅,睇得出廚房嘅設備亦非常齊全,相信佢平時一定有下廚嘅習慣喇!客廳嘅位置亦十分寬敞,即使同朋友玩遊戲大合照都有好多空間~

平時熱愛下廚嘅佢生日都為來賓炮製料理!Photo from 陳庭欣IG

即使邀請好多人開party都唔驚冇位~Photo from 陳庭欣IG

客廳以白色為主色Photo from YouTube@「Animore TV 動物踩過界」

陳庭欣曾經喺自己嘅Youtube Channel「Animore TV 動物踩過界」中曝光浴室嘅設計,並主要以白色為主,睇落非常簡潔,就算幫狗狗沖涼都絕對冇問題啊!

浴室設計以簡約為主Photo from YouTube@「Animore TV 動物踩過界」

就算同狗狗沖涼 空間都十分足夠!Photo from YouTube@「Animore TV 動物踩過界」

#天台景觀開揚

另外,影片中亦都公開咗天台嘅位置,望出去就可以望見清幽嘅山景,而且加上豪宅本身位於較高嘅地方,令佢可以俯視周邊嘅景色!而天台嘅面積亦好大,有好多空間俾狗狗跑步同玩耍。

附近環境清幽 非常寫意~Photo from YouTube@「Animore TV 動物踩過界」

露台環境非常大!Photo from YouTube@「Animore TV 動物踩過界」

#傳男友送贈單位?!

陳庭欣同男友交往期間,男方不時都被傳媒爆出同其他女生有曖昧關係,有傳男友楊振源就送咗位於黃大仙現崇山價值逾千萬嘅單位哄陳庭欣。不過對於傳聞,陳庭欣就表示絕對信任男友。睇嚟兩人嘅關係非常穩定,唔知會唔會好事近呢?!

有傳男友送陳庭欣一個單位?!Photo from 陳庭欣IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel