download HolidaySmart 假期日常 app
李施嬅揚威海外/郭可盈曾成為四大花旦 盤點11位事業發展好落選港姐!

李施嬅揚威海外/郭可盈曾成為四大花旦 盤點11位事業發展好落選港姐!

娛樂新聞
By Stephanie on 27 Aug 2023
Digital Content Writer

《2023香港小姐競選》有唔少大熱人馬,唔知邊個可以入到三甲呢?!不過其實過往有好多落選嘅佳麗最終都獲大台簽約成為旗下藝人,當中唔少人都有唔錯嘅發展㗎~宜家即睇有邊11位啦!

唔少過去參選過港姐嘅佳麗落選後,都有非常好嘅發展!Photo from 湯洛雯IG

#關楓馨

關禮傑女兒關楓馨(Fabienne)於2021年參加香港小姐競選,參賽前係唔少網民心目中嘅冠軍大熱人選,可惜最終只係獲得「現場觀眾至Like佳麗」,令唔少網民表示大跌眼鏡!不過現時佢已經成為咗大台旗下藝人,有份主持《男神廚房》以及《健康100錯》,與同期嘅港姐相比都可以話係發展順遂。有指佢未來將會有份出演電視劇,可以話係備受重視~

關楓馨喺2021年參加香港小姐競選,當時係冠軍大熱人選!可惜最終未能晉身三甲Photo from 《 香港小姐競選準決賽》

不過現時佢已經簽約成為大台藝人,據悉將會有份出演電視劇~Photo from 關楓馨IG

#郭可盈

郭可盈喺1993年參選香港小姐,雖然最終未能獲得任何獎項,不過亦被TVB睇中簽約,成為當時嘅「四大花旦」!而佢曾經參與多部電視劇嘅拍攝,包括:《刑事偵緝檔案》、《法網伊人》等,演技出色嘅佢仲憑《酒店風雲》榮獲《新城勁爆電視大獎頒獎禮》女主角獎!

郭可盈入行後參與多部電視劇拍攝!Photo from TVB

郭可盈演技備受肯定!Photo from 郭可盈IG

不過自從郭可盈同林文龍結婚,並誕下女兒後,佢就專心相夫教子,照顧家庭,逐漸淡出幕前!而家佢經常都會於IG上載生活照,大晒一家三口幸福生活~

郭可盈與林文龍於2004年結婚!Photo from 郭可盈IG

郭可盈婚後逐漸淡出幕前工作。Photo from 郭可盈IG

#張可頤

張可頤1994年參選香港小姐,最終於5強止步,落選後就加入TVB。入行後,佢得到唔少演戲機會,好快就擔正做女主角,並獲得唔錯嘅成績,奠定佢當時喺影視圈嘅地位!

張可頤加入TVB後往演員之路發展!Photo from TVB

張可頤發展迅速,加入TVB第2年就成為女主角!Photo from TVB

除此之外,張可頤仲係經常入圍《萬千星輝頒獎典禮》「最佳女主角獎」嘅常客,可惜嘅係佢至今都並未奪得影后嘅頭銜,只係於2003年憑《九五至尊》榮獲「本年度我最喜愛女角色」,並於2012年約滿離開TVB。近年佢亦有於幕前亮相,有份出演ViuTV電視劇《暖男爸爸》!

張可頤於2012年離開TVB!Photo from 張可頤IG

張可頤近期作品為《暖男爸爸》!Photo from ViuTV

#李施嬅

李施嬅(改名前:李詩韻)2003年參選港姐,獲得「最上鏡小姐」以及「才藝小姐」獎項,不過未能成功爭取更多獎項,成為首位奪得「最上鏡小姐」但卻未能晉身5強嘅佳麗!加入TVB後,佢拍攝多部電視劇,並成為一線花旦。

李施嬅入行後成為演員!Photo from 李施嬅IG

李施嬅參與多部電視劇拍攝!Photo from 李施嬅IG

李施嬅於2017年喺微電影《Once More》飾演Selina一角,並獲得「European Cinematography Awards」同埋「Los Angeles Film Awards」嘅最佳女演員,演技備受肯定!而佢就喺2019年離開TVB,並往外國影視圈發展,今年初飛往加拿大拍攝電視劇!

李施嬅2017年參與外國製作微電影!Photo from 李施嬅IG

李施嬅離開TVB後,近年往外國發展。Photo from 李施嬅IG

#黃智雯

黃智雯2007年選港姐,最終晉身5強但未能奪獎。簽約TVB後,佢初期大多都只係飾演唔太起眼嘅配角角色,但喺拍攝《巴不得爸爸》後演技受到肯定,並開始獲得更加多嘅演戲機會。

黃智雯初入行時大多飾演配角!Photo from 黃智雯IG

黃智雯因《巴不得爸爸》演技開始被網民肯定!Photo from 黃智雯IG

後來,黃智雯就開始飾演女配角或者女主角,戲份逐漸變多,並多次於《萬千星輝頒獎典禮》獲「最佳女主角」、「最佳女配角」及「最受歡迎電視女角色」嘅提名!

黃智雯榮升女配角甚至女一角色!Photo from TVB

黃智雯曾多次於《萬千星輝頒獎典禮》獲得提名!Photo from 黃智雯IG

#高海寧

高海寧於2008年參加香港小姐,於最後5強止步並獲得「旅遊大使獎」。初初入行嘅時候,佢不被睇好,但就憑著拍攝《法網狙擊》、《使徒行者》等,演技開始備受網民肯定,成功擺脫「花瓶」稱號!

高海寧剛入行時,不被網民看好!Photo from 高海寧IG

高海寧憑自己努力向大家證明佢嘅演技實力!Photo from TVB

#麥美恩

麥美恩2011年參選港姐奪得殿軍,不過落選後依然獲TVB邀請試鏡,成為TVB旗下藝人,並往主持人方向發展!入行後,佢主要都係負責主持唔同嘅節目,包括有:《學是學非》、《3天2夜》等,偶爾亦會客串電視劇拍攝。其中,佢同森美喺2016年港姐決賽鬥嘴嘅畫面引起網民關注,活潑貼地性格令佢開始為人熟悉。

麥美恩入TVB後,主要負責主持節目!Photo from 麥美恩IG

麥美恩偶爾參與電視劇拍攝!Photo from 麥美恩IG

#湯洛雯

湯洛雯2012年參選港姐,並獲得「旅遊大使獎」同埋「美麗昇華大使獎」,係當年非常熱門嘅冠軍人選,不過最終6強止步!加入TVB後,曾經主持《學是學非》以及參與電視劇拍攝,其中以《愛回家》「李思思」一角而為人熟悉,現時亦係TVB其中一位備受力捧嘅女藝人~

湯洛雯係2012年港姐冠軍大熱人選!Photo from 湯洛雯IG

湯洛雯參與多部電視劇拍攝!Photo from 湯洛雯IG

#岑杏賢

岑杏賢係2012年嘅「最上鏡小姐」,出道以來只要負責主持節目,包括有《流行都市》、《快樂長門人》等,而戲劇方面就以《愛回家之開心速遞》中龍敢威秘書「余愛詩Icy」一角最出名!

岑杏賢於2012年港姐決賽中獲得最上鏡小姐!Photo from 岑杏賢IG

岑杏賢向主持人方向發展!Photo from 岑杏賢IG

#簡淑兒

簡淑兒係2012年嘅港姐佳麗,仲曾經係組合「少女標本」嘅成員之一,曾出演多部電視劇,並憑著甜美笑容成功吸引一班宅男粉絲!最近,因為拍攝真人節目《SUPER FIVE》同麥大力擦出愛火,公開戀情~

簡淑兒憑甜美樣貌,成功吸粉!Photo from 簡淑兒IG

簡淑兒最近於麥大力公開戀情!Photo from 簡淑兒IG

#張寶兒

張寶兒2016年參選港姐,決賽中未能晉身4強,但就奪得「友誼小姐」嘅獎項!入行後主要係做主持工作居多,亦係《學是學非》嘅主持人之一。最近,佢仲為《聲夢傳奇》嘅一班學員擔任服裝造型師,而佢過往看穿衣風格就瞬間成為網民嘅熱話!

張寶兒入行後大多擔任主持人!Photo from 張寶兒IG

張寶兒最近為《聲夢傳奇》擔任服裝指導。Photo from 張寶兒IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

盤點6位曾嫁入豪門港姐 朱玲玲二度嫁富豪/何艷娟丈夫大40年

30 Apr , 2021

唔少女仔都想透過參選港姐,獲得機會進入娛樂圈,成為藝人;亦有女仔係希望可以透過選美認識更加多嘅人,從而尋覓真命天子!喺現實中,的確有唔少港姐嫁入豪門嘅例子,而家就嚟盤點下有邊啲港姐係嫁咗入豪門㗎啦~

何艷娟IGPhoto from 何艷娟IG

1.呂姵霖(呂麗君)

44歲嘅呂姵霖喺1998年嘅落選港姐,之後就去咗英國進修。喺英國讀書期間,佢喺LV店咗兼職售貨員,仲因此而同劉鑾雄(大劉)結緣。後來,大劉好快就俾純真嘅佢所吸引,兩人正式交往。但同一時間,大劉當時亦與唔同嘅女士關係不明。

TVBPhoto from TVB

呂姵霖基金會IGPhoto from 呂姵霖基金會IG

同大劉拍拖嘅14年間,呂姵霖誕下大囡劉秀盈同埋細囝劉子峰,仲好保護子女甚少俾佢哋露面。期間,多次傳出佢同甘比不停爭寵。喺2014年,兩人正式分手,喺大劉嘅聲明就提及到分手前有送贈超過逾20億元禮物同現金,並且已經雙方協議好唔會再有任何金錢上嘅瓜葛。

呂姵霖基金會IGPhoto from 呂姵霖基金會IG

呂姵霖基金會IGPhoto from 呂姵霖基金會IG

2.李嘉欣

50歲嘅李嘉欣係1988年嘅香港小姐冠軍同埋國際華裔小姐冠軍,仲被網民稱為「最美港姐」!佢入行以嚟感情生活都十分多姿多彩,先後同倪震、劉鑾雄(大劉)等拍過拖。

TVBPhoto from TVB

李嘉欣IGPhoto from 李嘉欣IG

喺2008年,同香港船王許愛周之孫兼富商許晉亨結婚,並且於2011年誕下兒子許建彤(Jayden)。兩人結婚至今已經13年,依然恩愛,經常都會大曬合照。

李嘉欣IGPhoto from 李嘉欣IG

李嘉欣IGPhoto from 李嘉欣IG

3.朱玲玲

朱玲玲喺1977年參選港姐並榮奪冠軍同最上鏡小姐,成為當時首位「雙料港姐」。當時一夜成名嘅佢吸引好多人嘅追求,香港富商霍英東的長子霍震霆亦係其中一位。兩人僅僅拍拖9個月就於1978年結婚,被網民稱為「港姐嫁豪門」嘅先河!後來,兩人於2004年因性格不合同男方與其他人傳緋聞而離婚,但佢就表示兩人早於1997年已經分居。

TVBPhoto from TVB

喺2008年,朱玲玲同瑞安集團主席羅康瑞結婚,二度嫁入豪門。羅康瑞仲喺結婚嘅第二日,就向證監會申報太太嘅身份,同朱玲玲一齊共享46億身家!

TVBPhoto from TVB

TVBPhoto from TVB

4.徐菁遙(徐淑敏)

徐菁遙喺2006年參選香港小姐,當時係熱門人選嘅佢大熱倒灶,只係獲得旅遊大使獎。後來,佢亦獲得TVB力捧,有唔同機會出演電視劇同埋綜藝節目。

TVBPhoto from TVB

TVBPhoto from TVB

喺2009年,佢就同飲食才俊黃浩(Kenny)閃婚兼宣佈懷孕消息。婚後,二人育有三個囡囡:大囡黃心瑤(Vianna)、二囡黃心柔(Renee)同埋細囡黃心誼(Isabella),仲曾向觀眾介紹自己4000呎嘅華麗豪宅。喺2017年,為咗旺夫旺家庭而改名。

徐菁遙IGPhoto from 徐菁遙IG

徐菁遙IGPhoto from 徐菁遙IG

5.何艷娟

何艷娟喺2014年參選香港小姐並獲得季軍,不過演藝事業就一直停滯不前,大多飾演不太起眼嘅配角。不過佢嘅感情生活就十分精彩,佢同比佢他40年、擁有30億身家嘅奧博營運總裁吳志誠喺2018年入紙結婚,搖身一變成為豪門闊太,出席各種名媛派對。

TVBPhoto from TVB

何艷君IGPhoto from 何艷娟IG

可惜呢段婚姻維持唔到一年就離婚收場,有傳何艷娟仲有機會分吳志誠嘅超過30億嘅身家!離婚後不久,就有傳何艷娟已經搭上擁過百億身家的陳樹渠長子陳燿璋,二人喺派對有親密行為。之後,何艷娟又被爆出疑似有外籍新歡,有傳新歡係瑞士銀行家。

何艷娟IGPhoto from 何艷娟IG

6.丁子田

現時26歲嘅丁子田係2018年嘅港姐季軍,當時參選時就被指家庭背景唔錯,姑媽甘草演員丁主惠仲同樂易玲關係幾好,當時俾網民話靠關係而入選!可惜參選完港姐之後,都冇咩演出嘅機會。

TVBPhoto from TVB

丁子田IGPhoto from 丁子田IG

最近,佢就喺IG上載咗同男友嘅照片,並且大曬巨型鑽戒宣佈同富二代男友吳杰龍(Paul)嘅婚訊。男友Paul係國行集團太子爺,佢爸爸有份將唔同嘅高級品牌FENDI、BURBEERRY等帶入內地,係名副其實嘅富二代!Paul自己本身都遺傳爸爸有商業頭腦,上年就曾經喺上海為珠寶品牌舉辦pop up store,仲一手包辦曬所有嘅宣傳同計劃。

丁子田IGPhoto from 丁子田IG

丁子田IGPhoto from 丁子田IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel