download HolidaySmart 假期日常 app
港媽讚兒子優秀!2歲睇英文書/4歲考五級樂器!周圍分享漸遭朋友疏遠:妒忌我

港媽讚兒子優秀!2歲睇英文書/4歲考五級樂器!周圍分享漸遭朋友疏遠:妒忌我

時事熱話
By Jennifer on 16 Sep 2021
Digital Editor

兒子生性母親當然倍感安慰,但到處講仔仔有幾叻同樣令人反感。日前有港媽喺Facebook發文指自己個仔好優秀,佢有時會同朋友分享,但竟被疏遠,令佢直言:「可否少一點妒忌?」

兒子生性母親當然倍懷安慰,但到處講仔仔有幾叻同樣令人反感Photo from TVB

港媽讚兒子語文、音樂能力優秀

有網友投稿至Facebook群組「家長 Secrets」,佢指自己嘅小朋友「真的優秀」,一般建議小朋友4~6歲讀嘅ORT Stage 4(即Oxford Reading Tree Stage 4)書籍,樓主聲稱佢個仔兩歲嗰陣已經開始睇,佢表示兒子之後就一直睇一啲比較厚嘅英文書。

有網友投稿至Facebook群姐「家長 Secrets」,佢指自己嘅小朋友「真的優秀」Photo from TVB

一般建議小朋友4~6歲讀ORT Stage 4(即Oxford Reading Tree Stage 4)書籍Photo from OxfordOWL

港媽表示兒子之後就一直睇一啲比較厚嘅英文書。Photo from TVB

樓主個仔除咗喺語文方面超前同齡人外,喺音樂方面亦十分有天份,年僅4歲就考到五級樂器,令樓主十分開心。

樓主個仔除咗喺語文方面超前同齡人外,喺音樂方面亦十分有天份,年僅4歲就考到五級樂器Photo from TVB

港媽稱遭誤會炫耀兒子,被朋友疏遠

樓主指初初都會同朋友分享下個仔嘅事,但後來感覺朋友一個又一個離佢而去,佢內心估計:「可能朋友誤會我炫耀」,佢甚至同個仔講將來大個可能都會無乜知心朋友:「因為未必有很多人能明白資優的人」

樓主指初初都會同朋友分享下個仔嘅事,但後來感覺朋友一個又一個離佢而去Photo from TVB

樓主又剖白有時真係好想分享自己小朋友比其他人優秀,但都驚被人背後話囂張,佢感慨成日都被人妒忌:「其實大家是否可以開明一點,多一點欣賞,少一點妒忌?」

樓主又剖白有時真係好想分享自己小朋友比其他人優秀,但都驚被人背後話囂張Photo from TVB

港媽期待兒子升上最頂尖小學

佢表示下一次被疏離或者會係兒子小一成績公佈當日,不過佢話已做好心理準備,喊話兒子:「孩子啊!孩子!願你的將來依舊簡單,繼續發光發亮」。

樓主表示下一次被疏離或者會係兒子小一成績公佈當日Photo from TVB

樓主喊話兒子:「孩子啊!孩子!願你的將來依舊簡單,繼續發光發亮」。Photo from TVB

雖然樓主就話希望個仔將來「簡單」,但佢又直言期待個仔升上最頂尖嘅小學,等依家對佢哋閒言閒語嘅人無話可說。

雖然樓主就話希望個仔將來「簡單」,但佢又直言期待個仔升上最頂尖嘅小學Photo from TVB

網友嘲港媽自視過高

網友意見幾乎一面倒,唔少人認為按樓主所言其實佢個仔根本唔算「優秀」:「我身邊大把、兩隻手都數唔晒喎」,直指佢係「井底之蛙」,認為真正優秀嘅人根本唔需要特別同人炫耀。

網友意見幾乎一面倒,唔少人認為按樓主所言其實佢個仔根本唔算「優秀」Photo from Facebook

有網民直指樓主係「井底之蛙」,認為真正優秀嘅人根本唔需要特別同人炫耀。Photo from Facebook

有網民笑稱樓主個仔一定係「銀河唯一的秘密,天際最強人物」、「叻到要起間文昌廟供奉」,有人直指樓主朋友離佢而去嘅原因或者根本同個小朋友無關:「佢仔只係世上既一粒微塵」

有網民笑稱樓主個仔一定係「銀河唯一的秘密,天際最強人物」、「叻到要起間文昌廟供奉」Photo from Facebook

唔少網友留言十分直接:「你呢啲叫臭寸,唔通我個仔識如來神掌又要周街話畀人知咩」、「我諗人哋杯葛妳並唔係因為妳小朋友優秀...大個女啦!係時候自我檢討一下」

唔少網友留言十分直接:「你呢啲叫臭寸,唔通我個仔識如來神掌又要周街話畀人知咩」Photo from Facebook

網友:「我諗人哋杯葛妳並唔係因為妳小朋友優秀...」Photo from Facebook

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

港媽無理要求乘客讓座俾兒子!網民:我返工都好辛苦

8 Sep 2021

暑假已經完結,學生們都要重返校園喇,相信大家搭車嘅時候都會特別擁擠!最近,有網友就喺討論區表示朝早返工嘅時候,遇到港媽居然公然要求佢讓座俾佢嘅小朋友坐,仲話「佢返學好辛苦㗎」,令網友表示十分震驚!

港媽竟公然要求別人讓座?!Photo from TVB

#網友分享朝早返工經歷

最近學生們都開咗學,相信唔少家長又開始要接送佢哋嘅小朋友返學放學喇。日前,有位網友就喺討論區講述自己早上返工時遇到嘅「荒謬」景象,並以「依家啲小學生真矝貴」出post,引起網民熱議!

網友分享返工搭車嘅經歷!Photo from 親子王國討論區

網友表示朝早喺黃埔站上車搭地鐵返工,由於該站係總站,所以大家上車嘅時候都有位坐。直到去到何文田站嘅時候,有對母子就上咗車,不過當時車廂內嘅座位都已經坐滿晒人,佢表示目測嗰位小朋友已經讀緊小三或小四。

網友表示自己於總站上車 因此好輕易就搵到位坐Photo from TVB

#港媽要求讓座俾仔仔坐!

呢位港媽就突然走去網友面前話「小姐,你起身俾個位我個仔坐啊,佢返學好辛苦㗎」;呢位網友聽到嘅時候感到非常無奈回覆「唔好意思,我有啲唔舒服」,婉拒港媽嘅要求。

港媽周圍「要求」人讓坐俾仔仔坐!Photo from TVB

開學後人流開始變多Photo from TVB

#繼續問其他乘客

之後,港媽執迷不悟咁繼續搵其他乘客,但佢哋都唔願意讓座俾佢小朋友坐,搞到呢位港媽怒羞成怒「有冇搞錯啊!而家啲人唔識讓座㗎咩?!」不過呢對母子喺太子站就已經落咗車,令網友不禁認為「只係坐3個站有冇咁辛苦啊」!再加上,網友認為港媽已經幫佢小朋友孭住埋書包,唔明白點解咁佢依然覺得小朋友攰?!

港媽對於冇人願意讓坐深感不滿!Photo from TVB

#網民認為現今怪獸家長多!

唔少網民睇完都表示港媽完全就係一位「怪獸家長」,認為呢位媽媽嘅行為太誇張,簡直令佢哋大開眼界;有部份網民就認為既然港媽咁緊張自己嘅小朋友,就應該自己買車「返學咁辛苦,應該買架車,點到點接送」、「搭的士啦咁辛苦」等。

網民認為港媽唔應該帶小朋友搭其他交通工具!Photo from 親子王國討論區

另外,有唔少網民都分享自己平時所遇到嘅「怪獸家長」,認為而家有部份家長都過份保護小朋友,亦因為咁樣導致好多港孩嘅出現!

網民分享自己曾經遇過嘅「怪獸家長」經歷!Photo from 親子王國討論區

網民認為現今社會有好多呢類型嘅港媽!Photo from 親子王國討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel