網友分享身邊7大剩女特質!擇偶要求高/拜金為單身主因?!

網友分享身邊7大剩女特質!擇偶要求高/拜金為單身主因?!

生活熱話
By Stephanie on 17 Sep 2021
Digital Content Writer

現今社會唔少港女都十分享受單身生活,不過依然有唔少人仲抱持住固有嘅傳統觀念,認為女士嘅適婚年齡係30歲之前!最近,有網民就於討論區開post分享「剩女」嘅特質,引起網民嘅熱烈討論~

網民開post分享身邊剩女嘅特徵!Photo from TVB

#擇偶條件高

有網民指身邊見過條件唔錯嘅女仔,歷任男友都高大威猛,不過女生就因為嫌棄男友人工低而分手。最終,佢嘅前任們都已經建立家庭,過住幸福美滿嘅生活;而女方就依然單身,需要身邊親友介紹對象!

有網民指眼角過高係唔少剩女嘅通病!Photo from 連登討論區

網民抱怨明明女生條件一般,但就自視過高追求男神級嘅對象!Photo from TVB

#過度FF

唔少女士都十分喜歡追劇,不過當佢哋入戲太深未能返回現實世界嘅時候,就好容易錯失良緣!有網民就分享佢遇過嘅經歷,佢表示該女生經常都幻想自己有一位有錢男友,並成日都帶佢一齊去體驗奢華生活,講大話已經去到爐火純清嘅境界,最後就當然係一直都單身啦!

有網民指部份女生過分幻想,FF韓劇情節!Photo from 連登討論區

唔少女士過度幻想戀愛時嘅美好,沈醉於韓劇中嘅情節!Photo from TVB

#儀容不整

俗語有話「人靠衣裝」,儀容整潔能夠令大家對你嘅第一印象更加好!平時可能有唔少女生都並非日日洗頭,再加上衣服骯髒,好有可能會產生異味,就算有桃花都好大機會被嚇走啊!

女生嘅儀容好重要,可以令大家對佢留下好嘅第一印象!Photo from TVB

#性格上有缺憾

相信唔少情侶都曾經因為同伴侶性格唔同,導致吵架甚至分手收場!事實上,性格合適的確係一段感情中十分重要嘅元素,交往後要識得互相包容,才可以令感情長久。有網民就表示女生無禮貌、講嘢串、自私、港女性格等都係最大嘅扣分位;有時候女生太冇安全感,導致經常疑神疑鬼,check住男友行蹤都好容易嚇走身邊嘅異性㗎!

女生性格太悲觀,都有可能成為搵唔到對象嘅原因?!Photo from 連登討論區

網民認為性格唔好係單身嘅一大原因!Photo from 連登討論區

#拜金

唔少女士都想確保下半生能夠過住幸福美滿、無憂無慮嘅生活,條件未能夠達到佢哋要求嘅時候就會立刻被佢哋拒絕。而呢啲女士嘅要求往往都會變得越來越高,令佢哋更加難搵到真心相愛並且又能夠符合佢哋理想條件嘅另一半!

網民認為唔少女士都非常睇重男生嘅經濟條件!Photo from 連登討論區

拜金女因為要求過高,亦十分難尋覓伴侶!Photo from TVB

#事業型女士

現今社會越來越多事業型嘅女士,佢哋都對自己嘅事業發展非常有野心。而往往佢哋年輕嘅時候,都會花好多時間喺事業上,導致可以認識對象嘅機會減少咗好多!直到事業有成嘅時候,找對象嘅機會又變得更加困難......

有網民就話女生可能因為拼博事業,導致認識對象嘅好機會都已經冇晒!Photo from 連登討論區

事業女強人好多時都會花大量時間喺工作上,導致甚少有時間可以去認識另一半!Photo from TVB

#曾受情傷

網上經常都有人話「感情路上總會遇到幾個渣男/女」,事實上唔少女生都因為曾經為情所困,而唔敢再次拍拖,害怕再受傷害!除此之外,亦有可能係因為成長環境令佢哋唔願意再相信男生。

網民指有部份女生可能係因為家庭因素或者受情傷,導致有陰影!Photo from 連登討論區

部份女生會因為受情傷,而唔願意再相信愛情!Photo from TVB

Text: HolidaySmart Editorial

廣告
廣告

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

盤點網民分享6大追女NG行為! 太小器/訊息轟炸易惹女生反感?

21 Aug , 2021

男女有別,唔少男生喺追求女仔嘅時候,都可能採中地雷,但卻懵然不知!當中好多網民就曾經於討論區大方分享自己追女仔嘅尷尬事跡!而家就等我哋一齊睇下普遍男生喺愛情道路上會遇到啲咩挫折啦~

唔少男士都會主動出擊爭取愛情!Photo from TVB

轟炸式短訊攻擊

相信唔少男士喺追女仔嘅時候,主要都係用傳訊息去維繫彼此嘅關係。然而,當對方無意同你發展落去時,就會以非常慢嘅速度回覆你,甚至可能會選擇已讀不回!

 連登對話紀錄Photo from 連登討論區

最後已讀不回......Photo from 連登討論區

錯失時機

部份受歡迎嘅女仔可能同時間被幾位男士追求中,而呢個時候就非常考驗大家嘅「溝女」技巧喇!有網民就分享悲慘經歷,表示曾經喺追求女仔嘅過程中,被其他男生搶先一步,發現女仔已經名花有主,令佢感到非常可惜!

心儀女生被追走!Photo from 連登討論區

錯失良機!Photo from TVB

太遲鈍而錯過

有部份男士性格比較木訥,就算女仔俾晒Signal都未必能理解,反應較為遲鈍。有網民就分享自身經歷,話回想返同女仔出去約會時嘅狀況,先察覺到自己已經錯過咗令感情升溫嘅好機會,令佢哋後悔莫及!

接收唔到女生嘅signal....Photo from 連登討論區

錯過時機Photo from 連登討論區

超尷尬對話

同心儀對象交談時,唔少男士都會想利用講下笑話去哄對方開心,希望可以女方心目中留下深刻印象。有網民就分享自己嘗試追求女仔時嘅招式,但就令大家爆笑,相信一定會令對方留下好另類嘅印象~

超級冷嘅笑話......Photo from 連登討論區

搞爛gag?!Photo from 連登討論區

出街時出「意外」

同女仔約會一定係曖昧期間,能夠令感情迅速升溫嘅最好方法!然而,當男士們未能好好把握機會,就可能令呢段關係無疾而終。有網民就分享自己喺約會嘅時候大失策,竟然喺對方生日當日冇預備好,導致最終要女生請佢食飯!

太大意喇!Photo from 連登討論區

唔少男士約會前都會超緊張!Photo from TVB

追求手法太「進擊 」

雖然唔少女仔都鍾意男生主動出擊向佢哋表達愛意,但係當男生拿捏唔到分寸就會令女生感到非常負擔!網上就曾經流傳過一條非常經典嘅影片,片中男同學公然攞住花喺班房入面想女方示愛,並用mic大聲宣揚愛意,但就令女生非常尷尬!

網上流傳經典追女影片!Photo from 連登討論區

仲攞mic示愛!Photo from 連登討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel