download HolidaySmart 假期日常 app
江若琳公開西貢複式豪宅內部!打造私人小花園/超遼闊海景

江若琳公開西貢複式豪宅內部!打造私人小花園/超遼闊海景

娛樂新聞
By Stephanie on 17 Sep 2021
Digital Content Writer

江若琳(江伊晴)入行多年,最令人印象深刻嘅就係佢曾經表示自己月薪只得$1萬,並公開銀行存款!今時唔同往日,最近佢就公開自己位於西貢嘅複式豪宅,內部面積非常大,同老公過住幸福嘅二人世界~

江若琳最近開設自己嘅YouTube頻道!Photo from 江若琳IG

#過去銀行存款曾剩$58!

現年33歲嘅江若琳(江伊晴)喺2008年嘅時候,被傳出同公司老闆林小明關係曖昧,受到特別照顧,而佢媽媽為咗證明女兒嘅清白,就公開江若琳當時月薪僅有$1萬港幣,而銀行存款只得$58港幣!後來,江若琳就於2018年同「生煎包王子」蕭潤邦(Oscar) 結婚,男方仲豪花7位數為佢打造盛大婚禮,並準備價值逾$310萬嘅皇冠以及鑽戒俾佢作為結婚禮物,十分豪華!

江若琳曾經同前經理人公司鬧出合約風波!Photo from 江若琳IG

江若琳於2018年與蕭潤邦(Oscar)結婚。Photo from 江若琳IG

#婚後居住於西貢豪宅!

最近,江若琳就進軍YouTube界,並上載咗佢日常Vlog紀錄佢一日嘅生活。喺影片中,佢亦公開咗自己位於西貢嘅複式豪宅內部,豪宅環境清幽恬靜,遠離都市煩囂,仲可以飽覽無敵大海景,非常悠閒~

江若琳嘅豪宅環境清幽,非常舒服!Photo from 江若琳IG

江若琳亦不時與IG上載於家中露台拍攝嘅照片~Photo from 江若琳IG

#設計簡約主人房

睡房面積非常大,以黑白色為主,設計簡約,仲擺放咗唔同嘅玩具收藏品,而作為「貓奴」嘅佢亦將愛貓嘅糧食放喺房內,方便照顧佢哋。而睡房裡面嘅洗手間就主要以實用為主,鋪滿雲石紋嘅地板,簡單又乾淨!

江若琳嘅主人房內擺放咗唔同嘅公仔收藏品!Photo from 江若琳Youtube

作為專業貓奴嘅江若琳,當然有留位置擺放貓貓嘅用品。Photo from 江若琳Youtube

#開放式廚房

廚房方面,有好多空間可以擺放唔同嘅用品,空間更加似係開放式嘅廚房!而佢亦放置咗一張木桌於廚房內,方便佢哋一煮完飯就可以立刻享用美食,實用性非常強~

江若琳豪宅內嘅廚房十分實用!Photo from 江若琳Youtube

江若琳於廚房內放置咗木桌等佢哋可以即時享用美食!Photo from 江若琳Youtube

#悉心照料家中嘅「吉祥物」!

豪宅內亦設有樓梯,令屋內嘅空間睇落更加大。下層就放置咗江若琳屋企嘅「鎮家之寶」錦鯉紅龍,佢仲話名字叫做「蕭當紅」,並示範每天餵蝦俾佢食嘅畫面,十分搞笑!

江若琳介紹家中嘅「鎮家之寶」!Photo from 江若琳Youtube

江若琳為大家示範餵食錦鯉紅龍嘅畫面。Photo from 江若琳Youtube

#露台變小花園!

另外,江若琳就公開老公嘅「秘密基地」露台,景觀優美,可以望到海景,令人心曠神怡!佢仲大爆佢老公好鍾意種植,所以露台擺放咗好多花花草草,而佢亦十分用心咁幫手照顧露台嘅盆栽㗎~

江若琳家中嘅露台能夠觀賞海景!Photo from 江若琳IG

江若琳老公打造屬於自己嘅小花園!Photo from 江若琳Youtube

而江若琳亦會貼心咁幫手照顧植物。Photo from 江若琳Youtube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

97年港姐冠軍翁嘉穗半山豪宅曝光!曾與同屆亞軍陷入三角戀?!

15 Sep , 2021

有唔少歷屆嘅港姐都成功嫁入豪門,令大家覺得好似選港姐就係「釣金龜」嘅其中一個方法咁!而1997年港姐冠軍翁嘉穗(Virginia)就係其中一位,不過原來當時就有傳佢同港姐同屆亞軍李明慧陷入三角戀嘅風波,而佢最終於1999年同海馬牌床褥創辦人鄔友正結婚,仲大晒豪宅內部。

翁嘉穗嫁入豪門,過幸福少奶奶生活!Photo from 翁嘉穗IG

#97年港姐冠軍同亞軍陷入三角戀?!

大家可能都只係記得佘詩曼係1997年嘅港姐季軍,不過1997年嘅港姐冠軍翁嘉穗同亞軍李明慧就曾經陷入三角戀嘅風波,轟動一時!據悉,當時李明慧就已經同富商鄔友正交往中,由於鄔友正當時旗下公司就贊助港姐競選,所以兩人因而擦出愛火!李明慧亦打算過幸福少奶奶生活,向無綫提出解約!

翁嘉穗係1997年港姐冠軍!Photo from TVB

有傳李明慧當時同鄔友正正在交往中!Photo from TVB

#翁嘉穗與鄔友正公開戀愛!

但就喺李明慧於美國工作嘅時候,有傳媒就拍到鄔友正同翁嘉穗拖手嘅畫面,兩人仲對外公開男女朋友身分,令無名無分嘅李明慧只能接受現實,而翁嘉穗同李明慧亦因此而反目!

翁嘉穗同李明慧曾陷入三角戀之中?!Photo from 翁嘉穗IG

李明慧同翁嘉穗因此而鬧翻?!Photo from 微博

#翁嘉穗婚後淡出幕前

1999年,翁嘉穗同海馬牌床褥創辦人兼七海化工集團主席結婚,婚後誕下兩個兒子鄔謨雲及鄔謨風,並淡出幕前,專心相夫教子。至今結婚22年,兩人依然感情甜蜜,佢亦享受住夢想中嘅少奶奶生活,堪稱「人生勝利組」!

翁嘉穗同富商鄔友正結婚,一家四口十分幸福!Photo from 翁嘉穗IG

#經常上載生活照

翁嘉穗婚後生活無憂,經常都會喺IG上載自己嘅生活照,亦因此令佢居住嘅豪宅曝光!據聞,佢現時同家人正居住於中環半山嘅豪宅,而豪宅仲足足價值過億元!

翁嘉穗曝光半山豪宅內部!Photo from 翁嘉穗IG

#豪宅景觀超好!

翁嘉穗嘅豪宅景觀超好,背山面海,可以長期望著超靚嘅海景,環境清幽,真係十分寫意㗎~豪宅內嘅設計就走英倫風,有一個雲石設計嘅火爐,旁邊就放置咗兩張單人沙發,再加上超大嘅落地玻璃,仿似置身於外國一樣!而佢亦會因應唔同嘅節日去佈置客廳:聖誕節嘅時候,就會放置聖誕樹,令氣氛更加濃厚~

翁嘉穗會因應唔同節日去佈置自己嘅客廳!Photo from 翁嘉穗IG

翁嘉穗客廳面積大,而且好有英倫風~Photo from 翁嘉穗IG

#飯廳設計超有格調!

飯廳嘅位置就擺放咗一張超級大嘅餐桌,可以容納十幾人,就算開party或者家庭聚會都絕對有充裕嘅位置啊!而靠牆位置就有2個玻璃櫃,裡面就擺放咗唔同茶杯同酒杯,非常有格調!睇得出佢非常有心機咁佈置豪宅嘅內部~

豪宅飯廳面積超大,可以容納好多人!Photo from 翁嘉穗IG

#設有自己畫室/運動空間

翁嘉穗本身就好鍾意畫畫,所以佢就於豪宅內設有自己嘅畫室,而畫室就可以望著綠油油嘅山景,相信望著咁清幽嘅景色一定可以令佢畫畫嘅靈感源源不絕嘅湧現喇~而豪宅內亦有健身單車,等佢可以保持苗條嘅身材!

熱愛畫畫嘅翁嘉穗為自己整咗個私人畫室!Photo from 翁嘉穗IG

翁嘉穗亦十分注重自己嘅身材管理!Photo from 翁嘉穗IG

#露台塑造成私人小花園!

豪宅內就當然唔少得露台啦~露台嘅面積非常大,而佢亦擺放咗好多盆栽,仲加咗遮太陽嘅傘同玻璃桌,非常適合同朋友喺露台high tea,仲可以望著個靚海景,遠離城市生活嘅煩囂!

翁嘉穗豪宅內嘅露台面向海景,超級寫意~Photo from 翁嘉穗IG

翁嘉穗仲可以邀請朋友一齊喺露台high tea~Photo from 翁嘉穗IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel