內地網紅掀起「佛媛」風潮！炫富被整肅！改著全身名牌禮佛！狂晒佛經美甲/佛珠
Photo from 趙薇IG
內地嚴厲整頓娛樂圈
官方對娛樂圈「失德藝人」嘅整肅手段嚴厲，唔少內地明星都要上「藝德課」，避免被內地封禁。內地網紅以往以「名媛日常」最為流行，酒店下午茶、名牌奢侈品、打卡等拜金炫富風氣好常見。
Photo from 微博
內地網紅圈掀起「禮佛」加「名媛」嘅「佛媛」風潮
不過近日內地網紅圈就轉為吹起「佛媛」風潮，所謂「佛媛」即「禮佛」、「名媛」嘅結合，佛媛嘅日常唔再係歎tea、買名牌，而係拜佛、品茶、抄佛經、茹素等「佛系」生活。
Photo from 微博
Photo from 小紅書
Photo from 小紅書
呢排喺內地抖音、小紅書等隨處可見「佛媛」，佢哋打卡地點由酒店、名牌專門店變成寺廟，重點係展示佢哋超脫於世俗、歲月靜好嘅一面。
Photo from 小紅書
「佛媛」網紅打扮素淡晒禮佛日常
「佛媛」網紅每每都會著旗袍、漢服等，衣著打扮以素雅為主，影相pose亦多為雙手合十、跪地等虔誠參拜狀，佢哋會用一、兩句佛語、偈语做caption。
Photo from 微博
Photo from 抖音
Photo from 小紅書
Photo from 小紅書
化妝唔再係濃妝艷抹，著重營造清淡妝容，甚至素顏，比起花枝招展，「黑、長、直」或將頭髮束起嘅髮型更貼合「佛媛」形象。「佛媛」影嘅相往往係抄緊心經、茗茶、參拜等「日常生活」，有指係網紅認為「佛系」生活會獲得官方認可，唔會被封禁先咁做。
Photo from 小紅書
Photo from 小紅書
Photo from 小紅書
佛媛衣著性感禮佛，大晒奢華生活
不過喺禮佛同時，「佛媛」都不忘大晒奢華生活，例如展示佛經美甲、價值不菲嘅佛珠、名貴嘅翡翠珍珠、金銀掛飾平安鎖等，美其名為對佛祖嘅虔誠之心。名牌手袋、奢侈品牌嘅飾物等往往都會「不經意」出現喺佛媛禮佛嘅相片中。
Photo from 小紅書
Photo from 微紅
亦有人打扮性感，著開衩旗袍，甚至有領口極低、或露背、露腰嘅服飾禮佛，顯得非常唔莊重。
Photo from 小紅書
Photo from 抖音
佛媛賣佛珠、掛飾賺錢
網紅做得佛媛，當然都會「賣貨」賺錢，有唔少網紅都有經營美妝、服飾、飾物等生意，所以有部分佛媛會喺網上出售「同款」嘅佛珠、掛飾、服裝、茶葉。有內地網友批佛媛假借禮佛賺錢、實則炫富嘅行為比「失德藝人」更嚴重，要求官方整頓。
Photo from 小紅書
網民直斥呢種「佛媛」風氣扮到好清新脫俗，影嘅相卻散發揮之不去嘅銅臭味：「簡直玷污寺廟」。
Photo from 小紅書
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
大陸網友爆名媛生活內幕！加入闊太群組揭靠合租名牌 共享打卡道具！
13 Oct 2020
現實版《三十而已》！有大陸網民加入「上海名媛群組」，發現一眾「闊太們」嘅奢華生活原來靠合租名牌、酒店、共享打卡道具！
內地劇集《三十而已》大熱，大城市名媛生活可望不可及令人羨慕，而現實中Angelababy同一班名媛合照都要靠邊企。
近日有內地網民「斥巨資」$500加入「上海名媛群組」觀察半個月，發現所謂名媛生活嘅真相！
名媛們靠「拼單」，夾錢食頂級下午茶、住5星級酒店、買名牌手袋。
6個人夾錢食下午茶，每人唔洗$85就可以打卡。
15個人合租$3,000一晚酒店，每人只需$200。想打卡更高級嘅酒店，可以揀40人「團購」，每人僅$125。
Hermés手袋都可以合租，$1,500一個月，4個人夾，每人$350左右。
連Gucci絲襪都輪流著！超誇張！不過群入面嘅「名媛」都睇唔起揸BMW同Benz嘅男性。
佢哋通過「拼單」夾份租名牌、打卡道具輪流用，放上網營造自己過緊名媛奢華生活。
圖片來源：Weibo
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
