download HolidaySmart 假期日常 app
【代溝關注組】江嘉敏自爆情史 被2任男友背叛 曾撞破TVB男同事與人妻約會!

【代溝關注組】江嘉敏自爆情史 被2任男友背叛 曾撞破TVB男同事與人妻約會!

娛樂新聞
By Stephanie on 20 Sep 2021
Digital Content Writer

江嘉敏一向都心直口快,經常都傳出與其他藝人不和嘅傳聞。日前佢就獲邀上節目《代溝關注組》做嘉賓,自爆過去曾經被男友背叛導致分手收場,佢仲話曾經撞破TVB男同事偷食嘅事情經過,令佢十分驚訝!

江嘉敏於節目《代溝關注組》自爆情史!Photo from 江嘉敏IG

#江嘉敏經常被傳出與其他人不和!

江嘉敏一直都以「惹火」而出名,經常都被傳出與唔同嘅藝人有不合嘅傳聞,而最出名就就莫過於佢同馮盈盈因為船P事件,而導致姐妹情不再!早前又被何廣沛於節目中暗示江嘉敏係佢心目中「最唔想合作嘅藝人」,並話佢係「TVB三大喇叭」之一!

江嘉敏同馮盈盈曾經傳出不和!Photo from 江嘉敏IG

江嘉敏仲被何廣沛稱為「TVB3大喇叭」!Photo from 江嘉敏IG

#自爆曾遭男友背叛

日前,江嘉敏就獲邀擔任由區永權及張秀文所主持嘅《代溝關注組》,並同一班長輩李家鼎(鼎爺)、Maria Cordero(肥媽)等一齊討論該集嘅主題「外遇老是常出現」。期間,一向都心直口快嘅江嘉敏就自爆過去有2次分手,都係因為男友出軌而分手,表示而家嘅佢絕對唔可以容忍另一半不忠!

江嘉敏自爆過去2段關係都係因為男友出軌而分手!Photo from 《代溝關注組》

江嘉敏仲話男友出軌多過一次,令在場嘉賓嚇到!Photo from 《代溝關注組》

#18歲第一次拍拖!

江嘉敏表示初戀係18歲,而當時佢就曾經撞破初戀男友同自己嘅好姐妹私底下約出街,而男友仲欺騙佢話陪伴緊家人,不過佢當時就說服自己佢哋只係好朋友行街。後來,男友又喺佢生日當天同好姐妹表現親暱,令佢十分嬲繼而決定分手!

江嘉敏嘅初戀男友搭上自己嘅好朋友!Photo from 《代溝關注組》

江嘉敏撞破初戀男友同好朋友私下約會嘅畫面!Photo from 《代溝關注組》

#上一任男友出軌多次!

江嘉敏透露對上一段戀情嘅男友,出軌次數多不勝數,而對象仲包括有KOL、模特兒、女藝人等。而其中一位女藝人係佢都認識嘅人,前男友經常都趁佢開工嘅時候約會該名女藝人「有時我打俾佢嘅時候,都會喺後面聽到個女仔把聲,但佢就解釋係因為佢喺附近先會一齊食飯」,而佢亦因此而不以為意!

江嘉敏表示對上一段戀情嘅男友出軌次數超多!Photo from 《代溝關注組》

#反遭前男友媽咪責怪?!

直到江嘉敏有一次回家,發現該位女藝人嘅車就停泊喺屋企出面先揭發男友偷食!而佢本來就一直都渴望等待前男友痛改前非嘅一日,並致電前男友媽咪講述情況,但就竟然被反問「係咪你滿足唔到佢啊?如果唔係佢都唔會出去搵第二個囉!」,令佢超級生氣!

江嘉敏居然被前男友媽咪怪責返轉頭,令佢十分生氣!Photo from 《代溝關注組》

#曾經見到男同事偷食人妻!

江嘉敏除咗大爆自己嘅情史之外,仲話曾經喺尖沙咀撞破TVB男同事偷食嘅經過,「佢拖住嗰個係女仔係人妻,好彩我冇叫佢,如果唔係就好尷尬,後來佢哋就上咗新聞」,令在場嘉賓都一片譁然!

江嘉敏仲大爆曾經喺尖沙咀商場偶遇男同事偷食!Photo from 《代溝關注組》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

江嘉敏跟風挑戰抖音奶醉妝 開行美顏濾鏡改頭換臉變大細眼

29 Apr , 2021

無線花旦江嘉敏(Kaman)不論身材、演技、定是非都經常引起熱議。今年初,佢出席《萬千星輝頒獎典禮2020》時雖以密實銀色長裙現身,但仍然遮蓋唔到其臃腫身材;上月又被指同馮盈盈各有各自私P圖,未能瓦解雙方不和傳聞。Kaman向來熱愛喺社交媒體上載靚相為自己平反,噚日佢就喺大陸短片平台抖音跟風挑戰近期流行嘅「奶醉妝」。

江嘉敏微博Photo from 江嘉敏微博

江嘉敏年初出席《萬千星輝頒獎典禮2020》時身形腫脹。Photo from Presslogic

微博同抖音近期興起「奶醉妝」熱潮,效果同日本盛行嘅宿醉妝相似,都以厚重胭脂作妝顏重點,令兩邊臉頰同鼻頭都充滿血氣,模仿飲醉後微醉嘅誘人面貌。抖音更有Filter專門模擬其上妝過程,吸引咗Kaman都玩埋一份。

抖音近期興起一陣「奶醉妝」熱潮,眾網紅以美顏濾鏡模仿宿醉氣質。Photo from 李雯鈺微博

影片內可見Kaman同其他大陸網紅一樣,頭擰擰郁下手指啟動Filter,模擬胭脂上妝,完成「變身」效果後,原本嘅江嘉敏已經消失咗,眼前只剩一個眼仔碌碌、鼻高小顏嘅網紅式靚女,要辨認佢都有少許難度。但玩社交媒體最緊要令自己同支持者快樂,相信Kaman會繼續將最甜美面貌展示畀觀眾欣賞。

江嘉敏大玩近期抖音流行嘅奶醉妝挑戰。Photo from 江嘉敏微博

嘉敏變身中Photo from 江嘉敏微博

變身完畢!大家又覺得似唔似Kaman?Photo from 江嘉敏微博

江嘉敏微博Photo from 江嘉敏微博

Kaman平日愛喺社交平台大曬靚相,令粉絲大飽眼福。Photo from 江嘉敏微博

 

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

馮盈盈江嘉敏破冰世紀合照!一人獲讚大方一人被指小器?網友:以德報怨向你學習!

9 Mar 2021

馮盈盈江嘉敏曾經係好姊妹,但上年因「富豪船P」事件而「反目」,但兩人獲TVB委派齊齊擔任《解構心機女》主持,更世紀合照!

馮盈盈同江嘉敏曾經係好姊妹Photo from 江嘉敏IG

馮盈盈同江嘉敏兩人都是非多多,雖然姊妹情不再,但早前爆出兩人被TVB新上任高層曾志偉點名做新節目《解構心機女》嘅主持,外界關注兩人到底會喺節目擦出啲咩火花!

早前爆出馮盈盈江嘉敏被TVB新上任高層曾志偉點名做新節目《解構心機女》嘅主持Photo from 江嘉敏IG

今日《解構心機女》終於開拍!馮盈盈更喺IG PO合照,佢留言:「20210309 破。冰...sorry打錯,走冰先啱,珍珠奶茶少甜走冰。知道嘉敏今日第一次做主持請你飲珍珠奶茶,為你加油打氣,我哋一齊做好個show!#解構心機女#珍珠奶茶 #台灣風味 #少甜走冰 #低糖低熱量 #期待新火花」

馮盈盈更喺IG大方PO合照Photo from 馮盈盈IG

馮盈盈IGPhoto from 馮盈盈IG

馮盈盈「萬歲」請晒全場飲嘢,曾經同對方情同姊妹嘅佢仲特登為江嘉敏嗌少甜走冰嘅珍珠奶茶,非常細心!佢為首次做主持嘅江嘉敏打氣獲網友大讚「完美展現以德報怨,要好好向你學習」。

馮盈盈IGPhoto from 馮盈盈IG

為首次做主持嘅江嘉敏打氣獲網友大讚「完美展現以德報怨,要好好向你學習」。Photo from 馮盈盈IG

有網友就發現馮盈盈同江嘉敏合照中兩人都有啲拘謹,但馮盈盈喺合照、Story都有tag江嘉敏,表現大方。

馮盈盈喺合照、Story都有tag江嘉敏Photo from 馮盈盈IG

相反江嘉敏喺IG亦只係晒出個人照:「一直很感恩公司的栽培。我今年是第一次參與新年Show,很開心很興奮亦很感恩能有這個機會,能在一個喜慶的節日跟大家分享快樂。再次恭祝各位身體健康,心想事成,疫症快點兒消失,每個人都可以去旅行。而且,今年也是我第一次在TVB裡當主持,又興奮又緊張!明天 #盧小寶 可以放假一天,江嘉敏出來,繼續絞盡腦汁花盡心機去做《 #解構心機女 》!#第一次係TVB做主持 #聽日第一日開工喇我 #辛苦經理人劇組同節目組一齊幫我夾期 #我會努力好好學習 #3月底開始麻煩大家要開電視喇 #到時真係要 #睇我啲片要開喇叭 #有幾位綜藝師姐帶領住我呢個新人 #外景緊差啲唔記得出post #新年show中咗個大大金元實帶俾我運氣」

江嘉敏IGPhoto from 江嘉敏IG

成個POST都無提過馮盈盈,僅以「幾位綜藝師姐」一句帶過,有網民mean爆留言:「好心咪咁小氣啦,被人話幾句都唔得,咁中意del睇你del得幾多」似乎被江嘉敏del過留言!

江嘉敏IGPhoto from 江嘉敏IG

其實馮盈盈同江嘉敏曾經係好姊妹,但於2020年馮盈盈同江嘉敏被爆一齊參加賭王四房兒子何猷亨豪華遊艇船P,馮盈盈即被指想「釣金龜」,佢當時指係江嘉敏介紹佢去,不過江嘉敏就喺IG暗指有人講大話,兩人決裂。

馮盈盈IGPhoto from 馮盈盈IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel