download HolidaySmart 假期日常 app
內地假名媛鄒雅琦實測21天富豪生活 全身A貨獲5星級酒店+貴賓室免費食宿

內地假名媛鄒雅琦實測21天富豪生活 全身A貨獲5星級酒店+貴賓室免費食宿

生活熱話
By Cheryl on 08 Dec 2022
Digital Editor

不少人嚮往榮華富貴嘅生活,但因各種因素而無法實現夢想。在內地,一名中央美術學院女大生卻以「假扮名媛」為題作畢業作品,成功以全身名牌假貨打扮,喺21天內免費到五星級酒店、拍賣會、機場貴賓室等地方白吃白喝,途中完全無人質疑佢!

中央美術學院女大生鄒雅琦以假扮名媛到出騙吃喝為藝術實驗。Photo from 鄒雅琦 微博

內地假名媛21天呃飲呃食

鄒雅琦係一名就讀內地中央美術學院嘅女大生,為咗製作畢業作品,佢決定嘗試進行一個「行為藝術」,看看能否以假名媛身份,不花錢到各種場所白吃白喝。

鄒雅琦以「假扮名媛」嘅藝術行為製成畢業作品。Photo from 鄒雅琦 微博

為咗變成「名媛」,佢先花18元人民幣買咗隻假鑽戒,又準備了一條盜版Vivienne Westwood頸鏈、假珍珠頸鏈、假Hermès手袋等。妝容方面,佢會化一個鮮艷紅唇,令自己散發「生人勿近」嘅感覺,有時亦會戴上墨鏡,增強高冷感。

鄒雅琦以紅唇作「假名媛」妝容重點。Photo from 鄒雅琦 微博

內地假名媛機場食4日霸王自助餐

鄒雅琦為了自由出入機場休息室,事先列印一張假冒坐頭等艙才有嘅登機提醒牌。佢喺休息室任吃自助餐、睡覺,仲拿取部分食物作後備糧食。

鄒雅琦到機場休息室吃免費自助餐。Photo from 鄒雅琦 微博

鄒雅琦透過假名媛打扮成功到處休息。Photo from 鄒雅琦 微博

然後,佢進入機場Gucci店向職員表示袋爛了,但要趕飛機。於是,店員馬上提供一個印有Gucci品牌名嘅大紙袋畀佢。手拿Gucci紙袋嘅鄒雅琦令眾人以為佢剛到Gucci店消費,但其實4日以嚟,佢都用紙袋裝滿從休息室得到嘅小點心。

瞬間令鄒雅琦成為高消費力名媛嘅Gucci紙袋。Photo from 鄒雅琦 微博

內地假名媛到海底撈又食又瞓

鄒雅琦稱,佢會到海底撈同店員謊稱自己等朋友。等待途中,店員會提供小食畀佢,即使鄒雅琦睡著,店員都會畀佢留喺店內睡覺,仲話「唔緊要,出面凍。」除此,店員又會送小朋友玩嘅仙女棒安慰佢,最後佢一共收集到5-6把仙女棒。

鄒雅琦享受了21天白吃白喝體驗。Photo from 鄒雅琦 微博

海底撈職員可憐「假名媛」鄒雅琦,出動埋小朋友玩嘅仙女棒安慰佢。Photo from 鄒雅琦 微博

拍賣會人員主動讓假名媛試戴千萬元首飾

鄒雅琦來到了珠寶拍賣會,一身A貨嘅佢向工作人員表示對珠寶嘅興趣,就使職員主動讓佢試戴價值千萬人民幣嘅珠寶。鄒雅琦指,當時佢一手戴著只值18元嘅假鑽戒,一手戴著千萬元手鐲,工作人員都無察覺異樣。

鄒雅琦喺拍賣會上試戴千萬元首飾。Photo from 鄒雅琦 微博

除此,拍賣會向佢提供免費香檳及高級點心,職員更表示:「沒關係,你吃完,我們叫後廚再送一些。」

鄒雅琦免費享用拍賣夜場中嘅高級點心。Photo from 鄒雅琦 微博

假名媛到五星級酒店享免費桑拿、早餐

鄒雅琦最後到了一間五星級酒店,用假名、假房號去桑拿洗澡。即使佢嘅假身份被酒店職員識穿,鄒雅琦向佢哋表示想留喺度讓佢喺約會前洗臉補妝,職員都批准。

鄒雅琦到酒店浴場更衣室洗澡更衣。Photo from 鄒雅琦 微博

之後,佢喺同一酒店食早餐。儘管在場有一枱北京大爺,鄒雅琦仍「連吃帶拿」地吃完早餐,佢有諗過自己可能被告發偷東西,但最後都無人揭發佢嘅行為。

鄒雅琦將早餐放入假Hermès手袋帶走。Photo from 鄒雅琦 微博

網民反應兩極

鄒雅琦今次嘅「藝術行為」目的係想睇下,人能否靠衣裝,扮演成社會心目中嘅富貴人家,免費取得過剩物質喺社會生存下去。實驗確實幾成功,卻惹嚟部分網民批評。有網民指佢將騙吃騙喝包裝成藝術創作,又稱佢為「高級乞丐」。但係,亦有網民認為佢嘅「社會實驗」正正反映到現實社會拜金、以貌取人嘅情況。

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel