download HolidaySmart 假期日常 app
關禮傑對關楓馨落選港姐感失望!爆女兒將簽約TVB!有望父女檔上陣

關禮傑對關楓馨落選港姐感失望!爆女兒將簽約TVB!有望父女檔上陣

娛樂新聞
By Jennifer on 20 Sep 2021
Digital Editor

關禮傑大女關楓馨參選2021年香港小姐選舉卻大熱倒灶三甲不入,關禮傑日前出席活動時直言對女兒落選感失望,但佢又大爆關楓馨將與無綫簽約,成旗下藝人,睇嚟將來有機會睇到佢哋合作拍劇!

關禮傑大女關楓馨參選2021年香港小姐選舉卻大熱倒灶三甲不入Photo from 關楓馨 IG

關楓馨參選港姐大熱倒灶三甲不入

關楓馨以「星二代」身份參選港姐,一直都係焦點人物,佢曾與爸爸關禮傑一齊喺台上「四手聯彈」,雖然同台時間極短,但已成為話題。

關楓馨以「星二代」身份參選港姐,一直都係焦點人物,佢曾與爸爸關禮傑一齊喺台上「四手聯彈」Photo from TVB

當時更有人指關楓馨有爸爸「加持」,難免有所不公,但到總決賽關楓馨入到最後五強卻三甲不入,無獎而歸,佢對賽果感滿意,稱自己喺問答環節表現失準先會失落后冠。

有人指關楓馨有爸爸「加持」,難免有所不公,但到總決賽關楓馨入到最後五強卻三甲不入Photo from TVB

關楓馨對賽果感滿意,稱自己喺問答環節表現失準先會失落后冠。Photo from TVB

關禮傑直言對女兒落選港姐感失望

近日關禮傑出席活動時受訪時就坦言當時知道賽果的確感到失望,但就認為對女兒都係一件好事,指人生有唔順利嘅事,佢會成長得更快。

關禮傑出席活動時受訪時就坦言當時知道賽果的確感到失望,但就認為對女兒都係一件好事Photo from 關楓馨 IG

對於外界猜測關楓馨係因為紋身而落選,關禮傑指:「我覺得唔關事」,佢表示現今社會紋身係一種藝術,有唔少巨星都有紋身,而選美係講求美貌與智慧並重,與有無紋身都無關。

對於外界猜測關楓馨係因為紋身而落選,關禮傑指:「我覺得唔關事」Photo from TVB

關禮傑指選美係講求美貌與智慧並重,與有無紋身都無關。Photo from TVB

關禮傑爆愛女將簽約TVB

對愛女落選直言感失望,關禮傑喺決賽後安排一家人去Staycation,佢透露雖已經選完港姐,女兒仍堅持節食同做運動,佢又大爆關楓馨會簽約TVB。

對愛女落選直言感失望,關禮傑喺決賽後安排一家人去StaycationPhoto from 關楓馨 IG

關禮傑大爆關楓馨會簽約TVB。Photo from 關楓馨 IG

關禮傑指愛女有意向主持方面發展,被問到會唔會父女檔,關禮傑表示都想試下,又指日常都已經係父女,考慮其他更多想法,搞笑稱:「演情侶都得」

關禮傑指愛女有意向主持方面發展Photo from TVB

關禮傑指日常都已經係父女,考慮其他更多想法,笑言:「演情侶都得」Photo from 關楓馨 IG

TVB曾有唔少父子檔、父女檔

其實TVB都曾有唔少「父子檔」合作,例如馬德鐘同仔仔馬在驤,馬在驤喺《我家無難事》中飾演年輕時期嘅馬德鐘;石修同兒子陳宇琛等。「父女檔」較少,秦沛同女兒姜麗文首度同場演出嘅劇集係《踩過界2》。

其實TVB都曾有唔少「父子檔」合作,例如馬德鐘同仔仔馬在驤Photo from TVB

馬在驤喺《我家無難事》中飾演年輕時期嘅馬德鐘Photo from TVB

石修同仔仔陳宇琛Photo from 陳宇琛 IG

秦沛同女兒姜麗文首度同場演出嘅劇集係《踩過界2》。Photo from 姜麗文 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

關禮傑讚囡囡表現好 已經鋪好後路? 關楓馨7年前酬勞已達$5萬?!

15 Sep 2021

《2021香港小姐競選》日前就已經完滿結束,而關禮傑大女關楓馨(Fabienne)就大熱倒灶,令唔少網民表示不滿。有指,當日亦有到場為囡囡打氣嘅關禮傑知道賽果後,就即刻黑面離場;而關禮傑後來亦笑晒口咁接受訪問,大讚囡囡表現100分!

關禮傑到場為囡囡關楓馨打氣!Photo from 關楓馨IG

#網民對港姐賽果不滿?!

《2021香港小姐競選》已經舉辦完成,三甲結果出爐:冠軍宋宛穎、亞軍梁凱晴及季軍邵初;而最上鏡小姐就由楊培琳獲得。而賽前大熱關禮傑大女關楓馨(Fabienne)同陳聖瑜都未能奪得獎項,令唔少網民表示對賽果不滿!

今屆3甲以及最上鏡小姐已經出爐,不過網民似乎對賽果有異議?!Photo from 《2021香港小姐最美傳奇》

大熱之一嘅關楓馨卻未能得獎,令唔少網民感到可惜!Photo from 娛樂新聞台

#指關禮傑當日黑面離場?

《香港小姐》決賽當日,關禮傑同太太亦到場為囡囡打氣。不過有指當佢知道賽果之後,就面露難色好匆忙咁離場,令大家不禁猜測佢可能係對賽果不滿?!而關楓馨就有為爸爸解釋,「佢唔係失望,只係返屋企幫我準備慶功!」

關楓馨為爸爸解圍,表示佢並非對賽果不滿!Photo from 《香港小姐競選2021》

#關禮傑打破傳聞!

近日,TVB就播放《香港小姐競選》嘅幕後花絮,並播出咗賽後採訪關禮傑嘅片段。由片中所見,關禮傑就大讚囡囡表現得好,「佢落咗好多努力,入到5強已經好厲害」,認為今年嘅三甲係實至名歸,似乎並冇不滿!

關禮傑於觀賽後接受訪問,認為三甲實力強!Photo from 娛樂新聞台

#同太太一齊到場觀賽

關禮傑仲話囡囡喺呢段過程中成長咗好多,談吐表現都非常大方,「我緊係俾100分啦!見到佢嘅成長,覺得好值得」。而佢亦話同太太喺現場睇氣氛好緊張,不過就話係因為緊張先令比賽更加好睇~

關禮傑同太太都有到場為囡囡打氣!Photo from 娛樂新聞台

關禮傑大讚囡囡關楓馨表現100分!Photo from 娛樂新聞台

#關楓馨平常心面對比賽

而關楓馨訪問時就話覺得決賽好似一個畢業典禮咁,比賽完好似鬆咗一口氣咁。佢透露爸爸賽前鼓勵佢「做好自己,唔好咁緊張!其實我由頭到尾都冇當過係比賽,更加想做一個靚嘅show俾大家睇」,仲話爸爸分分鐘仲緊張過佢!

關楓馨賽後訪問時,表示心情輕鬆!Photo from 娛樂新聞台

關楓馨當作吸取舞台經驗!Photo from 娛樂新聞台

#7年前活動酬勞就已經有$5萬?!

雖然關楓馨最終於5強止步,不過佢當日嘅表現已經獲得唔少網民大讚,相信未來必定有唔少機會繼續於娛樂圈發展~其實早於7年前,當時仲係大學生嘅佢就已經有出席公開活動,仲大騷舞技。當年就有報導指佢出席活動嘅酬勞為$5萬,而佢當時被訪問時亦冇否認「酬勞係開心價,當攞經驗,唔係計錢」!

關楓馨7年前出活動時,就已經有$5萬酬勞?!Photo from 關楓馨IG

關楓馨當年並冇否認酬勞價錢,仲回應係開心價!Photo from 關楓馨IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel