download HolidaySmart 假期日常 app
食客斥牛角係「黑心燒肉」前因後果懶人包!長文數牛角3大問題!老闆黃傑龍揭真相大反轉

食客斥牛角係「黑心燒肉」前因後果懶人包!長文數牛角3大問題!老闆黃傑龍揭真相大反轉

時事熱話
By Jennifer on 20 Sep 2021
Digital Editor

喺香港食日式燒肉好多人都會選擇「牛角」,分店經常排長龍。近日有食客喺牛角buffet用餐後於Facebook發長文力數3大不滿,更指牛角係「黑心燒肉」,引起關注,而牛角老闆黃傑龍亦火速回應相關帖文!

喺香港食日式燒肉好多人都會選擇「牛角」,分店經常排長龍Photo from 牛角

食客直斥牛角係「黑心燒肉」

有食客喺Facebook群組「香港自助餐及放題集中討論區 hk buffet group」發文,指佢喺牛角buffet位於雅蘭中心嘅分店用餐,唔止由5點幾等到9點幾先有位,更表示自己花$900食LV5卻換來$300 LV2嘅質素,令佢大怒更附上9張相,力數當日遇到嘅3大問題。

食客網上發長文直斥牛角係「黑心燒肉」Photo from 黃傑龍 Facebook

1. 和牛貨不對辦,根本唔係A5和牛質素

食客稱佢第一round叫嘅和牛食落好韌,根本唔係佢揀嗰個餐嘅A5和牛應有嘅質素,佢懷疑係澳洲牛而唔係日本和牛。

食客稱佢第一round叫嘅和牛食落好韌,根本唔係佢揀嗰個餐嘅A5和牛應有嘅質素Photo from 香港自助餐及放題集中討論區 hk buffet group

食客晒出共9張相,力斥牛角牛肉質素差Photo from 香港自助餐及放題集中討論區 hk buffet group

2. 雪糕溶得超快,搵職員跟進3次先有回應

食客表示佢碗雪糕唧出嚟3分鐘都無就溶晒,佢問餐廳職員,但對方只叫佢唧多次,但食客老公就制止佢,指食緊放題係計時,唔應該浪費時間去test部雪糕機,前後搵咗3次職員,最後個職員話雪糕機個製冷熄咗,食客斥:「雪糕溶到咁食落肚真係可大可小!」

食客表示佢碗雪糕唧出嚟3分鐘都無就溶晒Photo from 香港自助餐及放題集中討論區 hk buffet group

前後搵咗3次職員,最後個職員話雪糕機個製冷熄咗,食客斥:「雪糕溶到咁食落肚真係可大可小!」Photo from 黃傑龍 Facebook

3. 向經理反映問題後獲兩碟靚牛補償

食客同朋友交流後得知朋友都有相似遭遇,佢埋單時向餐廳經理反映牛似質素問題,之後即刻畀兩碟靚牛佢哋,令食客更嬲:「好似我哋呢啲第一次嚟食嘅客唔知頭唔知路咪俾你地公司撈好多水?」,又斥當晚已差唔多12點,佢又已經埋咗單,最後先畀兩碟牛,明顯不滿呢個補償。

食客埋單時向餐廳經理反映牛似質素問題,之後即刻畀兩碟靚牛佢哋Photo from 香港自助餐及放題集中討論區 hk buffet group

食客將質素參差嘅牛肉同埋單後補償嘅嘅靚牛作對比Photo from 香港自助餐及放題集中討論區 hk buffet group

食客自爆獲員工私下退款

食客之後自爆佢拒絕接受嗰兩碟牛,更直言要求退返一半錢畀佢($878),經理打電話問完分區經理後決定自己私下畀住先,同請求佢唔好告訴老闆。

食客之後自爆佢拒絕接受嗰兩碟牛,更直言要求退返一半錢畀佢(埋單$1,756即$878)Photo from 香港自助餐及放題集中討論區 hk buffet group

牛角經理打電話問完分區經理後決定自己私下畀住先,同請求佢唔好告訴老闆。Photo from 香港自助餐及放題集中討論區 hk buffet group

食客長文鬧爆牛角!Photo from 香港自助餐及放題集中討論區 hk buffet group

之後牛角老闆黃傑龍亦喺Facebook回應事件,佢坦言因為牛肉唔係工業製品,無可能每一碟都一模一樣,並對食客嘅不滿逐一回應。

牛角老闆黃傑龍亦喺Facebook回應事件Photo from 黃傑龍 Facebook

黃傑龍坦言因為牛肉唔係工業製品,無可能每一碟都一模一樣Photo from 黃傑龍 Facebook

1. 「貨不對辦和牛」其實係頭盤

老闆指Level5頭盤有專用碟,頭盤係畀客人體驗佢叫嗰一個Level可以點選嘅唔同肉類,老闆表示食客影嘅相一開始都十分正常,之後嗰張睇落十分令人無食慾嘅相其實係放喺枱面超過2個鐘嘅頭盤,而且仲將唔會放喺頭盤嘅「A5和牛」紙牌放喺旁邊,與新鮮拎出嚟嘅和牛做對比。

老闆表示食客影嘅相一開始都十分正常Photo from 黃傑龍 Facebook

之後嗰張睇落十分令人無食慾嘅相其實係放喺枱面超過2個鐘嘅頭盤Photo from 黃傑龍 Facebook

食客將唔會放喺頭盤嘅「A5和牛」紙牌放喺旁邊,與新鮮拎出嚟嘅和牛做對比,移花接木。Photo from 黃傑龍 Facebook

黃傑龍接示「貨不對辦和牛」其實係頭盤Photo from 黃傑龍 Facebook

2. 軟雪糕溶得快係因為佢擺喺火爐旁邊

根據閉路電視,客人喺燒肉同時去攞雪糕,拎到返張枱之後又唔食擺喺個火爐邊幾分鐘,熔晒都好正常,老闆表示同事問頭先攞嘅時候係唔係咁,食客都話唔係「否則都唔會加朱古力豆上去個面」,之後職員仲特登去攞返兩杯畀呢位食客,食客都有食到。

根據閉路電視,客人喺燒肉同時去攞雪糕,拎到返張枱之後又唔食擺喺個火爐邊幾分鐘,熔晒都好正常Photo from 香港自助餐及放題集中討論區 hk buffet group

黃傑龍回應軟雪糕溶得快原因Photo from 黃傑龍 Facebook

3. 凌晨時份壓力下職員退返近一半現金

老闆指食客喺用餐130分鐘後特登保留兩個幾鐘唔食嘅牛肉,埋單先指牛肉質素唔好,令經理喺凌晨時分心理壓力下決定畀返$878現金嗰位食客,而老闆都表示公司係絕對唔會要經理畀嗰筆錢,會由公司出返。

老闆指食客喺用餐130分鐘後特登保留兩個幾鐘唔食嘅牛肉,埋單先指牛肉質素唔好,令經理喺凌晨時分心理壓力下決定畀返$878現金嗰位食客Photo from 黃傑龍 Facebook

黃傑龍晒食客詳細餐單Photo from 黃傑龍 Facebook

老闆表示客人喺文章中聲稱自己是係第一次幫襯牛角,但係居然有會員卡:「根本都係前言不對後語(佢好似解釋係問朋友借卡) 」

老闆表示客人喺文章中聲稱自己是係第一次幫襯牛角,但係居然有會員卡Photo from 黃傑龍 Facebook

對於老闆嘅回應,食客再發澄清文!

嗰位食客就再度發文澄清,佢承認自己借朋友會員銀卡:「呢樣野我真係唔啱,我承認係R着數」,至於點解會埋單先反映牛肉有問題,係因為佢後尾坐多兩個字收到朋友send張圖,喺對比之下先發現啲牛肉有問題,之前全程一直以為自己食緊A5牛。

嗰位食客就再度發文澄清,佢承認自己借朋友會員銀卡Photo from 香港自助餐及放題集中討論區 hk buffet group

嗰位食客就承認自己借朋友會員銀卡:「呢樣野我真係唔啱,我承認係R着數」Photo from 香港自助餐及放題集中討論區 hk buffet group

對於點解一張唔屬於嗰啲牛嘅A5牌會喺啲牛到,食客表示:「呢一個我承認我都解釋唔到,但我真係無多手將塊牌拎去碟牛度走去屈你」,佢又指唔知嗰碟係頭盤,懷疑係執枱嗰陣時唔小心痴咗張A5牌跌咗落去。佢澄清無刻意將啲牛擺到最尾,埋完單後佢主動叫執枱員清晒枱面上面嘅嘢:「咁我唔知咩原因下佢冇執到呢碟牛走」

食客指唔知嗰碟係頭盤,懷疑係執枱嗰陣時唔小心痴咗張A5牌跌咗落去Photo from 香港自助餐及放題集中討論區 hk buffet group

對於點解一張唔屬於嗰啲牛嘅A5牌會喺啲牛到,食客表示:「呢一個我承認我都解釋唔到,但我真係無多手將塊牌拎去碟牛度走去屈你」Photo from 香港自助餐及放題集中討論區 hk buffet group

食客澄清無刻意將啲牛擺到最尾,埋完單後主動叫執枱員清晒枱面上面嘅嘢Photo from 香港自助餐及放題集中討論區 hk buffet group

食客又指自己一拎完杯雪糕,未返到自己張枱就已經溶,佢指:「其實係我前面唧雪糕嗰啲女士見到杯雪糕溶到咁,都喺度諗緊食唔食得,只不過佢哋冇出聲亦都冇人擺上黎公審咁就變咗好似得我自己一個人講。」

食客晒相證明係40分當時影Photo from 香港自助餐及放題集中討論區 hk buffet group

食客又指自己一拎完杯雪糕,未返到自己張枱就已經溶Photo from 香港自助餐及放題集中討論區 hk buffet group

至於埋單方面,佢就指自己無難為個經理:「佢自己都覺得今次件事有啲過分」,又指從未應承唔向老闆反映呢件事。

食客指從未應承唔向老闆反映呢件事。Photo from 黃傑龍 Facebook

至於埋單方面,佢就指自己無難為個經理:「佢自己都覺得今次件事有啲過分」Photo from 香港自助餐及放題集中討論區 hk buffet group

老闆黃傑龍直言會取消會籍

黃傑龍睇到食客新post,表示:「我冇嘢想再補充了」,但指唔會公開CCTV,因為佢好重視客人私隱。

黃傑龍睇到食客新post,表示:「我冇嘢想再補充了」Photo from 黃傑龍 Facebook

老闆黃傑龍直言會啱會公開CCTV同會取消會籍Photo from 黃傑龍 Facebook

另外會員使用條例寫明係禁止租借或者轉讓,但因為呢張會員銀卡唔係必須實名制使用嘅金卡:「坦白講食餐飯啫,如果真係佢朋友借俾佢,我都唔想特別處理」,不過竟有網友踢爆所謂嘅朋友原來係喺carousell上面認識:「直接d講就係租返嚟」,所以會取消呢張卡。

有網友踢爆食客所謂嘅朋友原來係喺carousell上面認識Photo from 香港自助餐及放題集中討論區 hk buffet group

自黃傑龍發文後,留言風向大反轉,唔少網友都指客人好麻煩,又話嗰位食客收咗錢仲公開明顯唔啱。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel