download HolidaySmart 假期日常 app
肯亞98歲高齡婆婆成當地最年長小學生! 經歷被翻拍成電影 勉勵女生讀書

肯亞98歲高齡婆婆成當地最年長小學生! 經歷被翻拍成電影 勉勵女生讀書

生活熱話
By Stephanie on 21 Sep 2021
Digital Content Writer

喺唔少落後國家都並非人人能夠有接受教育嘅機會,能夠讀書對佢哋而言係十分珍貴!最近,有位來自肯亞嘅98歲婆婆喺4年前決定開始讀書,並成為當地最老嘅小學生,希望藉此機會勉勵小孩努力讀書,勤奮精神令人敬佩!

來自肯亞嘅98歲婆婆於4年前申請入讀小學!Photo from Twitter

#98歲婆婆開始就讀小學!

有唔少發展中嘅國家,到而家都未必能夠為佢哋嘅市民提供平等嘅教育機會,不過最近有位來自肯亞嘅婆婆斯提耶內(別名「Gogo」)就決定做學生,並希望藉此機會令更多當地人可以明白到教育嘅重要性!

婆婆重回校園,希望令大家明白讀書嘅重要性!Photo from Twitter

#成為肯亞最年長小學生!

現年98歲嘅婆婆Gogo從來都未接受過教育,並於4年前決定以94歲高齡申請入讀小學,成為當地年紀最老嘅小學生!Gogo於1923年出生,家鄉位於肯雅西部嘅一個小村莊,自小就跟隨父母養牛耕田,基於當時嘅社會文化下,大部分女生都並冇接受過教育,從來都冇試過返學!

婆婆於12歲嘅時候就結婚,同其他同輩嘅女生一樣並冇接受教育嘅機會!Photo from Twitter

#12歲時就結婚

Gogo表示「過去女生年紀一到12至14歲就要嫁人,男生就會開始到村裡面物色對象,並向女方父母談判」,而佢就於12歲時下嫁幫歐洲人工作嘅牧羊人,隨後做咗65年嘅助產士!直到4年前,Gogo嘅孫女因為剛剛生完小朋友而決定要放棄學業時,佢就決定以身作則,向孫女樹立榜樣,並希望借呢個機會告訴佢讀書嘅重要性!

斯提耶內決定為咗孫女以身作則,開始讀書!Photo from YouTube@UNICEF France

#努力學習 成為班上第2名!

起初校方堅決反對Gogo嘅請求,不過當佢哋明白婆婆嘅背後用意時,就決定安排佢同6位曾孫女一齊上堂。佢就同平常嘅小學生一樣,背誦乘數表、學英文、參加跳舞班等,而Gogo以十分努力咁追趕其他同學嘅步伐,進步神速於第2年成為全班第2名!

婆婆就讀小學嘅第2年就已經考獲全班第2!Photo from YouTube@UNICEF France

婆婆Gogo同其他小學生一樣亦會一齊上音樂、體育堂等。Photo from Twitter

#獲法國導演青睞!

婆婆Gogo嘅故事受到當地嘅媒體報導,並引起法國電影導演Pascal Plisson注意,喺2013年將婆婆嘅經歷拍成紀錄片《逐夢上學路》,榮獲得第39屆凱撒電影獎最佳紀錄片!最近紀錄片就上映,而Gogo就獲邀到法國巴黎參加電影嘅首映禮,首次出國!佢就表示願意冒著疫情嘅風險飛往外地,全因希望分享自己經驗,並推動國內嘅教育制度改革,仲話自己會堅持繼續升學,十分有毅力~

Gogo被獲邀到法國巴黎參加電影首映禮!Photo from Twitter@Le Parisien

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【東京殘奧】陳浩源勇奪輪椅羽毛球銅牌! 強忍手傷繼續比賽 落淚感謝媽媽

6 Sep , 2021

東京殘奧會日前舉行閉幕典禮,所有賽事均順利完成圓滿落幕!而今屆香港隊亦獲得十分唔錯嘅成績,共獲得2銀3銅。其中喺羽毛球WH2級別榮獲銅牌嘅陳浩源,賽後訪問時忍唔住流下男兒淚,表示好感謝媽媽嘅陪伴,場面令人動容!

成功於今屆輪椅羽毛球WH2級獲得銅牌!Photo from 陳浩源IG

#輪椅羽毛球選手陳浩源奪得銅牌

東京殘奧會正式完結,並舉行閉幕典禮畫上完美句號~除咗精彩嘅賽事之外,運動員堅持不懈嘅精神亦成為咗大家嘅焦點!而代表港隊嘅羽毛球選手陳浩源就喺羽毛球WH2級別榮獲銅牌,比賽期間佢強忍右手抽筋嘅痛楚,以直落2:0擊敗韓國選手金京勳,出色表現同強大嘅意志力受網民大讚。

雖然未能如願取得金牌,不過佢堅毅嘅意志力非常受大家尊敬!Photo from TVB

為港隊再增一面銅牌~Photo from 有線電視

#訪問提及媽媽時落下男兒淚

陳浩源接受賽後訪問時,表示感謝香港人嘅支持「8點鐘爬起身睇我比賽」。當被問到有冇想特別感謝嘅人時,本身表現冷靜嘅佢就忍唔住落淚,並答謝媽媽一直以來嘅照顧「我不是神奇小子,但我有個神奇媽媽」。佢仲話媽媽一直都希望子女可以出人頭地,佢希望獲獎嘅呢刻可以令媽媽感到驕傲。而媽媽喺疫情期間亦有重病,但媽媽依然鼓勵佢。

賽後訪問談及媽媽時 忍唔住落淚!Photo from 有線電視

心疼媽媽生病!Photo from 有線電視

#13年前嘅意外 令佢人生變得不同!

現年36歲嘅陳浩源於2008年嘅年三十晚於內地工作完打算趕返香港過節之際,不幸遇上車禍,從此失去左腿,命運亦因此被改寫!佢表示媽媽就係佢復原嘅動力,喺意外發生嘅時候,媽媽任職廚師,但放工後依然堅持為佢親手煮飯,風雨不改,就算8號風球都堅持送飯!

2008年一場交通意外令佢失去左腿!Photo from 陳浩源IG

#世界排名第2

發生意外前,陳浩源已經有踢足球同打羽毛球嘅習慣。意外後,佢就下定決心要成為一個輪椅羽毛球選手。2009年,佢就正式加入港隊,並多次於世錦賽獲獎,仲喺2018年亞殘運獲得銀牌。可惜嘅係,由於羽毛球以前並非殘奧嘅項目之一,所以佢一直都未有機會參與奧運呢個世界盛事!

意外後就加入羽毛球港隊!Photo from 陳浩源IG

#愛情長跑 羨煞旁人

除咗媽媽之外,陳浩源亦表示十分感謝妻子嘅陪伴,由佢13年前突然出意外到而家都一直不離不棄喺佢身邊支持佢,「成日受我嘅脾氣,做我嘅出氣袋同樹窿,好開心可以同佢一齊走落去」,甜蜜感情令人羨慕!

陳浩源感謝妻子一直嘅陪伴!Photo from 陳浩源IG

由出意外到而家 一直都鼓勵佢!Photo from 陳浩源IG

#3年後再戰巴黎奧運!

而陳浩源透露將會出戰3年後嘅巴黎殘奧,並希望同隊友王鎮炎一齊再次為香港增光。現階段佢認為自己要先好好沉澱心情,「自己應該以咩角色走落去,希望下屆區旗可以因為自己喺最高嘅位置升起」!

透露將出戰3年後殘奧!Photo from 陳浩源IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel