download HolidaySmart 假期日常 app
TVB對校服look情有獨鍾? 藝人們超齡學生造型 網民:有啲難頂!

TVB對校服look情有獨鍾? 藝人們超齡學生造型 網民:有啲難頂!

娛樂新聞
By Stephanie on 21 Sep 2021
Digital Content Writer

TVB綜藝節目《開心大綜藝之暑假玩到盡》最新一集就要求一班嘉賓以「校服look」登場,以配合9月開學嘅時期!其中一班女嘉賓穿上校服,並大擺青春無敵嘅拍照pose,不過就有唔少網民認為佢哋嘅衣著的確有違和感「真係頂唔順」!

《開心大綜藝》主持人們紛紛重返校園,穿上校服裝!Photo from TVB

#《開心大綜藝》主持人變身成為學生!

TVB綜藝節目《開心大綜藝之暑假玩到盡》繼早前嘅水上活動後,最新一集就要求主持人們以「校服look」亮相,配合返9月開學嘅節奏。其中Bob就負責主持大局,而其餘嘅主持人就被分成兩隊,並由何廣沛同周志康擔任隊長,帶領隊伍一齊玩遊戲取得勝利!

由Bob林盛斌為學生們主持大局!Photo from TVB

#大擺青春無敵pose!

而一班主持人換上校服後,亦好似「返老還童」一樣,大擺青春無敵pose,而女主持人們就施展渾身解數,利用唔同獨特嘅pose搶盡風頭!其中32歲嘅黃美棋就雙手叉腰影相,而35歲嘅朱智賢就利用自己嘅身高優勢,坐低大晒美腿!

黃美棋大擺青春無敵嘅pose!Photo from TVB

朱智賢著校服大晒美腿!Photo from TVB

#用髮型增添「學生味」!

大部份嘅女主持人都靠髮型為自己增添「少女味」,有啲就扎孖辮、加上超大蝴蝶結頭飾、清爽馬尾頭等,全部都好落力咁悉心打扮!

陳嘉桓大晒完美身材,長腿超吸睛! Photo from TVB

30歲嘅林秀怡扎孖辮,少女味濃!Photo from TVB

羅毓儀本身就已經睇落十分年輕,所以穿上校服就更加冇違和感!Photo from TVB

蔚雨芯仲利用七彩繽紛嘅小髮夾,去為佢嘅髮型增添唔少色彩,瞬間變年輕;而波波就係眾多女主持人中最年輕嘅一位,甜美笑容絕對令呢個校服look加晒分啊!

蔚雨芯戴上多個髮夾,扎上孖辮,青春無敵!Photo from TVB

波波咁年輕,當然非常適合校服裝啦!Photo from TVB

#男主持就睇落比較成熟?!

而男主持人們亦都穿上白色恤衫加灰色短褲嘅校服look,手插住褲袋咁擺pose,展現有氣勢嘅一面;身穿西裝嘅Bob(林盛斌 )就變成學校校長咁,同同學們打成一片!

男主持人們都手插褲袋,大擺pose!Photo from TVB

男子組就相對睇落比較「成熟」喇~Photo from TVB

#網民表示校服look好難頂!

不過有唔少網民就對於佢哋嘅校服look有意見,認為佢哋同校服唔合襯,完全係「超齡學生」!其實一班主持人們嘅平均年齡都已經30幾歲,又難怪校服look會同主持人們有違和感嘅,唔知大家又點睇呢?!

唔少網民就覺得校服look超奇怪!Photo from 《開心大綜藝之暑假玩到盡》

 有網民就對於主持人們嘅校服look表示難頂!Photo from 《開心大綜藝之暑假玩到盡》

#TVB鍾意校服look?!

其實TVB要藝人們身穿校服都唔係第一次!黃智雯就曾經喺節目《一個因去跳舞》入面,穿上校服裝大跳K-pop舞蹈;而一班後生仔亦有身穿自己以前套校服上節目。

黃智雯身穿校服學跳舞!Photo from 《一個因去跳舞》

一班後生仔主持人都有試過穿校服上節目!Photo from 《後生仔傾吓偈 》

而《愛.回家之開心速遞》嘅一班演員亦試過身穿校服裝宣傳電視劇,並有電視劇劇情係關於學生題材嘅,睇嚟TVB對校服真係情有獨鍾~

《愛回家》一班演員校服look示人!Photo from 娛樂新聞台

《愛回家》亦有全家一齊拍攝校園題材嘅劇情!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

戴祖儀同「後生仔」們著校服跳舞 網民:抄ViuTV YOLO 但又抄得核突!

20 Apr, 2021

戴祖儀憑住佢嘅好身材加長腿,被網民封為「長腿女神」。近日,佢就喺IG上載咗同新劇《青春不要臉》嘅演員齊齊著校服跳舞嘅影片,但就被網民話抄ViuTV YOLO女團,仲俾人話跳得好差!

戴祖儀IGPhoto from 戴祖儀IG

現年26歲嘅戴祖儀就因為佢嘅好身材,而成為咗唔少宅男心目中嘅女神。呢排,佢就忙於拍攝新電視劇《青春不要臉》嘅拍攝,偶爾都會喺IG上載自己喺劇中學生妹嘅打扮~

戴祖儀IGPhoto from 戴祖儀IG

戴祖儀IGPhoto from 戴祖儀IG

早前,戴祖儀就喺IG上載咗段佢同《#後生仔傾下偈》 嘅KOL們一齊穿著住校服跳舞嘅影片,佢表示段舞係大家喺等緊埋位嘅時候,用半個鐘一齊練習嘅成果。

戴祖儀IGPhoto from 戴祖儀IG

戴祖儀IGPhoto from 戴祖儀IG

喺影片中,5個人都排好咗個隊形,而戴祖儀就企喺C位帶領大家一齊跳舞,就咁睇都幾有隊形,有少少似女團。

戴祖儀IGPhoto from 戴祖儀IG

戴祖儀IGPhoto from 戴祖儀IG

不過就有網民認為佢哋好似係度抄之前ViuTV 嘅《YOLO的練習曲》女團,同佢哋一樣一班女仔穿著校服跳舞,覺得佢哋係因為見人哋成功製造話題而跟風!

《YOLO的練習曲》Photo from 《YOLO的練習曲》

戴祖儀IGPhoto from 戴祖儀IG

唔少嘅網民就喺片段下面留言話,覺得睇到好尷尬,仲批評佢哋嘅舞技差!

戴祖儀IGPhoto from 戴祖儀IG

戴祖儀IGPhoto from 戴祖儀IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel