download HolidaySmart 假期日常 app
港星北上工作人氣更加旺?! 楊千嬅唱功獲大讚/大灣區哥哥被讚貼地

港星北上工作人氣更加旺?! 楊千嬅唱功獲大讚/大灣區哥哥被讚貼地

娛樂新聞
By Stephanie on 21 Sep 2021
Digital Content Writer

近年,唔少香港明星都會北上搵真銀,並出演內地唔同嘅綜藝節目。最近,楊千嬅就出演節目《我們的歌》並與胡夏合唱陳百強嘅經典歌曲《偏偏喜歡你》,仲因此而大獲好評,被網民大讚「令我想起陳百強了」!

楊千嬅近來頻頻出演內地綜藝節目!Photo from 楊千嬅IG

#楊千嬅頻頻出演內地節目!

楊千嬅近來專注於內地發展,成為內地節目嘅「常客」。早前先帶同老公丁子高一齊拍攝內地真人騷《做家務的男人3》,夫妻檔搵真銀;而佢亦有出席唔同嘅歌唱節目,其中佢喺《為歌而讚》中演唱《一生中最愛》就被內地網民大讚歌聲夠溫柔深情,仲形容佢為「行走中的CD」!

楊千嬅於內地歌唱節目演唱《一生中最愛》,成功獲網民大讚唱工好!Photo from 《為歌而讚》

楊千嬅帶同老公丁子高一齊上內地真人騷!Photo from 《做家務的男人3》

#與胡夏合唱再成焦點!

日前,楊千嬅又再出演另外一個唱歌節目《我們的歌》,並同內地歌手胡夏合唱陳百強嘅經典歌《偏偏喜歡你》,兩人嘅演唱片段播出後,好快就登上咗熱搜!

楊千嬅同胡夏合唱《偏偏喜歡你》獲網民大讚!Photo from 《我們的歌》

內地網民大讚楊千嬅唱功了得!Photo from 《我們的歌》

#內地網民大讚唱功了得!

網民們都稱讚兩人嘅配合十分完美,成功喺觀眾心目中留下深刻嘅印象。有內地網民仲話楊千嬅嘅唱功依舊咁好,仲能夠瞬間將聽眾帶入首歌嘅意境之中,技巧真係好高超!由於呢首歌係陳百強嘅出名經典歌,唔少網民都留言話好掛住陳百強,感嘆佢嘅歌曲到而家都依然百聽不厭!

內地網民大讚楊千嬅唱功依然咁好!Photo from 微博

內地網民大讚楊千嬅同胡夏嘅歌聲配合完美!Photo from 微博

#香港網民睇法唔同!

不過香港嘅網民就似乎同佢哋嘅諗法有啲唔同喇,佢哋認為楊千嬅嘅唱功依然有待改進,「佢嘅唱功同好聽係永遠冇關聯!」、「氣音重到呢!」等;亦有網民覺得其實香港歌手返內地工作多數都只係利用經典歌曲做噱頭!

香港網民就似乎唔太認同楊千嬅嘅唱功喇!Photo from 連登討論區

有網民就認為港星返內地,大多數都係sell集體回憶!Photo from 連登討論區

#楊千嬅表情多多 亦成為亮點!

而楊千嬅於節目中表情超級豐富,亦成為咗一大亮點之一!對於佢搞怪嘅樣貌,網民就有兩極嘅睇法:部份網民就覺得佢樣貌自然,大讚佢係「優雅自然地老去嘅典範」;亦有網民建議佢應該好好保養一下!

楊千嬅聽到其他人淘汰嘅消息時,表情都十分肉緊!Photo from 《我們的歌》

楊千嬅最後未有選擇同胡夏合作,露出搞怪表情!Photo from 《我們的歌》

#內地網民經常偶遇 「大灣區男團」?!

近年一直都有唔少香港明星返內地工作,而佢哋於內地嘅人氣都好高,甚至比喺香港更加厲害!最近,有唔少內地網民就經常喺街上偶遇到正在拍攝《披荊斬棘的哥哥》嘅「大灣區哥哥」們,網民們仲大讚呢班港星哥哥好貼地,經常喺唔同嘅食店見到佢哋,仲會好親切咁主動同佢哋影相!

陳小春被內地網民見到正在食飯!Photo from 小紅書

MC Jin同黃貫中就喺泰國餐廳進食晚餐!Photo from 小紅書

內地網民大讚香港明星夠貼地!Photo from 小紅書

#張智霖繼續做愛妻號!

最搞笑嘅就係,唔少網民都話經常見到張智霖同老婆袁詠儀喺名牌店睇包包,令網民爆笑,睇嚟靚靚嘅購物慾去到邊都非常好!

張智霖陪老婆袁詠儀睇名牌袋,果然係愛妻號!Photo from 小紅書

內地網民紛紛為張智霖講出心底話!Photo from 小紅書

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【披荊斬棘的哥哥】「大灣區男團」節目狂講廣東話!節目組聽唔明將陳小春爆粗直出!

7 Sep , 2021

內地綜藝《披荊斬棘的哥哥》有唔少港星如陳小春張智霖謝天華、林曉峰、梁漢文、黃貫中等出演,更獲網友封為「大灣區男團」,節目第4期陳小春竟意外喺節目中爆粗,展現「真性情」。

內地綜藝《披荊斬棘的哥哥》有唔少港星如陳小春、張智霖、謝天華、林曉峰、梁漢文、黃貫中等出演Photo from 《披荊斬棘的哥哥》

#香港男星獲獲內地網民封「大灣區哥哥」

《披荊斬棘的哥哥》搵嚟來自中港台超過30位平均年齡逾50歲嘅「哥哥」們參加,香港男星分別有陳小春、張智霖、謝天華、林曉峰、梁漢文、黃貫中、歐陽靖(MC Jin)等,佢哋嘅人氣都唔錯,更獲內地網民親切稱做「大灣區哥哥」。

陳小春、張智霖、謝天華、林曉峰、梁漢文獲內地網民親切稱做「大灣區哥哥」。Photo from 《披荊斬棘的哥哥》

喺節目中陳小春、張智霖、謝天華、林曉峰、梁漢文經常坐埋一齊,喺第四期中,佢哋組隊係第四名,不過因為賽制規定第三場演唱會將以「部落同盟」嘅方式進行,需要兩個部落一齊合作演出。

喺第四期中,佢哋組隊嘅「陳小春部落」係第四名Photo from 《披荊斬棘的哥哥》

#陳小春想與黃貫中結盟

於是陳小春部落就周圍搵同盟,佢哋一開始打算同黃貫中嘅6人部落結盟,但陳小春考慮到人數太多,佢直言:「我們十一個走在一起太沒規矩,就會變成欺負人家了。」

陳小春部落一開始打算同黃貫中嘅6人部落結盟Photo from 《披荊斬棘的哥哥》

陳小春考慮到人數太多,佢直言:「我們十一個走在一起太沒規矩,就會變成欺負人家了。」Photo from 《披荊斬棘的哥哥》

#轉軚搵GAI感唔好意思

之後梁漢文就提議可以喺表演中加入Rap嘅元素,搵GAI(周延)聯盟,大家都幾同意,不過陳小春因為之前打算同黃貫中結盟,依家「轉軚」,覺得有啲唔好意思。

梁漢文就提議可以喺表演中加入Rap嘅元素Photo from 《披荊斬棘的哥哥》

提議搵GAI(周延)聯盟,大家都幾同意Photo from 《披荊斬棘的哥哥》

陳小春因為之前打算同黃貫中結盟,依家「轉軚」,覺得有啲唔好意思。Photo from 《披荊斬棘的哥哥》

#陳小春鏡頭前意外爆粗

佢哋諗住靜雞雞搵GAI,點知對方突然坐喺黃貫中隔離,令「大灣區男團」唔知點算好,只能喺GAI周圍行嚟行去,呢個時候陳小春更忍唔住爆粗:「X你老X!好似夜總會小姐等溝咁!」

陳小春諗住靜雞雞搵GAIPhoto from 《披荊斬棘的哥哥》

點知GAI突然坐喺黃貫中隔離Photo from 《披荊斬棘的哥哥》

呢個時候陳小春更忍唔住爆粗Photo from 《披荊斬棘的哥哥》

陳小春、梁漢文都笑咗出嚟Photo from 《披荊斬棘的哥哥》

其實「大灣區男團」圍內一直都係講廣東話溝通,少數時間會講下普通話,相信今次係佢放鬆心情而衝口而出,加上後期剪片嘅節目組唔識廣東話,喺唔知係粗口情況下將片段直接播出。

其實「大灣區男團」圍內一直都係講廣東話溝通Photo from 《披荊斬棘的哥哥》

陳小春為免尷尬,用手機搵GAIPhoto from 《披荊斬棘的哥哥》

最終陳小春部落同GAI成功聯盟Photo from 《披荊斬棘的哥哥》

不過大部分觀眾都未有發現陳小春「山雞哥」上身,喺節目中爆粗,反而大讚「大灣區哥哥」猶猶豫豫咁好可愛。

大部分觀眾都未有發現陳小春「山雞哥」上身Photo from 《披荊斬棘的哥哥》

內地網友大讚「大灣區哥哥」猶猶豫豫咁好可愛。Photo from 《披荊斬棘的哥哥》

相關文章:

相關文章:

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel