【灣區升明月】藝人前任/現任世紀大同台!  網民:一下子回顧20年娛圈情史

【灣區升明月】藝人前任/現任世紀大同台! 網民:一下子回顧20年娛圈情史

娛樂新聞
By Stephanie on 23 Sep 2021
Digital Content Writer

每年中秋節內地唔同電視台都會舉辦大型嘅中秋晚會,而今年「灣區升明月」就邀請咗多位兩岸三地嘅歌手,陣容鼎盛!不過,有網民發現多位藝人喺大合唱時疑似假唱;另外有部份藝人曾經有過一段「情」都被迫同台,其中謝霆鋒王菲嘅世紀同台就成為大家嘅熱話!

最近內地非常紅嘅「大灣區男團」都有出席演出!
Photo from 《灣區升明月》

#好多香港歌手參加晚會?!

一年一度嘅中秋節又到喇!內地就經常都會喺中秋當日舉辦大型慶祝嘅晚會,邀請唔同嘅歌手獻唱,其中由鳳凰衛視主辦嘅「灣區升明月」就成為咗內地網民最期待嘅節目之一!事關。主辦單位成功邀請到好多重量級嘅歌手,網上曾經傳出出演名單,而香港歌手就足足有26組咁多!

多位英皇歌手都有獲邀出席中秋晚會《灣區升明月》!
Photo from 微博

於內地當紅嘅陳偉霆亦當然成為表演嘉賓之一。
Photo from 微博

#王菲謝霆鋒難得同台!

由於主辦單位邀請嘅歌手接近一百位咁多,所以導致唔少傳出過緋聞嘅歌手們都被迫同台演出「聚首一堂」。其中最受大家觸目嘅就一定係謝霆鋒同王菲呢一對喇!謝霆鋒係晚會嘅主持人之一,而王菲就係表演嘉賓,而呢個消息係網上釋出嘉賓名單時就已經成為大家熱話,所以大家都好期待佢哋嘅「世紀同台」!

謝霆鋒當日係晚會嘅主持人之一!
Photo from 謝霆鋒微博

王菲久違復出演出,令唔少網民非常期待佢嘅演出!
Photo from 微博

#謝霆鋒刻意扮淡定?

好可惜嘅係當晚兩人並冇同框出現係電視機前!但有網民就捕捉到主持人喺介紹王菲出場嘅時候,謝霆鋒一臉淡定,面無表情嘅樣貌,令網民都紛紛話「努力咁扮唔識」、「個個都拍手,得佢一個企喺度」等,同其他人形成鮮明嘅對比。

王菲於晚會中獻唱《灣》,獲網民大讚歌聲依然甜美!
Photo from 《灣區升明月》

主持人介紹王菲出場時,謝霆鋒故作淡定嘅樣貌曝光!
Photo from 微博

#尷尬同台合唱?!

其中,楊冪嘅前夫劉愷威就於大合唱嘅時候,同魏大勛(楊冪緋聞男友)企埋一齊,兩人中間只係相隔一人,並冇任何交流,令唔少內地網民表示睇到都好尷尬「想不到中秋是你們兩個團圓」!

楊冪前夫劉愷威與現任男友魏大勛同台!
Photo from 《灣區升明月》

內地網民對於楊冪未有出席而感到可惜!
Photo from 楊冪微博

#網民:中秋秒變前任/現任們嘅聚會!

除咗以上呢2對之外,其實仲有好多關係比較「尷尬」嘅藝人們:陳偉霆同阿Sa、傳過緋聞嘅華晨宇同鄧紫棋、Angelababy前任陳偉霆同老公黃曉明、鄭中基前女友楊千嬅同前妻阿Sa等,令網民都不禁驚嘆製作單位嘅邀請名單,講笑話「簡直就係大型嘅前任現任聚會!」、「一下子就可以回顧20年嘅娛樂圈情史」!

阿sa同陳偉霆分手後首次同台,並一齊大合唱《東方之珠》!
Photo from 微博

Angelababy丈夫黃曉明亦有同妻子嘅前男友陳偉霆同台!
Photo from 《灣區升明月》

#網民發現疑似假唱?!

當日嘅大合唱仲有另外一個亮點,有網民發現多位藝人於演唱《東方之珠》嘅時候疑似假唱!由於明星們嘅嘴形同歌曲並唔一致,部份歌手已經幾乎合埋咗口,但依然能夠繼續唱歌,令假唱變得更加明顯!

群星大合唱《東方之珠》時,就被網民發現疑似假唱?!
Photo from 《灣區升明月》

唔少歌手嘅嘴型都未能同音樂對上。
Photo from 《灣區升明月》

#王嘉爾態度被批!

而王嘉爾嘅演出態度就更加引起網民們嘅不滿,因為佢連喺獨唱部份嘅時候,都只係輕輕咁張開個嘴,似乎唔太想唱咁!到第二部分群星大合唱嘅時候,王嘉爾仲因為心不在焉忘記唱歌,而需要一旁嘅井柏然輕拍提醒佢,畫面奇怪!

王嘉爾大合唱時態度輕浮,受網民責怪!
Photo from 《灣區升明月》

王嘉爾仲疑似因為忘記唱歌,而需要井柏然提醒!
Photo from 《灣區升明月》

#只係得一個人真唱?

有網民就指當日好有可能只係得華晨宇一個係真唱,因為音樂喺佢唱歌嘅時候會立刻變細,而且只係得佢一個戴上咗耳麥。而事實上,內地文化旅遊部就曾經發出過「文化旅遊部關於規範演出經紀行為加強演員管理促進演出市場健康有序發展的通知(征求意見稿)」,裡面嘅第11同12條都列明「不得組織演員假唱,不得為假唱提供條件」等。如今卻傳出喺大型晚會假唱嘅消息,引起熱話!

網民懷疑只係得華晨宇一人於大合唱真唱!
Photo from 《灣區升明月》

內地旅遊文化部早前曾表示將打擊歌手假唱嘅表演!
Photo from 微博

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

謝霆鋒 容祖兒等26位藝人佔據央視春晚 網民:全部放棄晒外國國籍?

8 Sep , 2021

內地最近要整頓娛樂圈生態而列出8大新規,當中包括「堅決抵制泛娛樂化」,明言要嚴格挑選演員及嘉賓,估計將影響一班流量偶像嘅曝光率。近日網上流傳一份央視中秋晚會嘅藝人嘉賓名單,當中香港藝人多達26組,包括謝霆鋒容祖兒等人。而不少內地「流量藝人」如王一博、蔡徐坤等都不見蹤影。

網上流傳央視中秋晚會2021出演名單。
Photo from 央視網

內地演藝圈啟「清朗行動」

內地演藝圈近日爆出連串風波,多名一線藝人如吳亦凡、趙薇及鄭爽等人都相繼被封禁。為了進一步整治藝人品行及影響力,國家廣電總局發布新規展開「清朗行動」,其中一項「堅決抵制泛娛樂化」就要節目更慎重選用明星嘉賓。

趙薇於內地嘅社交賬號被封禁。
Photo from 趙薇 微博

傳「香港幫」佔據央視秋晚

上述新例疑在快將舉行嘅央視中秋晚會發揮作用,網上近日流傳一份當晚演出藝人名單,與過去以內地偶像佔主不同,今次名單反被「香港幫」取代,當中來自香港藝人多達26組,包括容祖兒、謝霆鋒、Twins、陳偉霆、關智斌、胡杏兒、李若彤、呂方、任達華。當中胡杏兒就擁英國國籍,所以有網民質疑佢放棄咗外國國籍未。

擁英國籍胡杏兒疑似有份出席央視秋晚。
Photo from 微博

不少香港藝人都出現在流傳名單上,如:謝霆鋒。
Photo from 霍汶希 微博

Twins亦有份現身流傳名單。
Photo from 霍汶希 微博

傳容祖兒有份亮相央視秋晚2021。
Photo from 霍汶希 微博

還有最近憑《披荊斬棘的哥哥》引起關注嘅陳小春、張智霖、謝天華、林曉峰及梁漢文等。

內地熱播綜藝《披荊斬棘的哥哥》,令當中一班港產男星獲得人氣。
Photo from 微博

謝霆鋒退加籍成功保平安?

謝霆鋒雖然出現於近日流傳嘅「限制令」名單上,但疑有份亮相今年嘅央視秋晚,有網民猜測同佢日前宣佈正申退加拿大國籍一事有關。

謝霆鋒日前宣佈申退加拿大國籍。
Photo from 微博

內地當紅藝人「失蹤」

而一眾內地當紅明星則沒出現在「秋晚」名單,包括早前發生粉絲對罵風波嘅王一博及趙麗穎,事件已導致趙麗穎工作室被罰禁言15日,亦有指王一博因此失去「第六屆全國少數民族文藝匯演」工作機會。

為了禁止粉絲對罵,趙麗穎工作室被罰禁言15日。
Photo from 趙麗穎台灣粉絲會 FB

王一博粉絲早前與趙麗穎粉絲對罵引起官方關注。
Photo from 王一博 微博

除此,其他人氣偶像如蔡徐坤、易烊千璽、和王俊凱都未有出現在名單上。

內地偶像蔡徐坤未有出現在今次央視秋晚流傳名單。
Photo from 蔡徐坤 微博

華晨宇劉浩存惹質疑

不過,有網民質疑為何華晨宇及「新一代謀女郎」劉浩存仍有份出席晚會。兩人早前引起爭議,華晨宇早前爆出未婚生女及整形風波,而劉浩存則爆出母親旗下舞蹈培訓班疑致學員癱瘓一事。

華晨宇早前爆出未婚生女風波。
Photo from 微博

網民質疑劉浩存母親捲入醜聞,但劉仍可出現央視秋晚。
Photo from 劉浩存 微博

 

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

👉🏻 即刻Follow我哋Instagram holidaysmart.hk

Share to Facebook
Our Facebook Videos
我們的 Facebook 影片
You may also like
你可能也喜歡
內地將推出新家庭教育政策「連坐法」?!未成年少年犯錯 父母將被一同懲罰!
內地將推出新家庭教育政策「連坐法」?!未成年少年犯錯 父母將被一同懲罰!
15 hours ago
江若琳官司|爆墊支工作人員頭痛藥/牙籤費用:「林先生話係行規」!工作10年一直負債
江若琳官司|爆墊支工作人員頭痛藥/牙籤費用:「林先生話係行規」!工作10年一直負債
15 hours ago
42歲2R黃婉君Rosanne身型超fit! 帶仔仔執垃圾 貼地行為獲網民大讚!
42歲2R黃婉君Rosanne身型超fit! 帶仔仔執垃圾 貼地行為獲網民大讚!
19 hours ago
林穎彤母親疑捲入桃色糾紛 被指愛「叫鴨」疑拒絕借錢後遭恐嚇
林穎彤母親疑捲入桃色糾紛 被指愛「叫鴨」疑拒絕借錢後遭恐嚇
21 hours ago
阿叻疑似著淘寶貨上節目! 網民列出2大證據 力證並非正版
阿叻疑似著淘寶貨上節目! 網民列出2大證據 力證並非正版
2 days ago
無窮之路|陳貝兒主持節目獲人民日報大讚 網民:咁多窮人要自力更生,又話共同富裕?!
無窮之路|陳貝兒主持節目獲人民日報大讚 網民:咁多窮人要自力更生,又話共同富裕?!
2 days ago
Hottest Articles
最熱文章
「藏族男神」丁真近照曝光大走樣!爆紅後成旅遊形象大使!20歲驚變臉腫大叔?!
「藏族男神」丁真近照曝光大走樣!爆紅後成旅遊形象大使!20歲驚變臉腫大叔?!
2 days ago
港女分享做Sugar Baby經驗!每月收5位數家用/接觸上流社會
港女分享做Sugar Baby經驗!每月收5位數家用/接觸上流社會
3 days ago
谷婭溦呻TVB捧《聲夢》學員不被重用!來港發展6年快完約!自覺浪費時間
谷婭溦呻TVB捧《聲夢》學員不被重用!來港發展6年快完約!自覺浪費時間
3 days ago
40歲薛凱琪新照似范冰冰?!網民唔認得 連房祖名都留言「大讚」
40歲薛凱琪新照似范冰冰?!網民唔認得 連房祖名都留言「大讚」
3 days ago
阿叻疑似著淘寶貨上節目! 網民列出2大證據 力證並非正版
阿叻疑似著淘寶貨上節目! 網民列出2大證據 力證並非正版
2 days ago
女生呻男友只練腹肌不練手臂 網民驚歎似「獸之巨人」 真相原來係咁?!
女生呻男友只練腹肌不練手臂 網民驚歎似「獸之巨人」 真相原來係咁?!
3 days ago