
翁虹全家移居上海豪宅曝光!慶祝53歲生日 與13歲女兒同框似姊妹
前亞姐冠軍翁虹07年與台灣富商劉冠廷結婚後淡出本地演藝圈,兩人育有一女。近年,翁虹轉到內地發展,受疫情影響,佢同丈夫、女兒劉蒔不時分隔兩地,但今年佢宣佈全家會定居上海,日前佢哋一家三口更齊慶翁虹53歲生日,照片令其上海豪宅曝光。
Photo from 翁虹 微博
翁虹一家移居上海
翁虹係一代性感女神,雖然佢結婚後減少幕前工作,但近年頻頻獲邀出席內地活動,亦有拍內地劇,吸金力不俗。由於疫情關係,佢同丈夫劉冠廷及女兒劉蒔(Crystal,小水晶)經常分開兩地生活。為了一家團聚,今年七月翁虹透露一家三口會移到上海居住。
Photo from 翁虹 微博
翁虹與家人慶祝53歲生日
日前,翁虹與丈夫女兒在其上海新家迎來53歲生日,翁虹喺微博帖文興奮表示,今次係一家人分開14個月以來第一次聚在一起為自己慶生。
Photo from 翁虹 微博
翁虹全家顏值高
翁虹喺帖文寫文感謝丈夫幫助佢成為一個稱職合格嘅媽媽,又感謝女兒為自己親自煮大餐,同時弄了一個精緻嘅羽毛蛋糕。
Photo from 翁虹 微博
相中可見翁虹狀態大好,穿上紅色連身裙嘅佢睇落唔似5字頭。其丈夫亦保養得宜,佢送了一大紥紅玫瑰及皇冠畀老婆,相當有誠意。
Photo from 翁虹 微博
翁虹女兒好搶鏡
而13歲女兒劉蒔亦好搶眼,眼睛圓大、樣子頗為甜美,有網民認為佢同母親同框猶如姊妹,亦有人覺得佢似混血,更有網民認為女兒比媽媽更美。
Photo from 翁虹 微博
Photo from 翁虹 微博
Photo from 微博評論
Photo from 微博評論
翁虹上海新家顯格調
相中可見,翁虹一家嘅上海新家係複式設計,牆壁以白色為主,整體風格整潔現代。
Photo from 翁虹 微博
早前佢亦上載過屋內格局,可見仿岩石背景牆上裝了數層金屬置物架,開放式廚房亦有L型吧台,亦有雲石枱等,顯時尚格調同時不太誇張。
Photo from 翁虹 微博
Photo from 翁虹 微博
Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)