琴行以月薪$1萬8招聘演奏級女導師 一星期工作6日 網民批人工太低！
學樂器幾乎係現今每個小朋友都必須具備嘅才能。最近，天水圍一間琴行就於FB上招聘演奏級嘅鋼琴老師，並列明必須要有演奏1級以及8級樂理，每星期工作6天，不過佢所提供嘅月薪就只係得$1萬8，令唔少網民大跌眼鏡！
Photo from TVB
#琴行網上招聘女鋼琴老師！
學習唔同嘅才能先能夠增加競爭力，所以唔少家長而家都會帶自己嘅小朋友去學課外活動！日前，一間天水圍嘅琴行就喺FaceBook群組「香港樂器導師配對群組」招聘鋼琴導師，不過佢所列出嘅月薪以及工作日子，就引起網民們嘅熱議！
Photo from FB 群組「香港樂器導師配對群組」
#需具備演奏級1級+八級樂理！
該帖文中就列明正在尋找一位女鋼琴導師，並要求對方有鋼琴演奏級一級或以上同埋擁有八級樂理或以上嘅資格！如果識得彈奏其他樂器將會優先聘請，希望對方能夠守時，並且要對教琴有熱情等。
Photo from TVB
#一星期返6日！
而呢個職位需要一星期返6日：星期二至五（12點至9點）；星期六到日（9點至9點）中間將會有1個小時休息時間；星期一就係假期。而月薪就將會係$18,000，每個月7號會出糧！
Photo from TVB
#網民批評人工太低！
呢個post一出，隨即引起網民們嘅熱烈討論！唔少網民都認為該琴行開價太低，「演奏級18K？」、「祝你搵到正常嘅老師！」等，認為有演奏級嘅鋼琴老師根本就唔會佢應徵！
Photo from FB
Photo from FB
#時薪比清潔工低？！
部份網民就認為琴行老闆未免太不近人情，仲將實際時薪計算出來「星期二到星期五就$36、星期六到日就$24，加埋嘅話一個月嘅時薪得$75」，就連做清潔工嘅時薪都高過佢！
Photo from FB
Photo from TVB
#有經驗者：自己收學生 收入多2倍！
有網民仲突破盲點表示，其實有演奏級嘅鋼琴導師自己私底下收學生，都搵得多過喺琴行做！有教緊琴嘅老師就分享自己私人上門教琴嘅收入都已經喺呢個價嘅2倍，而且返工時間亦冇咁chur～
Photo from FB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
港媽$200招聘司機接送兒子！ 網民：以為學童半價？搭的士都唔夠啦!
23 Aug , 2021
唔少小朋友都需要跨區返學，而負責接送佢哋嘅家長亦十分辛苦。最近，有位港媽就網上招聘私人司機幫忙接送小朋友返學放學，然而佢嘅出價就令唔少網民覺得非常低，引起網民熱話！
Photo from TVB
有唔少小朋友而家都需要跨區返學，而要接送佢哋一來一回嘅家長亦非常忙碌！近日，有港媽就於討論區出價$200招聘「私人司機」，由大埔到何文田接送小學4年級嘅兒子。
Photo from 大埔 TAI PO FB Group
港媽係網上招聘即日起至長期嘅私人司機，仲表明司機分別需要喺早上7點同下午3點，來回接送小朋友從位於大埔嘅住所到何文田嘅國際學校。港媽表示將會以每段車程計算：單程就$120（包含隧道費）；雙程就$200（包含隧道費），即每程$100。
Photo from TVB
私人司機可自行選擇送單程或者雙程，薪水將會每星期結算一次。如果小朋友放假或請病假將會再另行通知，一切以實際搭載為準。
Photo from TVB
不過唔少網民見到港媽嘅post之後，就對佢嘅起價有異議，認為佢出價太低「$120一程搭的士都唔夠啦」；有網民仲非常用心咁計算「私人司機」實際可以賺到嘅薪水，「就算行最平獅隧$8一程，來回$16、油錢豪俾你當$1一公里，單程18公里，來回油錢都要$36，加加埋埋總成本最平都要$52」，司機只能夠賺$68！
Photo from 大埔 TAI PO FB Group
Photo from 大埔 TAI PO FB Group
對於港媽嘅出價，網民就認為未免太過「離地」！再加上港媽居住嘅地方都算係大埔區少有名氣嘅屋苑，家境應該唔錯，令網民不禁覺得佢好無同理心「使人唔使本，住豪宅、讀名校、偏偏就唔捨得比車錢，好羞家」。
Photo from 大埔 TAI PO FB Group
Photo from 大埔 TAI PO FB Group
另外，有網民就指佢並冇列明要用咩交通工具接送小朋友，講笑咁話「接咗佢，再一齊去搭巴士」，亦有網民提議可以用電單車接送！
Photo from 大埔 TAI PO FB Group
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
