download HolidaySmart 假期日常 app
【披荊斬棘的哥哥】黃貫中出道36年首次挑戰跳舞! 舞姿奇特惹網民爆笑:四肢是租來的嗎?

【披荊斬棘的哥哥】黃貫中出道36年首次挑戰跳舞! 舞姿奇特惹網民爆笑:四肢是租來的嗎?

娛樂新聞
By Stephanie on 24 Sep 2021
Digital Content Writer

最近內地綜藝節目《披荊斬棘的哥哥》正在熱播中,節目中唔少嘅亮點都成為網民們嘅熱話!而最新嘅一集,出道30多年嘅黃貫中居然首次挑戰跳舞,雖然佢嘅舞姿比較生硬,不過佢努力練舞嘅畫面亦受到網民嘅讚賞~

出道逾30年黃貫中首次挑戰跳舞!Photo from 《披荊斬棘的哥哥》

#黃貫中與MC Jin等人同組

內地節目《披荊斬棘的哥哥》正在熱播中,「哥哥」們都好努力咁練習務求呈現唔同嘅舞台表演俾觀眾。最新一集,有「搖滾教父」之稱嘅黃貫中(Paul)首次於節目中挑戰跳舞,並同MC Jin、劉迦等人一齊準備表演!

黃貫中於節目中與隊員們努力練舞,準備舞台表演!Photo from 《披荊斬棘的哥哥》

#首次挑戰跳舞!

黃貫中嘅隊伍即將於節目中同趙文卓嘅隊伍對戰,佢哋將會表演《不超級的馬里奧》,並且挑戰難度頗高嘅「鬼步舞」!而黃貫中就表示想挑戰一下,盡自己最大嘅努力去練舞「好像我跟張淇不怎麼跳舞的人,也可以很努力去舞蹈」,睇得出佢嘅決心的確十分大!

黃貫中表示願意挑戰舞蹈,全因想突破自己!Photo from 《披荊斬棘的哥哥》

黃貫中於節目中與隊員練舞!Photo from 《披荊斬棘的哥哥》

#堅持動力係囡囡?!

黃貫中仲透露佢堅持嘅動力來自囡囡黃鶯,希望用自己嘅經驗去鼓勵囡囡挑戰唔同嘅新事物,「你看爸爸一把年紀都可以挑戰新的事!」,果然係出名嘅「女兒控」啊~

黃貫中曾經同囡囡黃鶯一齊上親子節目《想想辦法吧!爸爸》~Photo from 《想想辦法吧!爸爸》

黃貫中一家三口十分幸福!Photo from 《想想辦法吧!爸爸》

#舞姿極度僵硬!

喺練舞嘅過程中,身體唔協調嘅黃貫中進度明顯比其他隊員慢少少,而且舞姿睇落有啲奇怪,由佢嘅面部表情可見,跳舞對佢而言真係十分有難度!

 

黃貫中舞姿僵硬,惹網民爆笑!Photo from 《披荊斬棘的哥哥》

由黃貫中辛苦嘅表情所見,可以知道跳舞的確係一個挑戰!Photo from 《披荊斬棘的哥哥》

 儘管黃貫中手腳唔協調,不過佢依然好比心機練舞!Photo from 《披荊斬棘的哥哥》

#盡自己最大努力練舞!

而佢亦因為練習進度落後而感到失落,「跳舞的時候看見自己,這是誰啊?很陌生」,不過佢認為自己已經花最大嘅努力去準備,即時最終要於節目中被淘汰都冇遺憾。

 

隊員們亦十分細心,親自教導黃貫中令佢熟悉舞步!Photo from 《披荊斬棘的哥哥》

黃貫中對於自己練習進度感到失望!Photo from 《披荊斬棘的哥哥》

#舞姿惹網民爆笑!

而呢一幕亦令唔少網民爆笑,覺得「黃貫中好像跟四肢很不熟」、「像裝了義肢一樣!」、「黃貫中學跳舞簡直就是人類與四肢的決戰畫面!」等,認為佢嘅舞步十分奇怪!不過網民亦十分欣賞佢所付出嘅努力,認為佢嘅堅持不懈嘅精神好值得學習,成功吸粉無數~

黃貫中嘅舞姿成為網民熱話!Photo from 微博

唔少網民都認為黃貫中跳舞嘅樣貌十分爆笑!Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【披荊斬棘的哥哥】「大灣區男團」節目狂講廣東話!節目組聽唔明將陳小春爆粗直出!

7 Sep, 2021

內地綜藝《披荊斬棘的哥哥》有唔少港星如陳小春張智霖謝天華、林曉峰、梁漢文、黃貫中等出演,更獲網友封為「大灣區男團」,節目第4期陳小春竟意外喺節目中爆粗,展現「真性情」。

內地綜藝《披荊斬棘的哥哥》有唔少港星如陳小春、張智霖、謝天華、林曉峰、梁漢文、黃貫中等出演Photo from 《披荊斬棘的哥哥》

#香港男星獲獲內地網民封「大灣區哥哥」

《披荊斬棘的哥哥》搵嚟來自中港台超過30位平均年齡逾50歲嘅「哥哥」們參加,香港男星分別有陳小春、張智霖、謝天華、林曉峰、梁漢文、黃貫中、歐陽靖(MC Jin)等,佢哋嘅人氣都唔錯,更獲內地網民親切稱做「大灣區哥哥」。

陳小春、張智霖、謝天華、林曉峰、梁漢文獲內地網民親切稱做「大灣區哥哥」。Photo from 《披荊斬棘的哥哥》

喺節目中陳小春、張智霖、謝天華、林曉峰、梁漢文經常坐埋一齊,喺第四期中,佢哋組隊係第四名,不過因為賽制規定第三場演唱會將以「部落同盟」嘅方式進行,需要兩個部落一齊合作演出。

喺第四期中,佢哋組隊嘅「陳小春部落」係第四名Photo from 《披荊斬棘的哥哥》

#陳小春想與黃貫中結盟

於是陳小春部落就周圍搵同盟,佢哋一開始打算同黃貫中嘅6人部落結盟,但陳小春考慮到人數太多,佢直言:「我們十一個走在一起太沒規矩,就會變成欺負人家了。」

陳小春部落一開始打算同黃貫中嘅6人部落結盟Photo from 《披荊斬棘的哥哥》

陳小春考慮到人數太多,佢直言:「我們十一個走在一起太沒規矩,就會變成欺負人家了。」Photo from 《披荊斬棘的哥哥》

#轉軚搵GAI感唔好意思

之後梁漢文就提議可以喺表演中加入Rap嘅元素,搵GAI(周延)聯盟,大家都幾同意,不過陳小春因為之前打算同黃貫中結盟,依家「轉軚」,覺得有啲唔好意思。

梁漢文就提議可以喺表演中加入Rap嘅元素Photo from 《披荊斬棘的哥哥》

提議搵GAI(周延)聯盟,大家都幾同意Photo from 《披荊斬棘的哥哥》

陳小春因為之前打算同黃貫中結盟,依家「轉軚」,覺得有啲唔好意思。Photo from 《披荊斬棘的哥哥》

#陳小春鏡頭前意外爆粗

佢哋諗住靜雞雞搵GAI,點知對方突然坐喺黃貫中隔離,令「大灣區男團」唔知點算好,只能喺GAI周圍行嚟行去,呢個時候陳小春更忍唔住爆粗:「X你老X!好似夜總會小姐等溝咁!」

陳小春諗住靜雞雞搵GAIPhoto from 《披荊斬棘的哥哥》

點知GAI突然坐喺黃貫中隔離Photo from 《披荊斬棘的哥哥》

呢個時候陳小春更忍唔住爆粗Photo from 《披荊斬棘的哥哥》

陳小春、梁漢文都笑咗出嚟Photo from 《披荊斬棘的哥哥》

其實「大灣區男團」圍內一直都係講廣東話溝通,少數時間會講下普通話,相信今次係佢放鬆心情而衝口而出,加上後期剪片嘅節目組唔識廣東話,喺唔知係粗口情況下將片段直接播出。

其實「大灣區男團」圍內一直都係講廣東話溝通Photo from 《披荊斬棘的哥哥》

陳小春為免尷尬,用手機搵GAIPhoto from 《披荊斬棘的哥哥》

最終陳小春部落同GAI成功聯盟Photo from 《披荊斬棘的哥哥》

不過大部分觀眾都未有發現陳小春「山雞哥」上身,喺節目中爆粗,反而大讚「大灣區哥哥」猶猶豫豫咁好可愛。

大部分觀眾都未有發現陳小春「山雞哥」上身Photo from 《披荊斬棘的哥哥》

內地網友大讚「大灣區哥哥」猶猶豫豫咁好可愛。Photo from 《披荊斬棘的哥哥》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel