download HolidaySmart 假期日常 app
男友迷戀BLACKPINK港女大為不滿!買偶像攬枕/間房貼晒相/花費逾2萬元追星

男友迷戀BLACKPINK港女大為不滿!買偶像攬枕/間房貼晒相/花費逾2萬元追星

時事熱話
By Jennifer on 24 Sep 2021
Digital Editor

好多少女都有偶像,更會願意為偶像不惜花金錢、時間、精力,不過追星從來唔係女生專屬,男生都會有偶像。近日網上有女網友訴苦稱男友最近追星追到十分狂熱,更花費超過2萬元,令佢相當「勞氣」。

好多女士都有偶像,更會願意為偶像不惜花金錢、時間、精力Photo from TVB

因為男友追星而大為苦惱

MIRROR之前就掀起全港一陣「追星」熱潮,好多女士為咗見偶像買好多周邊商品、睇演唱會等,更衍生出「前夫群組」。近日有網友就因為男友追星而大為苦惱!

MIRROR之前就掀起全港一陣「追星」熱潮,好多女士為咗見偶像買好多周邊商品、睇演唱會等Photo from TVB

一位女網民喺香港討論區開post指男友平時都有追開韓星,之前中意女子組合Gfriend,最近又迷戀上另一隊女團BLACKPINK。

一位女網民喺香港討論區開post指男友平時都有追開韓星

韓國女子組合GfriendPhoto from GFRIEND YouTube

男友迷戀韓國女團BLACKPINK

BLACKPINK有4位成員:Jennie、Jisoo、Rosé、Lisa,佢哋出道5年已經喺亞洲、歐美等多地擁有超高人氣,樓主男友都被佢哋魅力節吸引而成為BLINK(BLACKPINK fans)。

BLACKPINK有4位成員:Jennie、Jisoo、Rosé、LisaPhoto from BLACKPINK YouTube

樓主指男友近排中意BLACKPINK嘅泰國籍成員Lisa:「係咁講話Lisa長腿好正、人間芭比」,樓主表示男友間房已經轉哂做Lisa嘅相,喺床邊放咗勁大張Poster,同時亦買咗一堆Lisa周邊產品。

樓主指男友近排中意BLACKPINK嘅泰國籍成員LisaPhoto from BLACKPINK YouTube

樓主表示男友間房已經轉哂做Lisa嘅相,喺床邊放咗勁大張Poster,同時亦買咗一堆Lisa周邊產品。Photo from BLACKPINK YouTube

男友為買偶像周邊商品,豪花逾$2萬

男友仲話佢為咗買以上嘅「追星必備周邊」,已花費超過港幣$2萬,又指有部分係佢用低價買入,能夠慳住錢追星,男友問樓主:「我係唔係好叻?」,但點知樓主就非常不滿,仲直言想打佢!

男友仲話佢為咗買以上嘅「追星必備周邊」,已花費超過港幣$2萬Photo from TVB

能夠慳錢追星,男友問樓主:「我係唔係好叻?」Photo from TVB

樓主就非常不滿,仲直言想打男友!

樓主表示佢男友之前中意Gfriend嗰陣有買到佢哋嘅攬枕,有一次男友病咗樓主買粥上去照顧佢,但見男友一面幸福咁攬住另一個女人嘅攬枕,樓主不禁自問自己:「係唔係妒忌心太重」

樓主表示佢男友之前中意Gfriend嗰陣有買到佢哋嘅攬枕Photo from GFRIEND Facebook

一次男友病咗樓主買粥上去照顧佢,但見男友一面幸福咁攬住另一個女人嘅攬枕Photo from TVB

網友稱男生追星好正常

有網友就認為男友有個人愛好好正常,樓主應該尊重、包容男友。又指香港唔少女生都有中意MIRROR,唔通佢哋嘅男友又要嬲?有網民稱好多女生唔中意男友打機、又唔中意佢追星,但無娛樂又嫌男友悶,認為樓主既然當初選擇男友,相信佢一定有佢嘅優點。

有網友就認為男友有個人愛好好正常,樓主應該尊重、包容男友Photo from 香港討論區

香港討論區Photo from 香港討論區

亦有人認為樓主咁介意男友追星,但男友一直都有唔同嘅偶像,可見兩人性格不合,建議樓主同人分手。有網友則表示:「Lisa好過高達啦」

有人認為樓主咁介意男友追星,但男友一直都有唔同嘅偶像,可見兩人性格不合,建議樓主同人分手Photo from 香港討論區

有網友則表示:「Lisa好過高達啦」Photo from 香港討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

港女不滿男友依然與前任保持朋友關係! 揭發兩人經常傳訊息 掀起怒火

10 Sep 2021

唔少情侶最避忌嘅就係前男女朋友嘅話題喇!最近,有位港女就表示男友同前女友分手後依然保持朋友關係,仲經常都聯絡,而男友仲竟然大膽到叫佢陪佢去買前女友嘅生日禮物,令港女非常憤怒!

港女不滿男友經常同前任聯繫?!Photo from TVB

#港女不滿男友同前女友依然係朋友!

相信唔少情侶應該都試過因為另一半嘅前男友或者前女友而搞到有爭吵!日前,有位港女就表示非常不滿男友同前女友依然保持好朋友關係,因此以「點解男人咁鍾意同前女友做朋友? 」為題開post,藉此大吐苦水!

港女不滿男友同前女友依然係朋友!Photo from 香港討論區

#男友以談公事為由經常傳訊息

港女話男友最近經常都鬼鬼祟祟咁用電話send message,無論睇戲、食飯、行街都經常用電話,而男友初時就解釋話係傾緊公事。不過,港女就發現佢send message嘅時候經常都會陰陰嘴笑,令港女開始起疑心!

港女發現男友經常用電話同人傳訊息!Photo from TVB

#港女揭發傾談對象係前女友!

直到港女有日趁男友行開咗偷睇手機嘅時候,就發現原來男友一直都係同緊前女友聯絡!而內容就只係普通傾計,並冇曖昧或者過份嘅行為,不過港女依然唔理解點解分手後仲要同前女友做朋友。

港女揭發男友原來一直同前女友傳訊息!Photo from TVB

#男友認為分手後亦是朋友!

港女隨即詢問男友「點解仲要同前女友聯絡?」,男友解釋話「咁再見亦是朋友啊,分咗手之後唔一定係陌生人㗎!」最過分嘅係男友居然叫佢一齊去揀送俾前女友嘅生日禮物,仲被男友反問「送禮物俾朋友,點解唔得?!」

而男友竟然仲叫港女陪佢禮物送俾前女友?!Photo from TVB

#港女不理解男友想法

港女因為種種事跡而令佢對男友感到十分憤怒,佢表示唔明白點解大部分男仔都鍾意同前女友做朋友,如果係忘記唔到對方,點解當初又要同人哋分手呢,令佢十分不解?!

港女表示唔理解點解男生可以同前女友做朋友!Photo from TVB

#網民認為男友十分唔尊重港女!

唔少網民都認為男友嘅行為好似唔太尊重港女,正常應該要對前女友有所避忌,而且明知道港女唔鍾意,就更加要同前女友保持距離;另外有網民就直指要忘記前任並唔容易,認為兩人之間仲存在情誼,不過就唔肯定係友情定愛情喇!

網民認為男友行為並唔尊重港女!Photo from 香港討論區

有網民直指男友可能仲對前女友有好感,勸喻港女要小心!Photo from 香港討論區

#男網民表示明白男友

不過,有男網民留言解釋男女對前任嘅諗法的確唔同,好多時男仔都只係唔想「面阻阻」,並非真係想繼續同前任有發展,仲話自己都有同前任保持聯絡!唔知大家又認唔認同佢嘅講法呢?

有男網民解釋大部分男生都可以同前女友做朋友嘅原因。Photo from 香港討論區

網民認為男女對前任嘅睇法截然不同!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel