41歲葉璇認愛圈外男友！ 上載多張婚紗照 疑似好事近？！

葉璇近年返內地發展，人氣都尚算唔錯，事業一帆風順！而佢嘅感情生活都同事業一樣多姿多彩，最近佢就高調承認同圈外男友嘅新戀情，熱戀中嘅佢仲上載咗一張佢身穿婚紗嘅照片，令人不禁聯想佢會唔會係好事近呢？！

Photo from 葉璇微博

#葉璇事業發展順利！

現年41歲嘅葉璇將事業重心放咗返內地，除咗演藝事業之外，佢仲有份擔任編劇、製作人等幕後工作，事業順風順水！而佢仲非常緊貼潮流，做過網上帶貨嘅直播主，每月平均銷售額足足高達$4600幾萬人民幣，成為淘寶網頁中帶貨直播主嘅頭10位，吸金能力超強！

Photo from 葉璇微博

Photo from 葉璇微博

#前任係小10年造型師！

葉璇嘅感情生活都非常多姿多彩㗎，入行以來同唔少男明星傳出過緋聞，仲有「緋聞女王」之稱！最受令大家印象深刻嘅一段戀情，就應該係同比佢細10年嘅內地造型師「小默先生」嘅戀情，兩人與2015年公開戀愛，一直都愛得十分高調，不過兩人於2019年分手。有傳，葉璇係交往期間總共送贈價值逾$3億嘅禮物俾男方：包括有位於北京嘅豪宅、法拉利跑車等！

Photo from 微博

Photo from 微博

#最近公開認愛！

日前，葉璇就喺微博上載照片，並寫上「收到了最真摯最浪漫的千字長情書」，令網民不禁猜測佢係咪已經尋覓到新對象？！而佢後來就向傳媒證實現時正與圈外人交往中，所以希望可以低調處理感情事！

Photo from 葉璇微博

#經常於微博放閃！

正在熱戀中嘅葉璇最近上傳咗身穿長擺婚紗嘅優雅照片，仲寫住「愛你的人永遠不忙，不愛你的人會忙到消失，不是時間問題，而是你沒在他心裡。」，似乎重新喚起對愛情嘅憧憬～而佢仲大晒男友送俾佢嘅喇叭，睇嚟同男友嘅感情十分甜蜜～

Photo from 葉璇微博

Photo from 葉璇微博

#婚紗照疑似好事近？

而網民見到葉璇上載婚紗照片後，都紛紛開始留言猜測佢會唔會係好事近，不過佢並冇回覆大家。另外，有網民發現佢手持花束嘅半身照就好似有少少唔似佢，未知係咪濃妝導致佢嘅樣貌太成熟定因為P圖過咗火呢？！

Photo from 葉璇微博

相關文章：葉璇自爆食二手飯舊片突爆紅 獲內地網民讚美珍惜食物

相關文章：葉璇傳有咗兼即將下嫁圈外男友 重溫古典美人拍過嘅劇集！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

方力申、葉璇2004年奧運直播「互串」惹不和傳聞！17年後谷德昭終揭內幕真相

5 May , 2021

方力申喺2004年於雅典奧運直播對葉璇講咗一句：「跟住你串我呀嘛！」即掀起不和傳聞，事隔17年，谷德昭喺YouTube「Round Table Poker」揭開呢件事嘅幕後真相！

Photo from 方力申IG

TVB喺2004年雅典奧運時派出一班主持到當地直擊賽事，方力申同葉璇都喺其中，點知竟傳出二人「互串」嘅消息。

一次直播中，當錄影廠轉咗現場時，方力申對葉璇講：「跟住你串我呀嘛！」，葉璇似反應不及，即刻呆坐未能回應，而兩人都未意識到直播已開始咗，周圍同事即提醒佢哋：「喂！開始啦！聽唔聽到呀？！」

Photo from TVB

一開始方力申仲好嚴肅咁「指手劃腳」，之後表情仍非常僵硬同葉璇一齊報道現場情況。事件播出後即傳出「方力申、葉璇不和」，更指當時由於葉璇搶白，方力申先會對佢咁講。

Photo from TVB

Photo from TVB

兩人不和傳聞傳足17年，近日谷德昭喺YouTube「Round Table Poker」提及呢件陳年舊事。

Photo from Round Table Poker

谷德昭話佢當時喺廠度緊點交波畀現場，點知方力申同葉璇仲確定緊一陣嘅對話時成個過程就已經出咗街：「葉璇你咁樣講先，跟住你串佢一句，方力申就搭嗲咁樣，點知佢哋嗰個對話『跟住你就串我』嗰啲，就已經出咗街喇！」，方力申即表示：「導演你依家先講！幾耐都無人信我呢廿年！」

Photo from Round Table Poker

Photo from Round Table Poker

Photo from Round Table Poker

Photo from Round Table Poker

方力申就話喺香港廠嗰邊唔知係咪叻哥（陳百祥）定邊個，竟講出：「得喇！一人少句！」，令「不和事件」更加似真有其事，加上佢自己嗰陣入行無幾耐，仲未識兜：「我覺得我未Ready就On Air咗，所以我尷尬，但啲人就覺得我係因為鬧交所以尷尬。」

Photo from Round Table Poker

Photo from Round Table Poker

連劉浩龍一路聽都忍唔住話：「食咗廿年死貓呀！」，方力申即笑言要搵記者寫返，幫佢澄清。網民指：「你串我呢單野 當年好爆 XDDDDD」、「谷導20年後先為小方發聲 笑到」、「奧運單野隔咗廿年終於真相大白」

Photo from Round Table Poker

Photo from Round Table Poker

Photo from Round Table Poker

Photo from Round Table Poker

即睇當年真相：

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）