download HolidaySmart 假期日常 app
日女被父母逼一年相親35次! 毅然放棄高薪厚職遠赴美國做僧侶

日女被父母逼一年相親35次! 毅然放棄高薪厚職遠赴美國做僧侶

生活熱話
By Stephanie on 24 Sep 2021
Digital Content Writer

相信唔少女生依然背負住結婚壓力,好多時呢啲壓力都係由父母或者親人所導致嘅!最近,日本一位女士因為抵受唔住父母強逼相親嘅壓力,而隻身前往美國闖蕩10年。再次回日本嘅時候,佢已經成為咗一位僧侶!

英月因為想逃避父母迫婚,毅然飛往美國!Photo from Twitter

#日本女生被父母逼婚!

現時依然有唔少長輩抱持住「女仔要係適婚年齡嫁出去」嘅傳統觀念,而來自日本京都嘅英月就同好多女仔一樣飽受呢種煩惱,不停被家人給予要盡快結婚嘅壓力。不過佢嘅解決方法就令大家都嚇咗一跳!

英月成為僧侶,躲避父母迫婚?!Photo from YouTube@三民書局

#畢業後於日本任職銀行!

根據當地媒體報導,英月屋企係經營寺廟,而佢畢業後就於銀行裡面工作,高薪厚職,能夠輕易購買名牌衣服手袋、周圍去旅行等,喺大家心目中佢好似無憂無慮咁,令旁人十分羨慕。但其實佢嘅內心卻十分孤單,經常都聯想「究竟佢嘅人生有咩意義」,但就反而被母親責備唔知足!

英月畢業後就於銀行工作,高薪厚職,受唔少人羨慕!Photo from Twitter

#父母強逼一年相親35次!

由於祖父母同父母都係透過相親而認識,所以佢哋自然希望英月可以盡快相親結婚,過住幸福快樂嘅日子!佢表示29歲嗰年佢就已經相親咗足足35次,仲遇見過各式各樣嘅奇怪條件:生兒子當繼承人、一個月只可以同朋友見面一次等,令佢對於結婚更加冇憧憬!

英月29歲嘅嗰年,就已經被迫相親35次!Photo from Twitter

#逃離到美國!

喺各方面嘅壓力之下,英月就突然毅然決定離開日本,遠赴美國只為逃離父母嘅迫婚嘅壓力!佢表示到咗美國後生活十分艱辛,由於佢嘅英文程度並唔高,只能夠做餐廳侍應同日語教師賺取生活費,佢亦因此而深深感受到美國同日本嘅職場文化簡直係大相徑庭,令佢更加著重自身價值。

英月表示並冇後悔過佢美國嘅決定,喺經歷令佢尋回自己嘅價值!Photo from YouTube@三民書局

#決定成為僧侶!

英月因為幫朋友主持愛貓嘅葬禮,而令佢重新認識佛教,並決定成為一名僧侶,喺美國展開佢全新嘅人生!喺美國居住咗約10年嘅時間後,當時38歲嘅佢又拋下辛苦建立嘅事業基礎,返回日本任職佛寺主持人。

現時英月於日本成為真宗佛光寺主持人!Photo from Twitter

#至今依然單身!

今年英月已經踏入48歲,不過佢已然單身,並表示對於婚姻抱持住順其自然,隨遇而安嘅態度,認為婚姻對於女生而言並唔係人生嘅全部!

英月仲寫咗本書,希望可以將佢自己嘅親身經歷傳俾其他人!Photo from Twitter@Eigetsu5

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

年薪$2.9億日本富婆超豪華生活公開!每次食飯都要包場/ 另有豪宅專放雜物

8 Sep , 2021

呢個世界上有唔少「土豪」,佢哋嘅財產數目分分鐘多到我哋想像唔到!最近,有日本節目就去拜訪年薪賺$40億日圓(約港幣$2.9億)嘅高嶋理惠子(高嶋りえ子),而佢就向大家分享佢嘅日常生活同豪宅,家中仲擁有逾200個名牌手袋,果然有錢就是任性!

年僅33歲 不過年薪已經達到至少$40億日圓!Photo from 《かみひとえ》

#年賺$2.9億日本富婆

世界上有唔少有錢人,有部份富豪依舊過住非常節儉嘅生活,亦有一部分享受緊「離地」奢華嘅生活。日本有一位年輕富婆就係屬於後者喇,而佢就係今年33歲嘅高嶋理惠子(高嶋りえ子)!佢憑著超強嘅吸金能力,31歲嘅時候就已經每年都至少賺到$40億日圓(約港幣$2.9億),亦因此而獲邀出演多個綜藝節目,喺日本擁有一定嘅知名度~

即使近來經濟狀況較差 都可以成功賺得比以前多!Photo from 《かみひとえ》

吸金能力驚人!Photo from 《かみひとえ》

#擁有3間高級俱樂部+個人護膚品牌

據悉,高嶋理惠子畢業於國立大學理科,精通12國語言,現時喺銀座坐擁3間高級俱樂部,事業發展順利!除此之外,佢仲發展副業,出售高級護膚品。即使近呢2年經濟比較低迷嘅時期,佢都成功將佢自己生意嘅銷售額提升足足9億咁多,令佢而家每年賺到嘅錢已經飆升到接近$50億(約港幣$3.5億),非常驚人!

擁有3個高級俱樂部 並同時經營化妝品/護膚品生意Photo from 《かみひとえ》

#享受奢華生活!

而高嶋理惠子嘅富有程度絕對係大家唔能夠想像到嘅,過去佢出演節目時就曾經曝光過自己嘅豪華生活同埋住宅,「離地」生活習慣令網民大為震驚!每日都會身穿華麗嘅服飾,出外亦有專屬司機接送,呢啲已經係基本嘢!

當然有專屬司機接載Photo from 《かみひとえ》

閒時就搭下直升機!Photo from 《かみひとえ》

#獨愛鑽石首飾

每一次出街嘅時候都係全身名牌,而且仲一定會配戴金銀珠寶,其中佢最鍾意嘅就係鑽石!手上嘅鑽石戒指大到嚇親人,一隻手嘅戒指就已經價值接近$4億日圓,再加埋耳環、手鏈等行頭差唔多要大約15億日圓(約港幣$1億)!

每次出街都戴超多飾品!Photo from 《かみひとえ》

戴喺身上嘅全部首飾總值約$15億!!Photo from 《かみひとえ》

#外出食飯必定要包場?!

由於高嶋理惠子唔鍾意食飯嘅時候,俾周遭嘅人打擾到,因此佢外出食飯嘅時候都會直接將成間餐廳包場,即使喺大家要排晒長龍等嘅食店,佢都可以好輕鬆咁品嚐到。而且佢好多時都係睇心情俾錢,曾經試過一餐飯就用咗$100萬日圓(約港幣$7萬)!

每一次出去食 都會將餐廳包起!Photo from 《かみひとえ》

曾經花7萬蚊食一餐飯Photo from 《かみひとえ》

#設有豪宅雜物房

節目中,高嶋理惠子向大家展示嘅係佢用做「雜物房」嘅屋。雖然間屋並非用作居住用途,但係面積都十分大,房間拜訪多年來佢所購買嘅「戰利品」:其中有間房就專門放佢鍾情嘅Hermès手袋,足足有200個咁多!

房間內都擺放咗佢嘅「收藏品」:和服、鞋子等Photo from 《かみひとえ》

專放名牌手袋嘅房間?!Photo from 《かみひとえ》

#決定不再尋覓另一半

好多人都詢問高嶋理惠子點解唔搵另一半陪伴自己,咁多年來都依然係單身。佢就回答因為曾經被論及婚嫁嘅初戀男友傷害導致留下陰影,覺得靠自己更加實際,所以佢已經決定一輩子都單身!

因為受情傷 而決定唔再拍拖!Photo from 《かみひとえ》

認為靠自己最好Photo from 《かみひとえ》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel