download HolidaySmart 假期日常 app
港男媽約飲茶 女友唔識洗餐具 媽媽秒黑面:「娶返嚟仲得了?」

港男媽約飲茶 女友唔識洗餐具 媽媽秒黑面:「娶返嚟仲得了?」

生活熱話
By Cheryl on 24 Sep 2021
Digital Editor

情侶見家長要特別小心,一個唔該就得罪長老。最近有港男到討論區發文,指其母親約佢同女友飲茶,女友主動攞位,惟自稱唔識洗餐具,令港男媽媽黑面,更向事主稱:「娶返嚟仲得了?」

港男媽媽約兒子跟女友飲茶卻因洗餐具不快收場。Photo from 那些我愛過的人

港男媽約飲茶

近日,一名港男到香港討論區發文,分享媽媽與佢同女友之間一間尷尬事件。港男表示,佢媽媽早前約了自己跟女朋友飲茶,其女友推介某間酒樓,並自告奮勇去攞位。

港男與媽媽其後到酒樓會合先攞位嘅女友。Photo from 那些我愛過的人

女友唔識洗酒樓餐具

女友更比事主及佢媽媽早到,故先留下一個好印象予事主媽媽。後者到達後打算開始點食物,此時事主媽媽喝了一啖茶,才發現茶杯未被洗過。一問之下,女友表示佢唔識洗,所以枱上所有餐具都未經茶水清洗。

事主女友稱自己唔識洗酒樓餐具。Photo from 愛·回家之開心速遞

港男媽媽黑面

事主媽媽當場黑面,而男事主為了息事寧人,決定自己幫忙清洗所有餐具。佢亦喺帖文回覆網民時稱:「夾喺2個(媽媽與女友)中間好難頂。」

港男媽媽因兒子女友唔識洗餐具當場黑面。Photo from 那些我愛過的人

港男媽媽落閘

事後,媽媽更向事主表示覺得其女友好唔識做,「洗嘢都唔識,娶返嚟仲得了?」事件令事主大感無奈,又對自己被兩者夾在中間不知所措,覺得好難頂。

港男媽媽唔想兒子娶其女友。Photo from 香港討論區

事主覺得自己被夾喺兩女之間好難受。Photo from 香港討論區

網民意見分歧

帖文引起熱議,網民意見亦頗有分歧。有部分網民直斥:「港女公主病,基本野門面野都唔識,出街失禮死人,分手啦。」、「呢啲女無用,結左婚唔做家務,唔識湊仔(可能唔生),呢啲港女要即棄!」

有網民認為事主女友連門面嘢都唔識好過分。Photo from 香港討論區

有網民認為事主女友哦唔掂。Photo from 香港討論區

但始乎有較多網民為事主女友平反,反問:「你阿媽諗住娶老婆?」、「女友主動搵埋位仲想點?」,又有人同情事主女友:「做你女朋友真係慘,叫你媽搵個賓妹做新抱喇。」亦有人認為其女友都係別人嘅寶貝女,但未結婚已經要睇事主媽媽面色,故此,佢日後同事主一齊會無好日子過,並勸佢哋分手。另有網民幽默又簡潔地形容情況為:「一山不能藏二婦」。、

有網民認為事主媽媽想搵工人多啲。Photo from 香港討論區

有網民反問事主,真正想娶老婆嘅人係咪佢媽媽。Photo from 香港討論區

有網民認為女友事先攞位已經好稱職。Photo from 香港討論區

有網民認為事主女友嫁入去嘅話唔會有好日子過。Photo from 香港討論區

有網民用近音字幽默形容事主與兩女情況。Photo from 香港討論區

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel