download HolidaySmart 假期日常 app
鍾欣潼後悔結婚!寄分居協議結束14個月婚姻!賴弘國首任妻子揭突如其來「被離婚」

鍾欣潼後悔結婚!寄分居協議結束14個月婚姻!賴弘國首任妻子揭突如其來「被離婚」

娛樂新聞
By Jennifer on 27 Sep 2021
Digital Editor

鍾欣潼(阿嬌)2018年與台灣「醫界王陽明」賴弘國結婚,婚姻僅維繫14個月就宣佈離婚。當時賴弘國發長文表示離婚原因係阿嬌後悔結婚,令佢大感無奈。近日賴弘國首任妻子「華航林依晨」趙筱葳(Ivy)透露當初自己突然「被離婚」!

鍾欣潼(阿嬌)2018年與台灣「醫界王陽明」賴弘國結婚,婚姻僅維繫14個月就宣佈離婚。

阿嬌與賴弘國閃婚後宣佈離婚

阿嬌2017年承認戀上賴弘國,短短幾個月後兩人就宣佈結婚,阿嬌表示選擇結婚係因為「對的時間遇見對的人」,老闆楊受成更笑指阿嬌:「終於有人要!」,同年5月喺洛杉磯舉行婚禮、12月喺香港註冊。

阿嬌表示選擇與賴弘國結婚係因為「對的時間遇見對的人」

但2020年時阿嬌經理人公司代表確認佢同賴弘國已簽分居協議,震驚港台兩地網友。賴弘國之後更發長文稱「一切發生的很突然」,指:「她不愛我啊」。

2020年時阿嬌經理人公司代表確認佢同賴弘國已簽分居協議

賴弘國透露阿嬌後悔結婚:「她不愛我啊」

佢表示2018年喺洛杉磯嘅婚前派對阿嬌突然變得冷淡,更同賴弘國坦言自己後悔結婚,其實唔係好愛佢,亦覺得自己唔適合婚姻。

2018年喺洛杉磯嘅婚前派對阿嬌突然變得冷淡,更同賴弘國坦言自己後悔結婚,其實唔係好愛佢

雖然賴弘國努力「箍煲」,兩人決定一齊挽回婚姻,但最終阿嬌打電話同賴弘國講對唔住,以為婚後會慢慢愛上佢,然而真係無辦法,向佢提出離婚。賴弘國本來以為係講笑,但收到阿嬌寄嚟簽咗字嘅分居協議,佢唯有接受現實。

雖然賴弘國努力「箍煲」,兩人決定一齊挽回婚姻。但最終阿嬌打電話同賴弘國講對唔住,以為婚後會慢慢愛上佢,但真係無辦法,向佢提出離婚

賴弘國前妻「華航林依晨」趙筱葳爆自己「被離婚」

賴弘國發嘅長文透露出佢被阿嬌提離婚感到十分無奈,但近日佢第一任妻子趙筱葳(Ivy)上台灣YouTuber「理科太太」嘅Channel時就有提到佢亦係突如其來「被離婚」!

賴弘國第一任妻子趙筱葳(Ivy)上台灣YouTuber「理科太太」嘅Channel時就有提到佢亦係突如其來「被離婚」!

任職空姐嘅趙筱葳有「華航林依晨」之稱,佢與賴弘國拍拖一年半後於2016年結婚,但婚姻僅維持半年兩人就離婚。

任職空姐嘅趙筱葳有「華航林依晨」之稱,佢與賴弘國拍拖一年半後於2016年結婚,但婚姻僅維持半年兩人就離婚。

趙筱葳坦言賴弘國突然提出離婚令佢難以接受

趙筱葳表示佢係被提離婚嘅人,一開始非常難接受,佢指由細到大都會為自己製定好多方案,如果唔得都有「plan B」、「plan C」等,唯獨29歲時離婚大出佢意料之外,估唔到有一日竟然會行到離婚嗰步:「那個時候對我來說是一個很大的震撼彈!」

趙筱葳表示佢係被提離婚嘅人,一開始非常難接受

趙筱葳指29歲時離婚大出佢意料之外,估唔到有一日竟然會行到離婚嗰步

佢又指作為「被離婚」嘅人,佢曾一度反問自己係咪做錯咗啲咩,點解會婚姻失敗,最後都用咗好長時間先走出陰霾。

趙筱葳指作為「被離婚」嘅人,佢曾一度反問自己係咪做錯咗啲咩

趙筱葳最後用咗好長時間先走出陰霾。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

賴弘國承認離婚1年依然未放低! 慶幸冇幫阿嬌買豪宅 「否則就人財兩失」

12 May 2021

賴弘國同鍾欣潼(阿嬌)上年被爆婚變,不知不覺已經一年。賴弘國最近喺接受傳媒訪問嘅時候,話自己因為抑鬱問題而暴瘦,仲表示到而家都唔知同阿嬌離婚嘅原因,不過就話好慶幸自己冇幫佢買下豪宅!

賴弘國IGPhoto from 賴弘國IG

賴弘國同鍾欣潼(阿嬌)於2018年結婚,但就喺2020年對外宣佈離婚,結束短短14個月嘅婚姻!最近,阿嬌就俾傳媒發現暴肥;但相反賴弘國最新上載嘅相就俾網民發現變得好瘦,同以往嘅肌肉身形好唔同。

《怦然心動20歲》Photo from 《怦然心動20歲》

賴弘國IGPhoto from 賴弘國IG

賴弘國喺接受台灣傳媒訪問嘅時候,就表示自己心情抑鬱已經接近兩年嘅時間,令佢經常冇胃口,體重急跌12Kg。除咗因為經歷離婚之外,被網民懷疑佢偷食網紅都係其中一個令佢抑鬱嘅原因,仲話自己經歷呢段婚姻後令佢嘅人生毀咗!

賴弘國IGPhoto from 賴弘國IG

據悉,佢同阿嬌嘅離婚手續已經完成,不過佢就話自己到而家都未知道自己點解會「被離婚」!佢表示因為阿嬌係明星嘅身分,令佢好大壓力,兩人當時成日會因此而吵架,但就話阿嬌處事比較成熟。

《花花萬物》Photo from 《花花萬物》

另外,賴弘國亦提及結婚後兩人有意買台灣嘅上億豪宅,仲話當時買嘅話會係佢出錢,並且將豪宅寫阿嬌名。不過,佢就好慶幸自己並冇因為一時衝動而買,否則而家將會係人財兩失!有傳,佢哋最終冇買樓嘅原因係因為阿嬌媽咪唔希望女兒太大壓力,亦唔想佢哋兩人喺房產上有任何牽連。

阿嬌微博Photo from 阿嬌微博

賴弘國IGPhoto from 賴弘國IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel