download HolidaySmart 假期日常 app
【中國好聲音】那英將退出節目現場錄製?!網民大爆黑幕:導師轉身費達$60萬

【中國好聲音】那英將退出節目現場錄製?!網民大爆黑幕:導師轉身費達$60萬

娛樂新聞
By Stephanie on 27 Sep 2021
Digital Content Writer

內地歌唱節目《中國好聲音》已經開播多年,曾經捧紅唔少人。最近,元老級嘅導師那英就突然傳出將會離開節目,令網民議論紛紛:有人就話係因為工作撞期而放棄節目;但亦有人大爆應該係同節目嘅傳聞「轉身費」有關?!

那英宣佈離開《中國好聲音》?!Photo from 那英微博

#《中國好聲音》開播多年!

近年,內地唔同電視台都有舉辦歌唱節目,其中《中國好聲音》亦係大家都非常熟悉嘅節目,有唔少內地歌手都係因為參加節目而人氣急升。由於節目嘅收視喺內地都有唔錯嘅成績,最近就開播《2021中國好聲音》,邀請咗一班「元老級」嘅導師那英、汪峰以及新加入嘅李克勤等助陣!

李克勤新加盟成為《中國好聲音》導師!Photo from 《中國好聲音2021》

李榮浩亦都係《中國好聲音》導師之一!Photo from 《中國好聲音2021》

#那英突然宣佈退出現場錄影!

不過,日前那英就宣佈將會退出《中國好聲音》現場錄製,而佢嘅位置就會由男歌唱家廖昌永代替。由於節目只係剛剛開始嘅階段,那英完成盲選環節後將會離開節目,不過亦有傳佢可能改為幕後指導學生!但佢退出節目嘅時間點太突然,令網民議論紛紛:有人就認為佢可能係因為工作撞期而捨棄該節目;亦有人覺得係同節目嘅「黑幕」有關!

網民紛紛推測那英退出《中國好聲音》嘅真正原因!Photo from 《中國好聲音2021》

廖昌永將會頂替那英位置!Photo from 《中國好聲音2021》

#多年來有唔少傳聞!

其實《中國好聲音》自開播以來就有唔少嘅傳聞,當中2013年就曾經被爆有一份「保送價目表」,當時就有傳導師轉身費足足要$30萬咁多,不過節目組隨即澄清。今次又再一次傳出「保送價目表」,價格似乎亦隨住價格通脹而有所提升!

節目初期,參賽者們需要獲得導師們嘅「轉身」,才能夠繼續比賽!Photo from 《中國好聲音2021》

#今年學員課金費用驚人?!

據悉,今年參賽嘅學員面試價係$120、推薦費用就係大概$1,200、保送費就係約$12萬港幣,而導師嘅轉身費用提升到大約$60萬港幣,非常誇張!

節目後期有唔同嘅計分方法,包括現場觀眾投票等。Photo from 《中國好聲音2021》

#陳奕迅曾大爆節目錄製過程!

過去,陳奕迅亦曾經喺《中國好聲音》嘅導師之一。佢曾經喺綜藝節目中表示認為《中國好聲音》係一個非常公平公正嘅節目,不過就大爆節目中曾經被導演催促按燈,仲好大膽咁推測現場觀眾可能係節目聘請返嚟!

陳奕迅曾於節目中大爆《中國好聲音》錄影小插曲!Photo from 《吹臣》

陳奕迅曾被《中國好聲音》導演要求按燈選擇該名學員!Photo from 《吹臣》

#那英因此而不滿?

而當時陳奕迅嘅呢番言論,令那英非常憤怒,並暗示每個行業都有自己嘅規則「作為和節目組簽了合約的藝人,就必需要遵守節目組的任何安排,有一些藝人公開曝光節目組的內容。」

那英對於陳奕迅當時於節目中嘅言論感到不滿!Photo from 那英微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

傳李克勤辭任《星夢傳奇》導師 收千萬酬勞轉投《中國好聲音》懷抱

28 Jun, 2021

最近,李克勤正在為TVB節目《聲夢傳奇》擔任導師,並且已經同一班參賽者們培養出好感情~日前,就有傳佢被內地選秀節目《中國好聲音》睇中,以豐厚嘅酬勞誠邀佢擔任導師,成為第3位獲節目欽點嘅香港歌手!

李克勤IGPhoto from 李克勤IG

現年53歲嘅李克勤出道至今已經35年,有唔少代表作品,可以話係娛樂圈裡面嘅大前輩!最近,佢就正忙於成為TVB節目《聲夢傳奇》嘅首席導師兼「奶爸」,為一班參賽者提供意見同陪伴佢哋完成整個比賽嘅過程。

李克勤微博Photo from 李克勤微博

李克勤初初拍攝節目時,仲曾經俾兩位00後嘅參賽者詹天文同姚焯菲表示「我真係唔識佢囉!」、「認得佢,但唔知叫咩名」,令唔少網民感到震驚!經過幾個月嘅節目拍攝,李克勤已經成功同參賽者們打成一片,培養出好感情。父親節時,學員們仲送上佢哋嘅親筆簽名足球,表達感謝之情~

《聲夢前傳》Photo from 《聲夢前傳》

李克勤IGPhoto from 李克勤IG

日前,李克勤獲中國選秀節目《中國好聲音》以過千萬嘅酬勞誠邀佢擔任節目導師,係繼謝霆鋒同陳奕迅後,第3位加盟節目嘅香港歌手!而李克勤所屬嘅英皇娛樂經理人霍汶希並冇否認傳聞,向傳媒表示內地主辦單位好欣賞李克勤,認為佢十分幽默同專業。

李克勤IGPhoto from 李克勤IG

李克勤IGPhoto from 李克勤IG

然而,李克勤需要提早到達內地為節目做準備,再加上檢疫隔離等,要「忍痛」告別一班《聲夢》參賽者,啟程前往上海預備新節目拍攝。據悉,佢將會以視訊方式現身《聲夢傳奇》7月嘅總決賽,同各位學員迎接賽果。

李克勤IGPhoto from 李克勤IG

有傳,今年係《中國好聲音》節目10週年,已經加盟嘅導師有汪峰、鄧紫棋、李榮浩等,陣容鼎盛!原本周杰倫同張惠妹亦獲邀出演節目,奈何台灣爆發疫情,兩人都已經向節目組請辭!

微博Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel