download HolidaySmart 假期日常 app
胡諾言陳琪西貢3層獨立屋曝光! 兩夫婦投資有道 一共持有4個物業

胡諾言陳琪西貢3層獨立屋曝光! 兩夫婦投資有道 一共持有4個物業

娛樂新聞
By Stephanie on 28 Sep 2021
Digital Content Writer

胡諾言陳琪結婚多年,感情依然甜蜜,係圈中嘅模範夫婦!最近,胡諾言就有份主持新節目《我要做業主2》,分享投資心得、買樓秘訣等。一早就已經係業主嘅佢原來投資都有一手㗎,同老婆一齊坐擁價值$4000萬嘅物業,而佢哋喺西貢嘅2,000呎獨立屋內部亦曝光!

胡諾言同陳琪原來係圈中嘅隱形富豪?!Photo from 陳琪IG

#二人於2009年結婚!

胡諾言同陳琪2003年一齊拍電視劇《九五至尊》而結緣,並於2009年結婚,婚後誕下3個小朋友:大囡胡芷苓、二囡胡芷悠、幼子胡澔錕,一家5口非常幸福!而佢哋兩夫婦結婚至今將近12年,但感情十分甜蜜,經常都會喺IG上大晒恩愛~

胡諾言同陳琪結婚至今已經12年~Photo from 陳琪IG

兩人婚後育有3名子女,一家5口十分幸福!Photo from 陳琪IG

#胡諾言最近主持投資節目

最近,胡諾言就有份主持新節目《我要做業主2》,邀請圈中「業主」高海寧、陳庭欣等人做嘉賓,分享投資嘅心得同埋秘訣!其實胡諾言同老婆陳琪都好識得投資㗎,兩人都有各自投資物業,絕對稱得上係圈中嘅隱形富豪啊~

胡諾言為新節目《我要做業主2》做主持人,邀請藝人分享投資秘訣!Photo from 《我要做業主2》

胡諾言同老婆陳琪都各自擁有至少一個物業!Photo from 胡諾言IG

#兩夫婦原來係隱形富豪?!

佢哋兩夫婦總共坐擁4個物業,胡諾言目前就持有灝景灣同埋日出康城嘅單位,而佢哋兩夫婦亦各自喺西貢擁有一間村屋,加埋都價值$4000萬港幣㗎!胡諾言就曾經於節目中透露自己嘅買樓心得,話自己係先從買車位開始,再同家人合資買樓,隨後再開始投資物業,好有投資規劃啊!

胡諾言表示感恩父母提點,令佢開始買物業當作投資!Photo from 《我要做業主》

胡諾言陳琪兩夫婦投資有道,擁有有總值約$4000萬嘅物業!Photo from 陳琪IG

#西貢溫馨大屋內部曝光!

佢哋一家五口目前就住喺位於西貢逾2,000呎嘅3層獨立屋,而佢哋喺IG上載嘅日常照片亦曝光咗佢哋屋企嘅內部~佢哋屋企內部主要都係以簡約為主,客廳就擺放咗一張好大嘅梳發,而後面就貼滿咗小朋友嘅BB照片同埋畫作,十分溫馨!同好多有小朋友嘅屋企一樣,佢哋嘅客廳亦擺放咗玩具同圖書方便小朋友隨時閱讀~

胡諾言陳琪一家正居住於西貢3層獨立屋內!Photo from 陳琪IG

佢哋嘅客廳佈滿小朋友嘅玩具同圖書,感覺十分溫馨!Photo from 陳琪IG

#悉心佈置屋企!

大時大節嘅時候,佢哋都會好用心咁裝飾屋企,臨近聖誕節就會擺放聖誕樹,等小朋友喺屋企都可以感受到濃濃嘅聖誕氣氛~而有運動習慣嘅胡諾言就將天台位置變成自己嘅私人健身房,喺屋企都可以keep fit~

陳琪非常用心裝飾屋企,聖誕節時就會擺放聖誕樹俾小朋友打卡~Photo from 陳琪IG

胡諾言為自己設置私人健身房~Photo from 胡諾言IG

#廚房空間超大

本身就熱愛下廚嘅陳琪都不時於IG上載同囡囡們一齊煮食嘅照片~廚房內放置咗一個超大容量嘅雪櫃,絕對可以擺放到佢哋所有嘅食物;而煮食用嘅電器都十分齊全,包括有微波爐、焗爐等,即使擺放咗咁多設備,廚房嘅空間依然非常充裕!

陳琪本身就鍾意下廚,所以廚房嘅設備都十分齊全㗎!Photo from 陳琪IG

 陳琪經常都會喺家中整蛋糕!Photo from 陳琪IG

陳琪經常為屋企人整甜品!Photo from 陳琪IG

#為子女打造小空間!

由於3名子女嘅年紀都仲好細,而且佢哋嘅感情亦十分好,所以佢哋兩夫婦就為小朋友打造咗一個屬於佢哋嘅小空間,並訂造咗一個上下層嘅睡床等佢哋可以互相陪伴!不過據悉大囡已經大個女,所以而家已經有自己嘅獨立房間~

胡諾言同陳琪就為3位子女打造佢哋嘅小空間!Photo from 陳琪IG

胡諾言陳琪專登為小朋友訂造上下格床!Photo from 陳琪IG

#利用小花園種植蔬菜!

而屋外仲有獨立小花園,主要都係由佢哋兩夫婦自行打理,並經常都會自己種植蔬菜;而胡諾言就負責修補屋企中大大小小嘅問題,包括:漏水問題、油漆等,非常用心咁打造舒服溫馨嘅屋企~

陳琪經常都會自行種植蔬菜!Photo from 陳琪IG

胡諾言亦係家中負責維修嘅好幫手!Photo from 陳琪IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

「Cookies餅碎」區文詩生活富貴!住3000萬西半山豪宅/晒豪華遊艇/60萬鱷魚皮Hermès!

24 Sep , 2021

38歲嘅區文詩(Angela)以「Cookies餅碎」嘅身份為人熟悉,佢雖然早已退出9人Cookies,之後亦未見有咩代表作,但原來佢係圈中富婆!唔止持有幾個物業,更住喺3,000萬豪宅,平日出門又大晒Hermès手袋。

38歲嘅區文詩(Angela)以「Cookies餅碎」嘅身份為人熟悉Photo from YouTube

Cookies餅碎區文詩獲網民封「茶水間KOL」、「Cookies回應專員」、「知情人士」

Cookies係香港9人女子組合,曾推出「心急人上」、「Forever Friends」等作品,但唱片公司好快就決定將組合人數減至4人,Angela係其中一位被「淘汰」嘅成員。

Cookies係香港9人女子組合,曾推出「Forever Friends」等作品Photo from YouTube

Angela與Cookies留底嘅4位人氣成員Stephy鄧麗欣、Kary吳雨霏、Theresa傅穎、Miki楊愛瑾都有保持聯絡,即使退出Cookies多年,亦經常會喺公開場合提及、甚至代成員回應私事,獲網民封為「茶水間KOL」、「Cookies回應專員」、「Cookies知情人士」等。

Angela與Cookies留底嘅4位人氣成員Stephy鄧麗欣、Kary吳雨霏、Theresa傅穎、Miki楊愛瑾都有保持聯絡Photo from 區文詩 IG

區文詩星途平平但原來生活富貴!

喺退出Cookies之後,Angela星途平平,雖然有推出過個人專輯,亦有做電台節目主持,但都無咩為人熟悉嘅代表作,不過原來佢係圈中富婆,生活富貴,即使比起Cookies成員都絕不落後!

退出Cookies之後,Angela有推出過個人專輯Photo from YouTube

不時遊艇開party

Angela經常喺IG大晒出海照,佢不時post出遊艇相,又自稱係「BoatLovers」,成日喺遊艇上開party。

Angela經常喺IG大晒出海照Photo from 區文詩 IG

區文詩不時post出遊艇相,又自稱係「BoatLovers」Photo from 區文詩 IG

區文詩與好友喺遊艇上開partyPhoto from 區文詩 IG

區文詩擁60萬鱷魚皮Hermès手袋

佢亦收藏唔少名牌手袋,包括LV、Hermès,Kelly同Birkin兩款Angela都有,其中一個Hermès 鱷魚皮Birkin更價值不菲,最少值$60萬!

區文詩收藏唔少名牌手袋,包括LVPhoto from 區文詩 IG

區文詩嘅名牌袋唔止LV、ChanelPhoto from 區文詩 IG

Hermè Kelly同Birkin兩款Angela都有Photo from 區文詩 IG

區文詩其中一個Hermès 鱷魚皮Birkin更價值不菲Photo from 區文詩 IG

區文詩呢個Hermès Birkin最少值$60萬Photo from 區文詩 IG

區文詩自爆情史,男友國籍覆蓋亞洲、歐美

Angela雖然喺圈中發展普通,但佢曾喺電台節目自爆情史,稱自己有29次戀愛經歷,交往對象國籍各有不同,涵蓋亞洲、歐美等地,包括中、日、韓、英、美、意等,拍拖經驗豐富。

區文詩曾自爆情史,稱自己有29次戀愛經歷,交往對象國籍各有不同,涵蓋亞洲、歐美等地Photo from 區文詩 IG

區文詩持有多個物業,住3,000萬西半山豪宅

現年38歲嘅Angela早喺10年前就已經上車,27歲就擠身有樓一族,2015年喺東京以港幣$60~$70萬購入二百多呎單位做業主,喺當地出租投資。

現年38歲嘅Angela早喺10年前就已經上車,27歲就擠身有樓一族Photo from 區文詩 IG

持有幾個物業嘅佢2019年以超過$3,000萬再次置業,購入西半山一個頂層連天台過千呎單位,喺佢IG相可以睇到,佢屋企空間感大,地方闊落,而且裝修頗有格調。

持有幾個物業嘅區文詩2019年以超過$3,000萬再次置業,購入西半山一個頂層連天台過千呎單位Photo from 區文詩 IG

區文詩屋企空間感大,地方闊落,而且裝修頗有格調。Photo from 區文詩 IG

有吧枱招呼好友,飯廳有唔少型格擺設,大理石長枱亦夠坐6~8人,佢與Stephy、Kary相聚時更喺家中下廚,餐具亦十分精美,好似喺餐廳食緊飯咁!

區文詩家中有吧枱招呼好友Photo from 區文詩 IG

區文詩飯廳大理石長枱亦夠坐6~8人Photo from 區文詩 IG

天台可見一片綠油油山景,地方寬敞,佢喺天台放咗梳化、餐枱等,不時喺天台開BBQ party大宴親朋。

天台可見一片綠油油山景,地方寬敞,區文詩喺天台放咗梳化、餐枱等Photo from 區文詩 IG

不時喺天台開BBQ party大宴親朋。Photo from 區文詩 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel