《披荊斬棘的哥哥》「大灣區五人組」終解散？！瘋傳其中一人被淘汰！
Photo from 《披荊斬棘的哥哥》
《披荊斬棘的哥哥》「大灣區五人組」人氣高
《披荊斬棘的哥哥》繼《乘風破浪的姐姐》後再取得成功，每集都成為網民話題，當中參賽嘅香港明星陳小春、張智霖、謝天華、林曉峰、梁漢文5人更組隊，獲内地網友親切稱為「大灣區哥哥」。
Photo from 《披荊斬棘的哥哥》
「大灣區哥哥」人氣勁高！陳小春、張智霖嘅喜愛度名列前矛，佢哋嘅表演亦十分受歡迎。除咗佢哋5位，其他香港人熟悉嘅藝人如黃貫中（Paul）、歐陽靖（MC Jin）都有唔少fans。
Photo from 《披荊斬棘的哥哥》
謝天華、歐陽靖重現《潛行狙擊》10年對比照
MC Jin雖然喺之前嘅舞台被淘汰，但有極多網友不捨，最終因霍尊退出佢成功補位回歸節目。節目中謝天華更「Laughing哥」上身向「蠟青」MC Jin「發佈任務」。
Photo from 《披荊斬棘的哥哥》
Photo from 《披荊斬棘的哥哥》
Photo from 《披荊斬棘的哥哥》
兩人喺2011年播出嘅TVB劇集《潛行狙擊》合作，謝天華飾演「梁笑棠（Laughing哥）」；MC Jin飾演Laughing哥下屬「楊立青（蠟青）」，近日謝天華喺微博晒出佢同歐陽靖10年對比照，佢哋更擺出10年前同樣pose。
Photo from 《潛行狙擊》
Photo from 謝天華微博
謝天華呢個帖文獲6.5萬個「讚好」！MC Jin亦有轉發：「約定你 2031, 41, 51, 61… 準時跟新這個照片!」，網友表示可以見到佢哋再度同台，十分興奮。
Photo from 謝天華微博
傳梁漢文將被淘汰，「大灣區五人組」要解散
雖然大灣區男團等港星喺節目深受觀眾喜愛，佢哋嘅隊友情亦好好，張晉之前想請張智霖「過檔」佢嗰組都唔成功，但因為「大灣區」一直同組，被部分網友指「抱團」。
Photo from 《披荊斬棘的哥哥》
不過「大灣區哥哥」可能終於要面對「拆夥」，因為網上瘋傳喺第5次公演後，梁漢文將會被淘汰，「大灣區男團」唔再完整嘅消息令唔少網民大感失望。
Photo from 《披荊斬棘的哥哥》
Photo from 《披荊斬棘的哥哥》
不過亦有網友表示梁漢文被淘汰係意料中事，因為喺「大灣區哥哥」5人入面佢人氣最低，陳小春、張智霖喜愛度幾乎穩列前三名，謝天華、林曉峰出演過《古惑仔》知名度較高，作為歌手嘅梁漢文未有咩傳唱度高嘅代表作。
Photo from 《披荊斬棘的哥哥》
Photo from 《披荊斬棘的哥哥》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
【披荊斬棘的哥哥】「大灣區男團」節目狂講廣東話！節目組聽唔明將陳小春爆粗直出！
7 Sep 2021
Photo from 《披荊斬棘的哥哥》
#香港男星獲獲內地網民封「大灣區哥哥」
《披荊斬棘的哥哥》搵嚟來自中港台超過30位平均年齡逾50歲嘅「哥哥」們參加，香港男星分別有陳小春、張智霖、謝天華、林曉峰、梁漢文、黃貫中、歐陽靖（MC Jin）等，佢哋嘅人氣都唔錯，更獲內地網民親切稱做「大灣區哥哥」。
Photo from 《披荊斬棘的哥哥》
喺節目中陳小春、張智霖、謝天華、林曉峰、梁漢文經常坐埋一齊，喺第四期中，佢哋組隊係第四名，不過因為賽制規定第三場演唱會將以「部落同盟」嘅方式進行，需要兩個部落一齊合作演出。
Photo from 《披荊斬棘的哥哥》
#陳小春想與黃貫中結盟
於是陳小春部落就周圍搵同盟，佢哋一開始打算同黃貫中嘅6人部落結盟，但陳小春考慮到人數太多，佢直言：「我們十一個走在一起太沒規矩，就會變成欺負人家了。」
Photo from 《披荊斬棘的哥哥》
Photo from 《披荊斬棘的哥哥》
#轉軚搵GAI感唔好意思
之後梁漢文就提議可以喺表演中加入Rap嘅元素，搵GAI（周延）聯盟，大家都幾同意，不過陳小春因為之前打算同黃貫中結盟，依家「轉軚」，覺得有啲唔好意思。
Photo from 《披荊斬棘的哥哥》
Photo from 《披荊斬棘的哥哥》
Photo from 《披荊斬棘的哥哥》
#陳小春鏡頭前意外爆粗
佢哋諗住靜雞雞搵GAI，點知對方突然坐喺黃貫中隔離，令「大灣區男團」唔知點算好，只能喺GAI周圍行嚟行去，呢個時候陳小春更忍唔住爆粗：「X你老X！好似夜總會小姐等溝咁！」
Photo from 《披荊斬棘的哥哥》
Photo from 《披荊斬棘的哥哥》
Photo from 《披荊斬棘的哥哥》
Photo from 《披荊斬棘的哥哥》
其實「大灣區男團」圍內一直都係講廣東話溝通，少數時間會講下普通話，相信今次係佢放鬆心情而衝口而出，加上後期剪片嘅節目組唔識廣東話，喺唔知係粗口情況下將片段直接播出。
Photo from 《披荊斬棘的哥哥》
Photo from 《披荊斬棘的哥哥》
Photo from 《披荊斬棘的哥哥》
不過大部分觀眾都未有發現陳小春「山雞哥」上身，喺節目中爆粗，反而大讚「大灣區哥哥」猶猶豫豫咁好可愛。
Photo from 《披荊斬棘的哥哥》
Photo from 《披荊斬棘的哥哥》
相關文章：
相關文章：
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
