港男超愛打邊爐每次約會都食！女友突然暴走二人為打邊爐決意分手

生活熱話

By Stephanie on 29 Sep 2021

Digital Content Writer

唔少情侶喺啱啱開始拍拖嘅時候，都未會將自己嘅「真面目」完全呈現喺對方眼前！最近，有位港男就喺討論區表示女友突然話唔想再同佢打邊爐，並向佢坦白其實自己並唔鍾意打甂爐（俗稱打邊爐），令港男覺得被女友欺騙，萌生分手念頭？！

Photo from TVB

# 港男認為被女友欺騙想分手！

熱戀中嘅情侶通常都特別能夠包容對方，不過好多時當蜜運期一過咗，就會經常衍生摩擦！日前，有位港男就喺討論區大呻覺得女友同佢想像中唔同，並以「女朋友呃左我可能要分手…」為題開post，引起網民關注。

Photo from 連登討論區

# 港男本身就愛打邊爐！

港男表示自己係一個十分鍾意打甂爐（俗稱打邊爐）嘅人，大學嘅時候一星期就一定要同朋友打1-2次邊爐先得，仲話最鍾情於莞西皮蛋湯底，如果一星期都冇打邊爐就會周身唔舒服咁，似乎真係一位「火鍋發燒友」～

Photo from TVB

# 就連女友都愛打邊爐？！

畢業出社會工作後，港男就認識咗而家呢位女友，兩人年紀相同，而女友本身就係比較文靜嘅女生。佢話兩人未拍拖前就曾經相約一齊去尖沙咀，當時佢就同女友講已經預約咗一間好出名嘅邊爐店，而女友聽到之後亦好開心咁答應，令港男本身嘅疑慮瞬間消失，對女友嘅好感度大增！

Photo from TVB

# 交往後都經常打邊爐

後來，港男就向女友告白，兩人正式成為情侶。由於佢哋兩人工作都比較忙碌，所以一個星期只係可以見一兩次，大致上嘅行程都係行街睇戲，然後夜晚去打邊爐！而女友就好少表態，所以港男就認為女友似乎都好鍾意打邊爐。

Photo from TVB

# 女友突然發脾氣！

直到前幾日，港男放工後想同女友打邊爐，女友就突然發狂「個個星期都打邊爐，我其實唔想打邊爐」，表示自己其實都想食下其他嘢！港男就俾女友突然暴走嘅反應嚇親，仲力撐打邊爐可以食到嘅嘢種類十分多，而佢就認為女友本身就冇同提出過食其他嘢嘅要求，令佢對女友嘅行為表示不解！

Photo from TVB

# 認為女友嘅行為都係假扮嘅？

另一方面，港男就經常聽討論區嘅人講「肯同男仔打bino嘅女仔先係好女仔」，令佢而家覺得有少少被女友欺騙咗嘅感覺，懷疑女友好嘅一面可能一直都只係佢假扮出嚟！但同一時間，佢又真係好愛女友，令佢陷入兩難局面，詢問網民應該點算好？！

Photo from TVB

# 網民持不同睇法！

有網民就認為港男嘅反應有啲誇張，忍唔住詢問「樓主你係咪A0」、「個女仔咁都忍到！」等；不過亦有網民非常同意「肯打邊爐嘅女仔係好女仔」嘅理論，奉勸港男盡快同女友分手，尋覓一位願意同佢打邊爐嘅另一半！最後，港男就回覆網民表示已經同女友分手，並表示希望可以搵到一位能夠一直同佢打邊爐嘅女友～

Photo from 連登討論區

相關文章：港男book總統套房求婚！廣邀朋友幫手，最後竟要求一同夾錢付房費！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

港男媽約飲茶女友唔識洗餐具媽媽秒黑面：「娶返嚟仲得了？」

24 Sep , 2021

情侶見家長要特別小心，一個唔該就得罪長老。最近有港男到討論區發文，指其母親約佢同女友飲茶，女友主動攞位，惟自稱唔識洗餐具，令港男媽媽黑面，更向事主稱：「娶返嚟仲得了？」

Photo from 那些我愛過的人

港男媽約飲茶

近日，一名港男到香港討論區發文，分享媽媽與佢同女友之間一間尷尬事件。港男表示，佢媽媽早前約了自己跟女朋友飲茶，其女友推介某間酒樓，並自告奮勇去攞位。

Photo from 那些我愛過的人

女友唔識洗酒樓餐具

女友更比事主及佢媽媽早到，故先留下一個好印象予事主媽媽。後者到達後打算開始點食物，此時事主媽媽喝了一啖茶，才發現茶杯未被洗過。一問之下，女友表示佢唔識洗，所以枱上所有餐具都未經茶水清洗。

Photo from 愛·回家之開心速遞

港男媽媽黑面

事主媽媽當場黑面，而男事主為了息事寧人，決定自己幫忙清洗所有餐具。佢亦喺帖文回覆網民時稱：「夾喺2個（媽媽與女友）中間好難頂。」

Photo from 那些我愛過的人

港男媽媽落閘

事後，媽媽更向事主表示覺得其女友好唔識做，「洗嘢都唔識，娶返嚟仲得了？」事件令事主大感無奈，又對自己被兩者夾在中間不知所措，覺得好難頂。

Photo from 香港討論區

網民意見分歧

帖文引起熱議，網民意見亦頗有分歧。有部分網民直斥：「港女公主病，基本野門面野都唔識，出街失禮死人，分手啦。」、「呢啲女無用，結左婚唔做家務，唔識湊仔（可能唔生），呢啲港女要即棄！」

Photo from 香港討論區

但始乎有較多網民為事主女友平反，反問：「你阿媽諗住娶老婆？」、「女友主動搵埋位仲想點？」，又有人同情事主女友：「做你女朋友真係慘，叫你媽搵個賓妹做新抱喇。」亦有人認為其女友都係別人嘅寶貝女，但未結婚已經要睇事主媽媽面色，故此，佢日後同事主一齊會無好日子過，並勸佢哋分手。另有網民幽默又簡潔地形容情況為：「一山不能藏二婦」。、