【大閘蟹2021】大閘蟹最佳煮法！正確食法、完美拆蟹步驟、食蟹7大禁忌一覽！8類人要慎食蟹！
食蟹季節又嚟啦，當然要好好品嘗下肥美鮮甜的大閘蟹！不過，原來食蟹係有技巧嘅，而且仲有不少需留意嘅地方~大閘蟹點煮最好味？蒸幾耐？唔係每個部位都可以食？如何拆蟹？以下整合了食大閘蟹懶人包，一文睇清大閘蟹最佳煮法、正確食法、完美拆蟹步驟、食蟹禁忌及保存方法等，下次就能更盡情享用大閘蟹嘅滋味~
【大閘蟹2021】大閘蟹放題優惠 | 大閘蟹外賣免運費 各位蟹迷切勿錯過！
#大閘蟹最佳煮法
若想保留大閘蟹嘅原汁原味，建議用傳統嘅做法—清蒸。先將整隻蟹清洗乾淨，可用牙刷刷去蟹上汙泥，尤其肚子和蟹鉗嘅位置。待水煮滾後，將大閘蟹反轉放在蒸碟上，肚身朝天，讓蟹汁、蟹膏或蟹黃可保留在蟹殼內。由於大閘蟹屬於寒性食物，所以在蒸煮時可放少許薑和紫蘇葉，能有效驅走大閘蟹本身嘅寒氣，又可殺菌去腥，同時讓佢哋嘅功效通過蒸氣發揮到蟹上。
Photo from UrbanLife Health
#大閘蟹蒸幾耐
蒸大閘蟹時間因應大閘蟹嘅大小而不同。一般5両至6両嘅大閘蟹蒸大約16至20分鐘；7両至9両嘅大閘蟹蒸大約20至25分鐘。
Photo from Ella IG
#大閘蟹要點食
建議食大閘蟹時蘸醋汁，醋中可加入紅糖和薑絲，提鮮之餘仲可中和寒涼。
Photo from UrbanLife Health
#大閘蟹不可食部位
大閘蟹嘅蟹心、蟹嘴、蟹腮、蟹胃、蟹肚、蟹腸及牙齒都係不可以食嘅部位。蟹心非常寒涼，食左很可能會腸胃不適或腹瀉；蟹腮屬於呼吸器官，是最先接觸汙染物嘅器官；蟹胃、蟹肚和蟹腸會有蟹嘅排泄物，以及堅硬嘅牙齒亦不宜食。
Photo from UrbanLife Health
#食大閘蟹次序
首先，由蟹腳、蟹鉗開始，再到蟹身，最後才食蟹蓋和蟹膏或蟹黃。因爲蟹汁蒸煮後保留在蟹蓋內，比較保溫，所以如果先食蟹蓋，蟹腳、蟹鉗就會變凍。
Photo from UrbanLife Health
#拆大閘蟹步驟
食大閘蟹前，先準備好工具，如刀、剪刀、簽子及叉子等。
1.剪下蟹腳、蟹鉗。
2.拆下蟹臍，並打開蟹殼。
3.取出蟹嘴、蟹胃、蟹腮、蟹肚、蟹腸等不可食器官。
4.將蟹折成兩半，取出蟹心，並刮下蟹膏或蟹黃。
5.用剪刀從折成一半嘅蟹中間剪開，刮下蟹肉。
6.用剪刀剪掉蟹腳，再在蟹腳關節處的兩邊剪一刀，將蟹腿分成兩節。
7.將蟹腿較細一截插入較寬一截，頂出蟹腿肉。
8.用剪刀將蟹鉗兩側開個口，刮下蟹肉。
Photo from UrbanLife Health
#保存大閘蟹方法
買返嚟嘅大閘蟹建議最好即日食！但如果唔打算即日食，必須立即冷藏。可用濕毛巾蓋住蟹，然後放入雪櫃，蟹最多可再生存兩至三天。需留意，如果解開蟹身上嘅繩子，並放入水中飼養，蟹反而會很快死掉，不能食用。另外，已蒸煮嘅大閘蟹需盡快食用，不要再翻蒸。
Photo from Ella IG
#食大閘蟹7大禁忌
1.死蟹不能食
已經死左嘅大閘蟹，身體內外或已有大量細菌，食左可能腹瀉、腸胃炎、食物中毒，嚴重更引發敗血癥！
2.蟹不可生食
由於大閘蟹在海水、泥地中生長，藏有大量細菌，若生食不但對人體造成危害，更可能入侵腦部導致癱瘓！
3.不宜與柿子同食
大閘蟹含有高蛋白質，不能和含有豐富鞣質（單寧酸/Tannins）嘅食物一起搭配，如柿子、山楂、橙、桃及梨等食物。因爲鞣質容易與蛋白質凝結成塊，導致影響消化能力，脾胃較弱嘅人或會出現肚瀉、腸胃不適等情況。
4.食蟹忌搭配寒性食物
火龍果、西瓜、山竹和苦瓜等寒性食物，都不適宜同大閘蟹一起食，容易導致脾胃受損甚至眩暈情況。
5.食蟹忌飲凍飲
大閘蟹性寒，若再加上凍飲會寒上加寒！建議可預備一杯薑茶，在食完大閘蟹之後飲，能驅走寒氣。
6.食蟹忌飲酒、茶
酒和茶都比較寒涼，若與大閘蟹一起飲，或有機會引起肚痛或腹瀉。
7.食蟹不可過量
大閘蟹嘅蟹黃或蟹膏含有較高膽固醇，一般成年人每天食一隻大閘蟹已足夠。
Photo from 张曦雯 IG
#8類人少食大閘蟹
1.海鮮過敏者
2.皮膚疾病者
3.心血管病患者
4.尿酸偏高者
5.痛風患者
6.寒底人士
7.癌症患者
8.孕婦
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
