56歲尹天照近況曝光 內地商演獻唱 網民：發福了，但依然有型

56歲尹天照曾拍攝亞視經典劇集《我和殭屍有個約會》，飾演況天佑一角成功入屋。佢2011年離開亞視後轉投內地市場，近日有內地網民拍下佢出席東莞一個商演活動，並上載抖音分享，影片中，可見佢雖然有點發福，但精神睇落唔錯。

Photo from 尹天照 微博

尹天照自1998年起拍了三輯《我和殭屍有個約會》，其殭屍角色「況天佑」令觀眾留下深刻印象，佢同萬綺雯飾演嘅馬小玲更係香港電視界嘅經典情侶組合。

Photo from 我和殭屍有個約會

尹天照曾捲入桃色風波

尹天照於2004年拍攝《我和殭屍有個約會III永恆國度》時曾捲入桃色風波，同劇女演員王秀琳（Mango）曾聲稱對方駕車送自己回家時對佢「毛手毛腳」，Mango更被經理人安排召開記者會講述事件經過。當時尹天照稱樂意同女方對質，Mango後來報警處理，最後尹天照不被起訴。亦有部分人認為Mango當年「博出位」才作出指控，事件均令雙方形象受損。

Photo from 王秀琳 IG

尹天照為照顧血癌老婆離巢亞視

尹天照老婆Teresa不幸於2010年患血癌，尹天照於是離開亞視全力照顧妻子，直到Teresa進行了骨髓移植後，尹天照現身內地市場，返回幕前演出。

Photo from 有線電視

尹天照轉戰內地

尹天照近年北上掘金，近期擔任手機遊戲代言人，仲「Cosplay」返況天佑嘅墨鏡+黑皮褸經典形象，化身「獵魔大使」。此外，佢本月將會有新電影《戲法師》上映，睇嚟發展唔錯。

Photo from 尹天照 微博

尹天照東莞商演精神不錯

日前，有內地網民在東莞一個商演場合遇到登台演唱嘅尹天照，並將影片上載到抖音分享。片中，可見尹天照有發福跡象，臉型變圓亦有雙下巴，但佢整體外型與以往分別不大，精神狀態睇落亦唔錯。

Photo from 抖音截圖

Photo from 抖音截圖

佢喺現場獻唱舊劇主題曲，仲向在場觀眾大派印有自己肖像嘅照片。不少網民對此都表示佢即使發福了，但依然有型，又指「僵屍」回憶返曬嚟。

Photo from 抖音截圖

Photo from 抖音截圖

Photo from 抖音截圖

相關文章：50歲萬綺雯晒靚樣長腿十年如一日　網民驚訝：你被殭屍咬了？！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）