download HolidaySmart 假期日常 app
2021樂壇新人獎競爭激烈!炎明熹難敵《全民造星》出身Edan/曾比特/MC張天賦

2021樂壇新人獎競爭激烈!炎明熹難敵《全民造星》出身Edan/曾比特/MC張天賦

娛樂新聞
By Jennifer on 04 Oct 2021
Digital Editor

近年香港樂壇有唔少本土新人歌手彈起,包括林家謙、Jer(柳應廷)、姜濤Anson Lo等,2021年MIRROR再有成員solo發展,其他《全民造星》出身男歌手亦陸續出歌,有唔少人更有好成績,今年嘅新人獎競爭超激烈!香港樂壇多咗唔少新人掘起,令大眾再次關注本土音樂,到底今年新人獎花落誰家?

今年嘅新人獎競爭超激烈Photo from 曾比特IG

Edan《E先生 連環不幸事件》獲三台冠軍

MIRROR成員Edan(呂爵安)喺2021年1月推出個人單曲,成為MIRROR第6位solo成員。佢嘅《E先生 連環不幸事件》MV半個月即破100萬點擊率,現時更獲880萬views!Edan嘅個人單曲更係ViuTV「Chill Club推介榜」、商業電台「903專業推介」、新城電台「新城勁爆流行榜」嘅冠軍歌,《E先生》獲三台冠軍,成績驕人。

MIRROR成員Edan(呂爵安)喺2021年1月推出個人單曲,成為MIRROR第6位solo成員,佢嘅《E先生 連環不幸事件》MV半個月即破100萬點擊率Photo from MIRROR IG

到7月佢第二支個人單曲《小諧星》MV僅用2日時間,點擊率就突破100萬,現時為420萬觀看數,亦成功登上「903專業推介」、「新城勁爆流行榜」嘅第二位。兩首單曲都有好成績,Edan絕對係今年新人獎嘅大熱!

Edan第二支個人單曲《小諧星》MV僅用2日時間,點擊率就突破100萬,亦成功登上「903專業推介」、「新城勁爆流行榜」嘅第二位Photo from MIRROR IG

Fatboy 肥仔《Lady Killa》獲四台亞軍

同為《全民造星》出身嘅ERROR隊長Fatboy(梁業)於1月尾推出個人單曲《Lady Killa》,現時有64萬views,亦成功登上「Chill Club推介榜」、「903專業推介」、「新城勁爆流行榜」、香港電台「中文歌曲龍虎榜」嘅2位。

《全民造星》出身嘅ERROR隊長Fatboy(梁業)於1月尾推出個人單曲《Lady Killa》Photo from ERROR IG

佢喺MV中一展其舞蹈實力,又唱又跳,MV現己突破60萬。

肥仔喺MV中一展其舞蹈實力Photo from ERROR

曾比特《我不如》首支派台歌即奪冠軍

曾比特(Mike)喺2019年參加ViuTV節目《全民造星2》,最後獲第8名,佢其後簽約環球唱片出道。曾比特嘅爆炸頭十分有個人特色,佢第一隻派台歌《我不如》係由Eric Kwok親自作曲、監製,MV點擊有190萬,歌曲成功奪得「Chill Club推介榜」、「903專業推介」、TVB「勁歌金榜」嘅冠軍,曾比特以新人身份勇奪三台冠軍。

曾比特嘅爆炸頭十分有個人特色,佢第一隻派台歌《我不如》係由Eric Kwok親自作曲,歌曲更奪得三台冠軍Photo from 曾比特 IG

曾比特嘅出道作連同公司嘅樂壇大前輩陳奕迅都讚好,稱自己忍唔住係咁循環播放。曾比特之後推出嘅《我不是邱比特》亦曾奪「中文歌曲龍虎榜」嘅冠軍,MV點擊破100萬,係新人獎嘅大熱之一。

曾比特之後推出嘅《我不是邱比特》亦曾奪「中文歌曲龍虎榜」嘅冠軍,係新人獎嘅大熱之一。Photo from 曾比特 IG

Manson《今天我不想做嘢》引起網民迴響

曾拍電影、電視劇嘅Manson(張進翹)參加《全民造星3》與顧定軒合作嘅舞台《我們》掀起全城熱話!佢於2021年3月推出第一首個人派台歌《今天我不想做嘢》,Manson更包辦作曲、填詞、編曲及主唱。

Manson於2021年3月推出第一首個人派台歌《今天我不想做嘢》,更包辦作曲、填詞、編曲及主唱。Photo from Manson IG

新歌MV拍得唯美又夢幻,點擊近19萬,加上其獨特曲風,引起網民迴響,成功登上「中文歌曲龍虎榜」嘅第3位。7月佢推出第二首派台歌《無可救藥的浪漫》,由林二汶作曲、周耀輝填詞。

Manson新歌MV拍得唯美又夢幻,加上其獨特曲風,引起網民迴響Photo from Manson IG

MC張天賦唱功出色,大熱作《反對無效》

2019年參加《全民造星2》實力備受評判認可,最後獲第二名,佢全民投票部分得票率第1,達28.7%,係名符其實嘅人氣王!佢其後簽約香港華納唱片,3月正式出道,推出第一首派台單曲《Good Time》,獲「903專業推介」、「中文歌曲龍虎榜」第4位,MV有160萬views。

MC張天賦2019年參加《全民造星2》實力備受評判認可,最後獲第二名,佢全民投票部分得票率第1,達28.7%,係名符其實嘅人氣王Photo from MC張天賦 IG

第二首派台歌《反對無效》係佢第一支冠軍歌,MV點擊已逾400萬。除咗獲「903專業推介」冠軍,喺「Chill Club推介榜」、「中文歌曲龍虎榜」、「勁歌金榜」亦有打入5強。MC憑籍超高人氣,有望同曾比特、Edan爭男新人獎。

《反對無效》係MC張天賦第一支冠軍歌Photo from MC張天賦 IG

ANSONBEAN《CRUSH (oh no!)》出道作獲冠軍

《全民造星3》嘅季軍ANSONBEAN(陳毅燊)亦係今年出道新人,佢喺推出個人作品前與鄭欣宜合作《@princejoyce(Feat. ANSONBEAN)》,到7月終於推出首支個人單曲《CRUSH (oh no!)》,MV有近19萬views,更成為「新城勁爆流行榜」嘅冠軍歌。

《全民造星3》嘅季軍ANSONBEAN(陳毅燊)亦係今年出道新人Photo from ANSONBEAN IG

雖然出道只有2個月,但已有一支冠軍歌,成績不俗。

ANSONBEAN首支個人單曲《CRUSH (oh no!)》成為「新城勁爆流行榜」嘅冠軍歌。Photo from ANSONBEAN IG

P1X3L《Oh My 7 God》獲「七師傅」七仙羽加持

3位成員Phoebus(吳啟洋)、George(歐鎮灝)、Marco(葉振弘)都係《全民造星2》出身,分別獲得冠軍、第4名、三十強,佢哋第一支派台歌曲《Braceless》獲「Chill Club推介榜」第五位,MV觀看次數超過37萬。

P1X3L 3位成員Phoebus(吳啟洋)、George(歐鎮灝)、Marco(葉振弘)都係《全民造星2》出身Photo from P1X3L IG

與ViuTV有藝人合約嘅P1X3L更同「七師傅」七仙羽合作推新歌《Oh My 7 God(JNYBeatz Remix)》,MV點擊逾11萬,話題度頗高。

P1X3L更同「七師傅」七仙羽合作推新歌《Oh My 7 God(JNYBeatz Remix)》Photo from P1X3L IG

石山街《幻象》成員皆為獨立音樂人

石山街由男成員謝旻良(Marstn)、女成員楊彤(Yeung Tung)組成,兩人擅長作曲、編曲、樂器演奏。出道派台作品《暗戀家》曾登上「903專業推介」、「中文歌曲龍虎榜」,MV有近19萬觀看數。

石山街由男成員謝旻良(Marstn)、女成員楊彤(Yeung Tung)組成Photo from 石山街 IG

石山街2位成員皆為獨立音樂人Photo from 石山街 IG

張蔓姿《深夜浪漫》,由演員轉型為歌手

女歌手方面,張蔓姿(Gigi)畢業於香港演藝學院戲劇學院表演系,有出演舞台劇、電視劇、電影等經驗,以演員身份活躍於影視界。2021年2月加盟香港華納唱片成旗下歌手。

張蔓姿以演員身份活躍於影視界。2021年2月加盟香港華納唱片成旗下歌手。Photo from 張蔓姿 IG

首支派台歌曲《姿態》一推出即獲「903專業推介」第2位,MV點擊有3萬,《深夜浪漫》更成為「903專業推介」冠軍歌,MV點擊超過27萬。

張蔓姿《深夜浪漫》成為「903專業推介」冠軍歌。Photo from 張蔓姿 IG

周子涵《心野》樂隊解散後solo出道

周子涵2019年加入樂隊Dusty Bottle擔任女主音,不過2020年11月樂隊宣布解散,周子涵之後就單飛出道,佢首支派台歌曲《心野》喺「903專業推介」、「中文歌曲龍虎榜」都獲得第2位,MV逾15萬點擊。

周子涵喺樂隊Dusty Bottle解散後solo出道Photo from 周子涵 IG

周子涵首支派台歌曲《心野》喺「903專業推介」、「中文歌曲龍虎榜」都獲得第2位。Photo from 周子涵 IG

炎明熹《真話的清高》獲iTunes熱門歌曲榜一位

喺一眾《全民造星》出道仔仔中,Gigi炎明熹成為TVB選秀節目《聲夢傳奇》唯一推出派台歌嘅新人。喺節目中獲三料冠軍嘅炎明熹2021年9月以《真話的清高》正式出道。

獲《聲夢傳奇》三料冠軍嘅炎明熹2021年9月以《真話的清高》正式出道。Photo from 炎明熹 IG

出道短短時間新歌就登上「新城勁爆流行榜」、「中文歌曲龍虎榜」、「勁歌金榜」,更成iTunes熱門歌曲榜一位,MV點擊率亦突破70萬。雖然因為出道時間短,好難同Edan、曾比特、MC張天賦爭新人獎,但相信作為「親生女」嘅Gigi應該可以喺《勁歌金曲頒獎典禮》獲獎。

炎明熹新歌登上「新城勁爆流行榜」、「中文歌曲龍虎榜」、「勁歌金榜」,更成iTunes熱門歌曲榜一位Photo from 炎明熹 IG

因為出道時間短,炎明熹好難同Edan、曾比特、MC張天賦爭新人獎Photo from 炎明熹 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

《調教你MIRROR》花姐坦言Edan入MIRROR只係陪襯:你唔會係主力捧嗰個

10 Jun 2021

ViuTV《調教你MIRROR》令觀眾更深入了解12位成員嘅內心世界,第三集就提到Ian(陳卓賢)同Edan(呂爵安),花姐坦言當初叫Edan加入MIRROR就明言佢只係做陪襯。

ViuTV《調教你MIRROR》令觀眾更深入了解12位成員嘅內心世界Photo from Edan IG

《調教你MIRROR》Photo from 《調教你MIRROR》

新一集中梁祖堯帶Ian同Jer去麵包舖學整麵包,老闆娘Kit係Ian嘅忠實fans,佢表示覺得Ian出道之後變咗好多,個人「chok」咗,比起《全民造星》亦明顯無咁開心。

新一集中梁祖堯帶Ian同Jer去麵包舖學整麵包Photo from 《調教你MIRROR》

老闆娘Kit係Ian嘅忠實fansPhoto from 《調教你MIRROR》

阿Kit覺得Ian出道之後變咗好多,個人「chok」咗,比起《全民造星》亦明顯無咁開心。Photo from 《調教你MIRROR》

花姐之前就同梁祖堯爆料指自己經常同Ian嗌交,次數更拍得住Anson Kong,希望Ian經歷完入camp,可以打開心扉。

花姐之前就同梁祖堯爆料指自己經常同Ian嗌交Photo from 《調教你MIRROR》

花姐希望Ian可以打開心扉。Photo from 《調教你MIRROR》

而Ian亦表示自己參加《全民造星》時雖然個人都係內向,但抱住一個「試下啦」嘅心態,放開好多,但出道後有咗唔同嘅顧慮,因為私人事亦變到有好多人關注,就算個人健談咗,但內心其實更加封閉。

Ian亦表示自己參加《全民造星》時雖然個人都係內向,但抱住一個「試下啦」嘅心態,放開好多Photo from 《調教你MIRROR》

Ian話出道後有咗唔同嘅顧慮,因為私人事亦變到有好多人關注,就算個人健談咗,但內心其實更加封閉。Photo from 《調教你MIRROR》

Ian指已經習慣被人誤會,佢認為即使澄清都會有人覺得佢就係咁嘅人,所以已唔再解釋了。今次同fans嘅對話Ian覺得對方係講中咗佢內心,所以好有感觸。

Ian指已經習慣被人誤會Photo from 《調教你MIRROR》

之後梁祖堯同「MIRROR地獄廚神」三人組:姜濤、Anson Lo、Edan去街市買餸,Anson Lo曾經試過將成塊冬瓜放落煎pan度煎。

之後梁祖堯同「MIRROR地獄廚神」三人組:姜濤、Anson Lo、Edan去街市買餸Photo from 《調教你MIRROR》

Anson Lo曾經試過將成塊冬瓜放落煎pan度煎。Photo from 《調教你MIRROR》

提到Edan,花姐指佢係最平和嘅一個,話當初搵佢做男團Edan係「?飯應」即刻應承,不過花姐坦言Edan加入MIRROR只會做陪襯:「唔好諗住你會係主力捧嗰個」,但對方都無所謂,願意慢慢努力。

提到Edan,花姐指佢係最平和嘅一個,話當初搵佢做男團Edan係「?飯應」即刻應承Photo from Edan IG

Edan就表示「沒有MIRROR,我哋甚麼都不是」,尤其係見到MIRROR由初出道被人笑成班mk,到今年發展得好好,越嚟越紅,佢更加堅持要繼續做好MIRROR,唔可以畀佢完結。

Edan表示「沒有MIRROR,我哋甚麼都不是」Photo from 《調教你MIRROR》

唔少網友睇完都表示fans講Ian講得好中,亦好心痛Ian,希望Ian可以無咁大壓力。而Edan有依家嘅成績真係好爭氣,大讚佢叻仔!

唔少網友睇完都表示fans講Ian講得好中Photo from LIHKG

LIHKGPhoto from LIHKG

LIHKGPhoto from LIHKG

IanPhoto from 《調教你MIRROR》

網友表示Edan有依家嘅成績真係好爭氣Photo from LIHKG

網友大讚Edan叻仔Photo from LIHKG

亦有觀眾認為《調教你MIRROR》一集得半個鐘真係好唔夠喉,指播足一個鐘都唔過分。

有觀眾認為《調教你MIRROR》一集得半個鐘真係好唔夠喉Photo from LIHKG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel