download HolidaySmart 假期日常 app
港男上女友屋企自覺不被尊重!女友細佬一句話「好唔比面」!網友反指:太小家

港男上女友屋企自覺不被尊重!女友細佬一句話「好唔比面」!網友反指:太小家

娛樂新聞
By Jennifer on 05 Oct 2021
Digital Editor

男女朋友上對方屋企食飯係好平常嘅事,但經常會有網友分享去另一半家中作客嘅不愉快經歷。近日喺討論區有網民開post指去女朋友屋企食飯,但因為女友細佬而令佢深感唔被尊重,留言卻一面倒力撐細佬,反笑佢「太小家」。

男女朋友上對方屋企食飯係好平常嘅事Photo from TVB

港男去女朋友屋企食飯自覺被虧待

網友喺連登討論區發文指「去女朋友屋企比佢屋企人咁對待」,佢稱有時都會去女友屋企食飯,有一次上去時女友細佬買咗壽司做晚餐,一共有6至7盒,大概有60~70件壽司。

網友喺連登討論區發文指「去女朋友屋企比佢屋企人咁對待」,佢稱有時都會去女友屋企食飯Photo from TVB

有一次樓主上去時女友細佬買咗壽司做晚餐,一共有6至7盒,大概有60~70件壽司。Photo from TVB

按數量嚟計,60~70件壽司應該都夠一家人食,大家埋位食飯後,細佬一句話令樓主自覺不被尊重,更喺網上公開事件與網友分享經歷。

大家埋位食飯後,細佬一句就令樓主自覺不被尊重,更要喺網上公開事件與網友分享經歷。Photo from TVB

女友細佬特地買壽司畀哥哥家姐食

樓主稱女友細佬突然指住一件芥辣八爪魚軍艦壽司,同佢嘅哥哥同家姐(即樓主女友)講:「特登買比你食㗎!」,樓主內心不快,認為明明大家都一齊食飯,但女友細佬講到其他人一定唔可以食嗰件「芥辣八爪魚軍艦」咁。

樓主稱女友細佬突然指住一件芥辣八爪魚軍艦壽司,同佢嘅哥哥同家姐(即樓主女友)講:「特登買比你食㗎!」Photo from TVB

樓主內心不快,認為明明大家都一齊食飯,但女友細佬講到其他人一定唔可以食嗰件「芥辣八爪魚軍艦」咁。Photo from TVB

港男感女友細佬「好唔比面」,網友稱想太多

樓主最後問網友意見:「大家覺得呢件事上面到底係佢細佬有問題,定係我唔應該有咁嘅思想」,大部分網友表示樓主「諗太多」,只係細佬知道家姐、阿哥中意食呢種壽司,所以先特登留畀佢哋,但樓主就自覺「過門都係客」:「明明同枱食飯..我都算係一個客,好似好唔比面我喎」

樓主最後問網友意見:「大家覺得呢件事上面到底係佢細佬有問題,定係我唔應該有咁嘅思想」Photo from TVB

大部分網友表示樓主「諗太多」,只係細佬知道家姐、阿哥中意食呢種壽司,所以先特登留畀佢哋Photo from lihkg

樓主就自覺「過門都係客」:「明明同枱食飯..我都算係一個客,好似好唔比面我喎」Photo from lihkg

狂吸8千負評,網友直言港男太自卑、小家

網友認為咁係細佬愛家人嘅表現,又直言樓主如果咁想食嗰件壽司,只要同女友講聲,下次咪買埋佢嗰份。呢個post至今已有超過8,000個「負皮」,有人稱樓主咁諗係出於自卑,覺得女友屋企人「唔畀面佢」,直指「樓主潛意識其實覺得女朋友屋企人唔係好接納自己」、「男人老狗小家到你」

網友認為係細佬愛家人嘅表現,又直言樓主如果咁想食嗰件壽司,只要同女友講聲,下次咪買埋佢嗰份Photo from TVB

有人稱樓主咁諗係出於自卑,覺得女友屋企人「唔畀面佢」Photo from lihkg

網友直言:「樓主潛意識其實覺得女朋友屋企人唔係好接納自己」Photo from lihkg

網友:「男人老狗小家到你」Photo from lihkg

亦有網民往「積極樂觀」方面諗,指細佬其實畀緊tips樓主,提醒佢家人中意啲咩嘢。下次有機會買壽司嘅話記住要買芥辣八爪魚軍艦壽司,可以提高女友屋企人嘅好感。

有網民往「積極樂觀」方面諗,指細佬其實畀緊tips樓主,提醒佢家人中意啲咩嘢Photo from TVB

網友提醒樓主下次有機會買壽司嘅話記住要買芥辣八爪魚軍艦壽司,可以提高女友屋企人嘅好感。Photo from lihkg

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

港男與女網友見面被查家宅?! 約會秒變見工面試 網民反應兩極

20 Aug 2021

交友app最近非常盛行,唔少人都會利用app去尋找另一半。日前,有位港男喺討論區分享同女網民一齊食飯嘅情況,但對方就不停詢問關於佢家庭背景嘅問題,呢種行為令佢覺得非常有壓力!

港男約網友食飯!Photo from TVB

現時打工仔工作繁忙,未必有時間同機會認識新對象。最近,有位港男就於討論區分享同女網民見面嘅經歷,不過佢就話對方嘅行動同言語令佢十分唔舒服,形容「好似俾人查家宅咁」!

港男分享與女網友見面經歷Photo from 香港討論區

港男表示最近透過交友App認識咗個女仔,兩人年紀相仿,所以聊天時非常投契。佢表示大家已經約過出嚟食飯一兩次,前幾次都係AA制咁各自俾錢,直到最近一次見面食飯時,佢就決定要請對方食一次飯!

港男決定請對方食一次飯!Photo from TVB

然而,當港男提出請食飯之後,女網友就立刻好大反應咁話「點解呀?你想追我呀?」。女網友隨即不停咁詢問港男問題:「你搵幾多錢一個月呀?屋企有冇樓有冇錢留比你呀?屋企有幾多人呀?結婚之後我唔同你阿爸阿媽住又得唔得?我唔做家務㗎,一定要請個工人返黎做」,好似講到要立刻嫁俾佢咁!

女方不停追問港男背景Photo from TVB

港男見狀就回答「其實我都係出於禮貌想請你食餐飯,本身都有諗過追你,不過見你咁樣都係放棄啦」,一方面佢就話好慶幸可以喺追求佢之前發現女網友嘅「真面目」。港男認為自己都只不過係想搵個心儀女仔認識下,但一時間就好似變成俾人查家宅咁,令佢不禁懷疑「唔通而家追女仔係要好似見工面試咁嘅?!」

被女網友一連串問題嚇到Photo from TVB

有網民就認為港男透過呢次機會更深入咁了解咗呢位女網友,覺得女網友行動上反映出係一個貪慕虛榮嘅女仔;亦有網民覺得女網友可能並非認真尋找另一半,只係想玩下或者「收兵」,所以態度先會咁!

網民認為女網友並非認真對待感情!Photo from 香港討論區

替港男感到慶幸!Photo from 香港討論區

相反,有網民就揶揄港男「前幾次都AA制,註定追唔到女」,覺得佢太孤寒,未能令女生留下好印象!部份網民就認為女網友只係比較直接,但其實了解另一半嘅背景都係非常重要嘅事。

網民揶揄港男小氣?!Photo from 香港討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel