內地網媒疑抹黑MIRROR!故意揀黑圖?!內地網民直言:當偶像門檻這麼低嗎

內地網媒疑抹黑MIRROR!故意揀黑圖?!內地網民直言:當偶像門檻這麼低嗎

娛樂新聞
By Jennifer on 05 Oct 2021
Digital Editor

MIRROR喺香港擁有超高人氣,成員姜濤Anson LoIan、Edan等都係廣告商寵兒。近日MIRROR喺內地亦引起關注,原因係有內地網媒稱為「香港目前爆火的男子组合」,不過疑選用「黑圖」,令唔少內地網民直言成員似「洗頭仔」。

MIRROR喺香港擁有超高人氣Photo from 花姐 IG

MIRROR香港爆紅掀內地網民熱議

MIRROR每次出巡都吸引大批fans支持,MV瀏覽數亦非常高,喺香港人氣毋須多言。有內地網媒更喺微博發文指「香港目前爆火的男子組合MIRROR......某商場有他們成員的人形立牌,上到70下到10歲都有人去合影」,掀起熱議。

MIRROR每次出巡都吸引大批fans支持,MV瀏覽數亦非常高,喺香港人氣毋須多言Photo from MIRROR IG

有內地網媒更喺微博發文指「香港目前爆火的男子组合MIRROR......某商场有他们成员的人形立牌,上到70下到10岁都有人去合影」,掀起熱議。Photo from 微博

列Anson Lo廣告、Edan演《大叔的愛》,分析MIRROR走紅原因

有內地網友於微博指平時路過快餐店、商場都見到有MIRROR嘅人形牌,更將Anson Lo形容為「Top(即團內人氣最高成員)」,列出佢嘅廣告代言。

有內地網友於微博指平時路過快餐店、商場都見到有MIRROR嘅人形牌Photo from 微博

內地網友將Anson Lo形容為「Top(即團內人氣最高成員)」Photo from Anson Lo IG

內地網友列出Anson Lo嘅廣告代言,指佢人氣超高。Photo from 微博

網友提到MIRROR係選秀節目出身,又稱其中兩位成員(Anson Lo同Edan)主演咗「耽美(BL)劇」之後爆紅,似乎分析、研究唔少MIRROR喺香港走紅嘅原因。

網友分析、研究唔少MIRROR喺香港走紅嘅原因。Photo from 微博

網友提到MIRROR係選秀節目出身,又稱其中兩位成員(Anson Lo同Edan)主演咗「耽美(BL)劇」《大叔的愛》之後爆紅Photo from Edan IG

內地網友嘲MIRROR「顏值低」

雖然微博貼文稱MIRROR喺香港「爆火」,但附上嘅MIRROR成員照片卻疑似故意揀黑圖,有唔少內地網友直言「當愛豆(idol)門檻這麼低嗎」、「他們的顏值 是走在路上我都不會多看一眼的程度」、「怎麼長得奇形怪狀的」

雖然微博貼文稱MIRROR喺香港「爆火」,但附上嘅MIRROR成員照片卻疑似故意揀黑圖Photo from 花姐 IG

唔少內地網友直言「當愛豆(idol)門檻這麼低嗎」Photo from 微博

內地網友指MIRROR「顏值低」Photo from 微博

內地網民留言毫不留情!Photo from 微博

內地網友對MIRROR顏值評價極低,表示MIRROR成員似「洗頭小哥」,話要睇返靚仔洗眼,又稱香港人審美同佢哋差好遠。

MIRROR喺內地引起關注Photo from MIRROR IG

內地網友表示MIRROR成員似「洗頭小哥」,話要睇返靚仔洗眼,又稱香港人審美同佢哋差好遠。Photo from 微博

有網友得知MIRROR成員係選秀出身,自信指覺得佢去都得Photo from 微博

MIRROR亦成功吸納到內地鏡粉

有內地生直言MIRROR係佢同本地學生最大嘅代溝:「真的不懂為什麼會那麼紅」,不過MIRROR都有吸納到內地fans,有內地神徒就喺微博搵教主嘅片,仲話可惜上唔到IG,唔係會更瘋狂追星。

MIRROR亦成功吸納到內地鏡粉Photo from Anson Lo IG

內地網友:「真的不懂為什麼會那麼紅」Photo from 微博

有內地生直言MIRROR係佢同本地學生最大嘅代溝Photo from 微博

有內地神徒就喺微博搵教主嘅片,仲話可惜上唔到IG,唔係會更瘋狂追星。Photo from 微博

香港網友指內地男團都唔好得去邊

對於內地網友對MIRROR嘅關注同評論,香港網友有唔同睇法,直言內地嘅男團都係同MIRROR一樣,佢哋中意嘅TFboys都唔係好得幾多。

教主獲內地網友封為「Top」Photo from MIRROR IG

香港網友直言內地嘅男團都係同MIRROR一樣Photo from lihkg

香港網民指內地人中意嘅TFboys都唔係好得幾多。Photo from lihkg

香港網友指內地網民取向與香港人唔同:「人地品味係的士陳,老老實實無乜參考價值⋯」,亦有人表示微博用嘅相影到MIRROR走晒樣。

MIRROR出席活動有唔少鏡粉支持Photo from MIRROR IG

香港網友指內地網民取向與香港人唔同:「人地品味係的士陳,老老實實無乜參考價值⋯」Photo from lihkg

有人表示微博用嘅相影到MIRROR走晒樣。Photo from lihkg

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

MIRROR成員騷肌相大盤點!位位好身材!Anson Lo晒六舊腹肌/Ian臂肌粗壯

30 Sep 2021

近日「教主」Anson Lo拍攝內褲廣告嘅相片曝光!震撼一眾「神徒」,原來Anson Kong都有份拍,兩位Anson齊晒好身材!其實MIRROR成員過往都有公開過fit爆身型,位位都有6舊腹肌

Anson Lo 內褲廣告照

廣告
廣告

平時包都實嘅教主大熱天時都著長褸,最近為品牌拍攝內褲廣告,大show上半身~

「教主」AL同紅色非常相襯Photo from Anson Lo IG

平時包都實嘅教主Anson Lo大熱天時都著長褸,最近為品牌拍攝內褲廣告,大show上半身~Photo from Anson Lo IG

腹肌、人魚線都勁明顯,淨係黑白相都已經令一班神徒為之傾倒,品牌更公開埋彩色照,教主掀起上衣,加上漫不經心嘅表情,相信會再令神徒心動!

Anson Lo腹肌、人魚線都勁明顯Photo from Anson Lo IG

Anson Lo淨係黑白相都已經令一班神徒為之傾倒Photo from Calvin Klein

Anson Kong 齊拍內褲廣告,形象Man爆

原來內褲廣告Anson Kong都有份一齊拍,AK嘅廣告相比較多係影側面,結實肌肉,連埋手臂有若隱若現嘅青筋,大展Anson Kong Man爆形象!

教主嘅內褲廣告Anson Kong都有份一齊拍Photo from Anson Kong IG

AK嘅廣告相比較多係影側面Photo from Anson Kong IG

Anson Kong手臂有若隱若現嘅青筋Photo from Anson Kong IG

結實肌肉大展Anson Kong Man爆形象Photo from Anson Kong IG

Ian 溫柔歌聲與健碩身型反差萌

形象斯文又帶點天然呆嘅Ian喺台上係情歌王子,但台下嘅佢都有肌肉。出道前Ian曾入選排球港隊,身為排球健將嘅Ian入行後都有keep住做運動,仲喺IG大晒成果,fit爆鋼條身型令唔少fans尖叫。

出道前Ian曾入選排球港隊,身為排球健將嘅Ian入行後都有keep住做運動Photo from Ian IG

喺MIRROR演唱會上佢無緣同隊友一齊上台騷肌留下咗一啲遺憾,Ian更投資開設健身中心,話會畀隊友落嚟健身喎!

形象斯文又帶點天然呆嘅Ian喺台上係情歌王子,但台下嘅佢都有肌肉Photo from Ian IG

Edan為拍劇操肌

同樣有喺IG騷肌嘅仲有Edan!佢之前因為知道要喺《大叔的愛》除上衣,於是決心操fit身型,佢喺IG公開嘅相片唔止有6舊腹肌,仲有粗壯手臂!

Edan喺IG公開嘅相片唔止有6舊腹肌,仲有粗壯手臂!Photo from Edan IG

近日Edan接拍ViuTV新劇《i.Swim》,喺劇中要飾演游泳健將,佢再次去健身室狂練,手臂現大隻「老鼠仔」!相信喺劇中會再睇到Edan結實嘅肌肉。

為飾演游泳健將,Edan再次去健身室狂練,手臂現大隻「老鼠仔」Photo from Edan IG

Alton健身教練出身,專業操肌

入行前做過健身教練嘅Alton,一向都不吝嗇大騷身材,佢嘅fans更叫「蛋白粉」。Alton操肌當然專業,健碩身型絕對係佢個人特點!

入行前做過健身教練嘅Alton,一向都不吝嗇大騷身材Photo from Alton IG

Alton操肌當然專業,健碩身型絕對係佢個人特點!Photo from Alton IG

Stanley MIRROR肌肉擔當

早喺參加《全民造星》時,Stanley嘅肌肉已令評判之一嘅蕭定一留下深刻印象,佢唔止腹肌明顯,更「手瓜起腱」,喺MIRROR演唱會大騷鋼條身型。

早喺參加《全民造星》時,Stanley嘅肌肉已令評判之一嘅蕭定一留下深刻印象Photo from Stanley IG

Stanley唔止腹肌明顯,更「手瓜起腱」Photo from Stanley IG

喺MIRROR演唱會大騷鋼條身型Photo from Stanley IG

Lokman演唱會大晒健身成果

MIRROR隊長Lokman為咗喺演唱會帶驚喜畀一眾鏡粉,落力健身操fit身型,連Anson Kong都大讚「阿man畀咗好多努力」,Lokman操出倒三角身材,加上心口嘅紋身,充滿男性陽剛之美!

MIRROR隊長Lokman為咗喺演唱會帶驚喜畀一眾鏡粉,落力健身操fit身型Photo from Anson Kong YouTube

Anson Kong大讚「阿man畀咗好多努力」Photo from Anson Kong YouTube

Lokman操出倒三角身材,加上心口嘅紋身,充滿男性陽剛之美!Photo from Anson Kong YouTube

Frankie有樣有身材

一向獲視為MIRROR「顏值擔當」嘅Frankie係公認嘅靚仔,但佢身材都好好。喺演唱會上佢騷肌冧fans,唔少鏡粉都為之著迷,Fankie真係又靚仔又身材好!

一向獲視為MIRROR「顏值擔當」嘅Frankie係公認嘅靚仔,但佢身材都好好

喺演唱會上Frankie騷肌冧fans,唔少鏡粉都為之著迷,Fankie真係又靚仔又身材好!Photo from Frankie IG

Tiger 年紀小小擁傲人身材

作為MIRROR年紀最細嘅成員,Tiger為人比較成熟,估唔到連身材都拍得住一班哥哥!臂肌、腹肌都有齊,連花姐都大爆佢日日睇自己嘅肌肉相~

作為MIRROR年紀最細嘅成員,Tiger為人比較成熟,估唔到連身材都追得上一班哥哥Photo from Tiger IG

Tiger臂肌、腹肌都有齊,連花姐都大爆佢日日睇自己嘅肌肉相~

姜濤、Jer、Jeremy 3位比起其他成員就保守唔少,期待有一日會睇到佢哋嘅肌肉相!

姜濤比起其他成員就保守唔少Photo from MIRROR IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel