港隊劍擊|崔浩然曬吳諾弘11年前合照 退役兩年復出 曾做KOL變樣似女仔?!

港隊劍擊|崔浩然曬吳諾弘11年前合照 退役兩年復出 曾做KOL變樣似女仔?!

生活熱話 娛樂新聞
By Cheryl on 06 Oct 2021
Digital Editor

有「劍擊花美男」之稱嘅崔浩然(Nicholas)於兩年多前從香港劍擊隊退役,轉投社企公司兼做KOL,但今年4月佢決定重返劍擊場,復出接受全職訓練。同其他知名劍擊成員老友鬼鬼嘅Nicholas,日前公開一張11年前同吳諾弘影嘅合照,相中兩人都好青澀!

「劍擊花美男」崔浩然退役兩年復出,大曬11年前吳諾弘合照Photo from 崔浩然 IG

鐘情韓國文化 力撐好友王嘉爾闖Kpop

現年28歲嘅崔浩然係香港、韓國及菲律賓三地嘅混血兒,仲識講流利韓文添!佢同前香港劍擊隊員王嘉爾(Jackson)係好友,兩人早已在小學時透過劍擊結緣。Jackson在2014年以韓國男團GOT7成員身份出道時,Nicholas已在IG力撐朋友在Kpop界發展,佢亦曾觀看GOT7演唱會,身體力行撐老友!

崔浩然同王嘉爾早在小學時期經劍擊認識Photo from 崔浩然 IG

崔浩然好支持王嘉爾進軍KpopPhoto from 崔浩然 IG

同Elkie莊錠欣都係朋友

除咗Jackson,有消息指佢同Kpop女團CLC嘅前香港成員Elkie莊錠欣都係好友,據悉二人經Elkie在劍擊界嘅共同朋友認識,Nicholas更曾相約Elkie到韓國行街。

崔浩然同CLC前香港成員Elkie莊錠欣合照Photo from 網上圖片

熱愛韓國文化嘅Nicholas,係韓國男神李敏鎬粉絲。數年前Kpop男團Wanna One來港演出時,佢亦有到場觀看,仲到後台同成員們合照添!

崔浩然同Wanna One成員黃旼炫在後台合照Photo from 網上圖片

曾同MIRROR Jeremy Stanley合作

唔只Kpop男團,Nicholas同樣會支持本地男團~ 佢早前同MIRROR成員Jeremy(李駿傑)及Stanley(邱士縉)合作拍劍擊片到YouTube,齊齊支持本地運動員。

崔浩然早前受邀同MIRROR成員Jeremy(李駿傑)及Stanley(邱士縉)一齊拍劍擊片Photo from 崔浩然 IG

同一眾劍擊隊員早已建立深厚默契

崔浩然父親係香港劍擊隊領隊,所以佢自小便參加劍擊訓練及比賽。佢同張家朗、張小倫、蔡俊彥等人亦係好友,其合照不時出現在Nicholas IG上。

同是港隊劍擊隊友嘅崔浩然同張家朗份屬好友Photo from 崔浩然 IG

崔浩然同一眾香港劍擊隊員合照Photo from 崔浩然 IG

連番奪牌後急流勇退

崔浩然在2012年以港隊最年輕成員代表身份出戰倫敦奧運會,次年在東亞運奪個人賽銅牌及團體賽金牌,其後在2018年亞運勇奪男子花劍個人及團體兩面銀牌。然而,Nicholas選擇喺同年底退役,期望「編寫人生的新一頁」。

崔浩然兩年前勇奪亞運兩面銀牌後宣佈退役Photo from 崔浩然 IG

崔浩然與港隊劍擊成員,張家朗、蔡俊彥、張小倫合照Photo from 崔浩然 IG

廣告
廣告

退役後變身時尚KOL 仲有啲似女仔?

退出運動員生涯後,崔浩然到社企工作兼做KOL,其帥氣可愛外貌也吸引不少時尚品牌邀請拍廣告。佢早前更染了一頭長金髮,顯得格外秀氣,有啲角度甚至似女仔,由「花美男」變成「花美女」。

崔浩然早前染了金色長髮拍了不少廣告照Photo from 崔浩然 IG

金髮崔浩然好秀氣!Photo from 崔浩然 IG

崔浩然獲不少時尚大牌青睞拍硬照廣告Photo from 崔浩然 IG

最愛還是劍擊 決定重返劍場

不過,崔浩然放下全職運動員身份兩年多後,發現自己最愛還是劍擊,自言好掛念做運動員嘅滿足感。故此佢於今年4月決定復出,重返香港劍擊隊進行全職訓練。

崔浩然退役兩年決定復出Photo from 崔浩然 IG

崔浩然重返香港劍擊隊接受全職訓練Photo from 崔浩然 IG

復出後本地賽奪冠

重返港隊嘅Nicholas於上星期日(03/10)參加康文署公開劍擊錦標賽,擊敗大師兄張小倫奪冠,而奧運冠軍張家朗則缺席。Nicholas亦希望爭取明年亞運,及2024年巴黎奧運等國際賽嘅出戰機會。

崔浩然在10月3日參加康文署公開劍擊錦標賽奪冠Photo from 崔浩然 IG

曬11年前吳諾弘合照

常於社交網上載美照嘅Nicholas,日前在IG Story公開一張11年前同另一劍擊隊員,現年21歲嘅吳諾弘合照。吳諾弘在今年東京奧運表現亮眼,帥氣運動健兒形象加上其童星背景引起不少關注。

崔浩然公開11年前同吳諾弘合照Photo from 崔浩然 IG

舊照中,二人都非常青澀靦腆,當年只有10歲嘅吳諾弘更係「重返」其得意童星look,同依家嘅運動員形象形成強烈反差感。而當時嘅Nicholas亦充滿baby fat,散發滿滿嘅學生氣質,相中佢搭著吳諾弘肩膀,兩人猶如一對兄弟!到咗11年後,二人已進化成並肩作戰嘅隊友。

吳諾弘依家稚氣不再,仲好大隻添!Photo from 吳諾弘 IG

崔浩然依家一樣帥氣Photo from 崔浩然 IG

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel