TVB「真人靚過上鏡女星」投票!李佳芯高票登榜首!第二位出人意料?林夏薇/陳自瑤無份

TVB「真人靚過上鏡女星」投票!李佳芯高票登榜首!第二位出人意料?林夏薇/陳自瑤無份

娛樂新聞
By Jennifer on 07 Oct 2021
Digital Editor

TVB《思家大戰》有獎問答遊戲《思家觀眾大戰》,搵咗100位TVB台前幕後投票選出「TVB真人靚過上鏡嘅女藝員」。日前官方公佈完整名單,李佳芯高票登頂第一位!另外觀眾緣好好嘅朱千雪都有第三位,除咗佢哋之外,其他上榜女星出人意料!

TVB《思家大戰》有獎問答遊戲《思家觀眾大戰》,搵咗100位TVB台前幕後投票選出「TVB真人靚過上鏡嘅女藝員」。Photo from TVB

官方公佈完整名單,李佳芯高票登頂第一位!Photo from 李佳芯 IG

視后Ali李佳芯獲「TVB真人靚過上鏡女星」第一位

Ali一向觀眾緣好,即使曾被「雪藏」仍有唔少fans支持。佢今年喺《愛美麗狂想曲》、《智能愛人》嘅演出獲觀眾好評,尤其係《智能愛人》,Ali於劇中飾演機械人,有指佢出色演技令TVB高層大為讚賞,有望再奪視后!

《智能愛人》Ali飾演機械人,有指佢出色演技令TVB高層大為讚賞,有望再奪視后!Photo from 李佳芯 IG

其實喺競猜時已有好多網友揀咗Ali,可見佢人氣之高,仲係公認嘅美人,喺100位TVB工作人員投票中獲28票,有網民得知結果後表示Ali上鏡都已經好靚,估唔到真人仲靚!

喺競猜時已有好多網友揀咗AliPhoto from TVB

有網民得知結果後表示Ali上鏡都已經好靚,估唔到真人仲靚!Photo from TVB

視后Ali李佳芯獲「TVB真人靚過上鏡女星」第一位Photo from 李佳芯 IG

麥美恩Mayanne得第二位出乎意料?

如果話Ali第一係眾望所歸,Mayanne麥美恩喺競猜初期幾乎無人估係佢。其實麥美恩係港姐出身,佢參加《2011年度香港小姐競選》獲得第四名(當屆冠軍為朱晨麗),不過之後佢主力出演綜藝節目。

麥美恩係港姐出身,佢參加《2011年度香港小姐競選》獲得第四名Photo from 麥美恩 IG

Mayanne雖然係港姐出身但出演綜藝「零包袱」,肯放下身段,獲封為「新一代搞笑綜藝女王」。Mayanne得票數都唔低,100票中獲20票,投票嘅工作人員有五分之一都揀佢!

Mayanne雖然係港姐出身但出演綜藝「零包袱」,肯放下身段,獲封為「新一代搞笑綜藝女王」Photo from 麥美恩 IG

朱千雪獲第三位,「民選港姐」轉行做大律師

除咗Ali之外,朱千雪亦係TVB超有觀眾緣嘅女藝人,佢於2012年參選港姐入行,當時因網上投票系統伺服器發生問題,朱千雪只得季軍,網民亦因此封佢為「民選冠軍」,估唔到呢個投票同港姐一樣,千雪BB以16票位列第三。

朱千雪2012年獲香港小姐季軍,網民封佢為「民選冠軍」,估唔到呢個投票同港姐一樣,千雪BB以16票位列第三。Photo from 朱千雪 IG

雖然佢參演嘅電視劇唔多,但喺《EU超時任務》首度擔演女主角演技就大獲好評,不過千雪BB現時轉投法律界,主力做大律師工作,少有喺幕前出現。

朱千雪現時轉投法律界,主力做大律師工作Photo from 朱千雪 IG

陳凱琳憑異國風情長相奪第四位

港姐冠軍出身嘅陳凱琳比朱千雪少5票,以11票獲第四。佢入行後備受力捧,出演電視劇。同鄭嘉穎結婚之後佢就減少幕前工作,生下鄭承悅(Rafael)兩年後再誕下次子鄭承亮(Yannick),成幸福靚媽。

港姐冠軍出身嘅陳凱琳比朱千雪少5票,以11票獲第四。Photo from 陳凱琳 IG

當初參選港姐時陳凱琳因為長相具異域風情而成為話題,不過佢就指自己並非混血兒,陳凱琳不時會喺IG晒靚相,無愧港姐冠軍之名~

當初參選港姐時陳凱琳因為長相具異域風情而成為話題Photo from TVB

「最佳女配角」賴慰玲第五位,除咗演技仲有美貌

賴慰玲2020年憑《反黑路人甲》「大小姐蔣千霞」一角獲「最佳女配角」,佢係香港演藝學院表演系出身,當初獲老師羅冠蘭推薦入行,連影帝黃秋生都大讚佢演技不俗。

賴慰玲係香港演藝學院表演系出身,當初獲老師羅冠蘭推薦入行,連影帝黃秋生都大讚佢演技不俗。Photo from 賴慰玲 IG

出道以嚟佢嘅演技都獲網友認可,但佢除咗精湛演技外本身都係靚女,投票只少第四位嘅陳凱琳1票,以10票居第五。有網友喺留言表示有次喺街上見到賴慰玲感到驚訝,因為對方真人靚過上鏡好多!

有網友喺留言表示有次喺街上見到賴慰玲感到驚訝,因為對方真人靚過上鏡好多!Photo from TVB

出道以嚟賴慰玲嘅演技都獲網友認可,但佢除咗精湛演技外本身都係靚女Photo from 賴慰玲 IG

「大面Bella」林穎彤力壓林夏薇、蔡思貝

林穎彤童星出身,加入TVB後雖然出演過唔少劇集,但都係飾演配角,估唔到佢竟然力壓港姐亞軍兼視后嘅蔡思貝、華姐冠軍岑麗香等人,以6票奪得第六位!當時競猜有唔少人都估有林夏薇、陳自瑤,但林穎彤卻成功突圍而出!不過投票係「真人靚過上鏡」,可能其他人真人同上鏡差唔多,所以未獲投票。

「大面Bella」林穎彤力壓林夏薇、蔡思貝Photo from 林穎彤 IG

林穎彤童星出身,加入TVB後雖然出演過唔少劇集Photo from 林穎彤 IG

TVB《思家大戰》有獎問答遊戲《思家觀眾大戰》,搵咗100位TVB台前幕後投票選出「TVB真人靚過上鏡嘅女藝員」Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

10大最討厭藝人近況公開!李思捷只得第三名!有夫婦齊上榜!有人離巢成功洗底?!

3 Sep 2021

李思捷主持嘅TVB節目《思家大戰》話題度唔錯,節目中李思捷不停被嘉賓窒,又提到3年前被選為「10大最討厭藝人」其中一位,李思捷明言毫不在乎,有人討論佢、有noise佢都開心。其實2018年網民選出嘅「10大最討厭藝人」中,李思捷只係排第三位,事隔3年,其他榜上有名嘅藝人近況如何?即刻睇睇!

李思捷回歸TVB主持節目《思家大戰》Photo from TVB

#第10位:王浩信

王浩信喺2017年首獲《萬千星輝頒獎典禮》「最佳男主角」,作為TVB當家小生,佢同唔少女演員合作過,但屢屢傳出緋聞,佢嘅緋聞女友包括江嘉敏、蔡思貝等,期間更多次傳婚變,令佢形象受到影響。

作為TVB當家小生,王浩信同唔少女演員合作過Photo from TVB

王浩信《踩過界》演盲俠大律師Photo from TVB

不過王浩信近年仍然劇接劇,工作量並無減少,仲喺《萬千星輝頒獎典禮2020》憑《踩過界2》「文申俠」一角相隔3年後再奪視帝,坐穩一線小生之位,佢致謝詞時提及老婆陳自瑤,對方「黑面」表情成為全城焦點,令兩人關係更加耐人尋味。

王浩信喺《萬千星輝頒獎典禮2020》再次憑《踩過界2》「文申俠」一角相隔3年後再奪視帝Photo from TVB

陳自瑤「黑面」表情成為全城焦點Photo from TVB

#第9位:林師傑

《超級巨聲》出身嘅林師傑曾經同鄧穎芝拍拖2年,但喺戀愛期間就傳出佢與𡃁模親近被女方斷正,而鄧穎芝都有暗串過佢「多女」。

林師傑係《超級巨聲》出身Photo from 星夢娛樂

廣告
廣告

佢2015年與港姐歐陽巧瑩拍拖,並於2018年結婚,兩人感情好好,林師傑成功「洗底」,獲網民大讚係「好男人」!近年佢與TVB結束合約,出演咗同為「巨聲幫」出身嘅許廷鏗主持嘅ViuTV節目《AH佛真‧惜玩》。

林師傑2015年與港姐歐陽巧瑩拍拖,並於2018年結婚Photo from TVB

近年林師傑與TVB結束合約,出演咗同為「巨聲幫」出身嘅許廷鏗主持嘅ViuTV節目《AH佛真‧惜玩》。Photo from ViuTV

#第8位:崔建邦

崔建邦2007年於萬千星輝頒獎典禮中勇奪「飛躍進步男藝員」,成為TVB當時嘅金牌主持之一,與唐詩詠相戀又獲封「金童玉女」,但期間佢多次傳出緋聞最終兩人分手,之後有學拳擊嘅佢被指傷害女友、飲完酒揸車等,負面新聞一籮籮。

崔建邦曾經係TVB嘅金牌主持之一Photo from TVB

喺2011年崔建邦以助理編導身份重返TVB,之後再度主持大型節目,與有韓國血統、任職老師嘅新女友感情穩定,崔建邦更透露佢視女友為結婚對象。

2011年崔建邦以助理編導重返TVBPhoto from TVB

崔建邦與有韓國血統、任職老師嘅新女友感情穩定Photo from TVB

#第7位:黃翠如

39歲嘅黃翠如2012年轉投TVB後開始拍劇,佢演過嘅劇集數量極多,當中不乏好收視、有口碑嘅作品,包括:《師父·明白了》、《愛我請留言》,但佢喺《使徒行者2》、《溏心風暴3》等嘅演出就被網民指演技差。

黃翠如出演嘅劇集《愛我請留言》好評甚多Photo from TVB

黃翠如同洪永城嘅關係亦多次成為網民焦點,早前洪永城與女友梁諾妍宣佈結婚,黃翠如喺IG發長文卻被指「妹仔大過主人婆」,最近佢主演嘅新劇《七公主》中飾演大律師「顧靈珊(Alison)」,再被批駕馭唔到律師角色,網友直言佢演技「咁耐都無進步過」。

黃翠如同洪永城嘅關係亦多次成為網民焦點Photo from 黃翠如 Facebook

最近新劇《七公主》,黃翠如飾演大律師「顧靈珊(Alison)」Photo from TVB

#第6位:吳業坤

參加《超級巨聲2》入行,之後出演過多套電視劇《回到三國》、《使徒行者》、《老表,你好hea!》,喺音樂方面吳業坤曾橫掃各台頒獎禮嘅新人獎,更憑《原來她不夠愛我》勇奪得「叱咤樂壇我最喜愛的歌曲大獎」、「叱咤樂壇我最喜愛的男歌手」。不過佢被指「扮嘢」識女仔。

吳業坤曾橫掃各台頒獎禮嘅新人獎,更憑《原來她不夠愛我》勇奪得「叱咤樂壇我最喜愛的歌曲大獎」、「叱咤樂壇我最喜愛的男歌手」Photo from 吳業坤 IG

近年吳業坤去咗日本Working Holiday,又考獲日本語能力測試N2資格,為TVB飛日本採訪東京奧運,但佢喺節目中對香港運動員洪詠甄嘅態度被網民鬧爆唔專業,最後要公開道歉。

吳業坤喺節目中對香港運動員洪詠甄嘅態度被網民鬧爆唔專業,最後要公開道歉。Photo from TVB

#第5位:何雁詩

參加《超級巨聲》後簽約TVB,佢2017年與鄭俊弘公開戀情,但就被指介入鄭俊弘與姜麗文嘅戀情,有傳兩人已談婚論嫁,何雁詩被指係「第三者」,佢同鄭俊弘愛得高調,對外間評論一於少理。

何雁詩2017年與鄭俊弘公開戀情Photo from 何雁詩 IG

2020年兩人宣佈結婚,佢哋嘅結婚相成巴士廣告被網友指誇張,何雁詩及後解釋係fans好意。2021年7月,何雁詩宣佈約滿離巢,結束與TVB 12年賓主關係。

2020年何雁詩同鄭俊弘宣佈結婚,佢哋嘅結婚相成巴士廣告被網友指誇張,何雁詩及後解釋係fans好意Photo from TVB

#第4位:阿叻陳百祥

「叻哥」陳百祥多年嚟喺TVB擔任台慶、香港小姐決賽等大型節目嘅司儀。另外佢熱愛運動,為香港明星足球隊隊員之一,亦係荷蘭足球隊嘅忠實fans,因此獲封「荷蘭叻」。叻哥多年嚟「串嘴」形象深入民心,有唔少網友都指佢「牙擦擦」。

「叻哥」陳百祥多年嚟喺TVB擔任台慶、香港小姐決賽等大型節目嘅司儀Photo from TVB

近年佢負面新聞唔少,被指違反「限聚令」同位於九龍塘嘅單位疑有僭建,叻哥出席活動時再展「串嘴」本色,被問及其九龍塘單位,佢直言:「關啲人咩事?」

叻哥多年嚟「串嘴」形象深入民心Photo from TVB

#第3位:李思捷

參加「喜劇之王訓練班」入行,憑扮嘢上位,之後與阮兆祥、王祖藍合組「福祿壽」。李思捷被指「溝女無數」,主持嘅節目《今晚睇李》又遭網友批「無聊、無新意」,2015年佢喺10萬網民票選下成為「負皮王」第4名。

李思捷 扮鄭少秋,扮得唯俏唯妙Photo from TVB

李思捷主持嘅節目《今晚睇李》被網友批「無聊、無新意」Photo from TVB

李思捷2021年獲邀請回巢主持新節目《思家大戰》,依家同圈外女友拍拖多年,感情穩定,佢表示想成家立室做爸爸。

李思捷2021年獲邀請回巢主持新節目《思家大戰》Photo from TVB

#第2位:阿Bob林盛斌

2012年加盟TVB後成多個節目主持,佢更擔任唔同商業活動、婚禮司儀。曾一度因為「老是常出現」令觀眾「睇到煩」。

阿Bob 2012年加盟TVB後成多個節目主持Photo from TVB

阿Bob雖然觀眾緣唔算好,但佢做司儀就密密吸金,一家六口仲搬入九龍塘獨立豪宅。

阿Bob雖然觀眾緣唔算好,但佢做司儀就密密吸金Photo from 阿Bob IG

阿Bob一家六口搬入九龍塘獨立豪宅。Photo from 阿Bob IG

#第1位:鄭俊弘

鄭俊弘星途浮沉多年,直到參加TVB藝員歌唱比賽節目《星夢傳奇》奪冠後人氣急升,加盟「星夢娛樂」更成為公司首個舉行個人演唱會嘅歌手。不過佢早年曾同秦沛女兒姜麗文拍拖,有傳佢為何雁詩而同未婚妻分手,姜麗文被指係其「未婚妻」,此事令佢形象插水,更一度要暫時停工。

鄭俊弘參加TVB藝員歌唱比賽節目《星夢傳奇》奪冠後人氣急升Photo from TVB

不過佢工作機會並未減少,TVB劇集佢都有參演,同時亦有唱TVB劇集主題曲,佢同何雁詩宣佈結婚後更以「夫妻檔」身份出演節目。鄭俊弘有唔少海外演出機會,近日佢與老婆何雁詩齊齊飛美國登台,更於拉斯維加斯再簽婚書。

鄭俊弘同何雁詩宣佈結婚後更以「夫妻檔」身份出演節目Photo from TVB

近日鄭俊弘與老婆何雁詩齊齊飛美國登台,更於拉斯維加斯再簽婚書。Photo from 何雁詩 IG

相關文章:

相關文章:

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel