download HolidaySmart 假期日常 app
【魷魚遊戲】爆紅綠色運動服掀起中韓罵戰?! 內地網民反駁:魷魚遊戲抄我哋!

【魷魚遊戲】爆紅綠色運動服掀起中韓罵戰?! 內地網民反駁:魷魚遊戲抄我哋!

娛樂新聞
By Stephanie on 07 Oct 2021
Digital Content Writer

韓國Netflix原創劇《魷魚遊戲》播放後隨即爆紅,導致全球陷入追劇嘅熱潮。而劇中嘅服裝亦成功吸引大家關注,仲開始售賣同款運動服。不過有韓國嘅教授就指「內地抄襲問題嚴重」,網上售賣嘅綠色運動服會加上「中國」兩字,但就用劇中主角李政宰嘅照片作宣傳;而事件曝光後,內地網民就十分不滿,仲用一個理由反駁話係《魷魚遊戲》疑似抄內地?!

《魷魚遊戲》中出現嘅綠色運動服成為「中韓」網民吵架嘅原因?!Photo from Netflix YouTube

#《魷魚遊戲》成為全城熱話!

韓劇《魷魚遊戲》最近風靡全球,成為網民之間嘅熱門話題!而劇中嘅演員們嘅人氣亦變高,其中鄭浩妍嘅IG追蹤人數仲飆升至逾900萬,成為韓國女演員中最多人追蹤嘅一位,可見大家真係非常鍾情於《魷魚遊戲》嘅魅力當中~

《魷魚遊戲》熱潮依然持續,成為網民最近嘅熱門話題!Photo from Netflix YouTube

飾演姜曉嘅鄭浩妍IG追蹤人數飆升指960萬,成為最高追蹤人數嘅韓國女演員!Photo from Netflix YouTube

#劇中服裝+遊戲道具都成為商品!

《魷魚遊戲》亦為唔少商家提供咗商機,劇中嘅唔少服裝、遊戲道具都變成咗商品,吸引唔少劇迷嘅關注。雖然內地就未能夠於Netflix觀看劇集,不過都成功喺內地引起迴響,曾登上微博熱搜排行榜;而淘寶中亦有大量「李政宰同款運動服」售賣,令唔少劇迷都爭住要搶購!

網上出現唔少有關《魷魚遊戲》嘅相關產品。Photo from 淘寶

其中綠色運動套裝就最受歡迎,有唔少淘寶商店都均有發售!Photo from 淘寶

#韓國教授指內地借助熱潮售賣服裝!

「劇」紅就自然是非多!韓國誠信女子大學教授徐坰德(서경덕)就於IG表示「 內地利用其他途徑下載《魷魚遊戲》嘅問題嚴重」,並直指內地唔少商家都唔理會著作權,不停抄襲劇中嘅服裝售賣!其中徐教授表示「內地購物網有好多綠色運動服賣,有人仲會自行加入『中國』兩字」,再利用主角李政宰嘅照片作宣傳,認為以上嘅行為都係唔尊重作品!

韓國誠教授徐坰德認為內地抄襲《魷魚遊戲》嘅問題嚴重!Photo from 微博

#引起內地網民不滿

呢個post隨即引起內地網民嘅不滿,唔少網民都立刻湧入該教授嘅IG評論,紛紛留言話「這款式已經穿了幾十年」、「嚴格來説,是他們抄襲我們!」等,並導致「中韓」網民有爭執,而該帖文目前亦已經被刪除!

內地網民被惹怒,隨即於反駁該教授嘅言論!Photo from 微博

#內地網民反擊:係《魷魚遊戲》抄我們!

唔少內地網民居然找出吳京於2019年拍攝電影《老師好》嘅造型,並反駁「《魷魚遊戲》抄襲中國?」只見電影中,吳京就身穿綠色運動服,而衣服上仲印有「中國」兩字,認為《魷魚遊戲》嘅造型疑似抄襲內地,引起內地網民們嘅責罵!

內地網民表示吳京於2019年拍電影嘅時候,就已經穿著綠色運動服,質疑係《魷魚遊戲》抄佢哋?!Photo from 《老師好》

 內地網民解釋80年代嘅學校運動服同《魷魚遊戲》一模一樣!Photo from Netflix YouTube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【魷魚遊戲】男主成奇勳竟是001老伯親生仔?網友列9大線索!導演揭真相+第二季劇情!

6 Oct ,2021

Netflix劇集《魷魚遊戲》喺全球各地引起熱潮,劇中嘅細節亦令網民期特會有第二季、續集。近日有韓國網友猜測男主成奇勳(李政宰飾演)其實係「001伯伯」吳一男嘅兒子!更提出9大線索為證。

Netflix劇集《魷魚遊戲》喺全球各地引起熱潮,劇中嘅細節亦令網民期特會有第二季、續集。Photo from NETFLIX

【以下內容含劇透】

1. 001老伯臨終前孤獨一人

《魷魚遊戲》提到男主成奇勳(李政宰飾演)同媽媽相依為命,未有提及自己嘅父親,而「001伯伯」吳一男(吳永秀飾)就曾指自己有老婆、兒子。喺最後一集佢臨終前身邊無家人陪伴,佢搵返成奇勳或許係想再見兒子一面。

《魷魚遊戲》提到男主成奇勳(李政宰飾演)同媽媽相依為命Photo from NETFLIX

「001伯伯」吳一男(吳永秀飾)就曾指自己有老婆、兒子。Photo from NETFLIX

最後一集「001伯伯」吳一男臨終前身邊無家人陪伴,佢搵返成奇勳或許係想再見兒子一面。Photo from NETFLIX

2. 男主成奇勳母親與001伯伯同姓「吳」

喺第一集男主拎咗媽媽嘅提款卡,有鏡頭影住提款卡嘅持卡人為「Oh Mal Soon(吳末順)」,與「001伯伯」吳一男同樣姓吳,雖然夫婦同姓喺韓國罕見,但有網友指劇集於Netflix播出,主打歐美等外國觀眾,所以婚後隨夫姓都正常。另外「末順」喺韓文有「最後一個」嘅意思,呼應返男主成奇勳嘅遊戲編號「456」。

第一集男主成奇勳拎咗媽媽嘅提款卡,有鏡頭影住提款卡嘅持卡人為「Oh Mal Soon(吳末順)」Photo from NETFLIX

3. 成奇勳與001伯伯吳一男兒子都唔飲牛奶

成奇勳曾向遊戲嘅工作人員表示自己唔飲牛奶,更指自細飲牛奶就會消化不良,所以喺學校都無訂牛奶。網友認為呢段劇情強調男主唔飲牛奶並非偶然,因為001老伯吳一男即同男主講佢個仔都唔飲牛奶,又同男主講:「你小時候肯定很常被你爸打」,成奇勳亦指:「你怎麼知道的?」,暗示男主同001老伯嘅兒子有唔少共通點。

成奇勳曾向遊戲嘅工作人員表示自己唔飲牛奶,更指自細飲牛奶就會消化不良Photo from NETFLIX

001老伯吳一男即同男主講佢個仔都唔飲牛奶,又同男主講:「你小時候肯定很常被你爸打」Photo from NETFLIX

4. 成奇勳媽媽提款卡密碼有玄機

成奇勳用媽媽嘅提款卡攞錢時曾試過以自己嘅生日日期「0426」輸入密碼,不過唔成功,劇集交待男主媽媽改咗密碼。但成奇勳生日「0426」正正係001伯伯兒子嘅生日日期「6月24日」嘅倒轉。

成奇勳用媽媽嘅提款卡攞錢時曾試過以自己嘅生日日期「0426」輸入密碼,不過唔成功Photo from NETFLIX

001伯伯後面提及兒子嘅生日日期為「6月24日」Photo from NETFLIX

5. 001伯伯吳一男同成奇勳曾住喺同一個社區?

喺彈珠遊戲一集中,成奇勳同001老伯一齊行入遊戲場地,001老伯就提到呢度佢以前係同老婆、兒子住嘅社區好似,而成奇勳亦興奮表示:「我也是!我小時候就住在類似這種巷弄裏。」

喺彈珠遊戲一集中,成奇勳同001老伯一齊行入遊戲場地,001老伯就提到呢度佢以前係同老婆、兒子住嘅社區好似Photo from NETFLIX

成奇勳亦興奮表示:「我也是!我小時候就住在類似這種巷弄裏。」Photo from NETFLIX

6. 001伯伯吳一男同成奇勳認識同一個剛布?

「剛布(깐부)」指同盟、兄弟、拍檔。喺彈珠遊戲嗰集,001老伯就提出同成奇勳成為「剛布」,成奇勳諗起細個喺屋企附近都有「剛布」,更表示係佢最好嘅朋友,001老伯即話:「對!就是那個剛布。」,似間接指出佢都認識成奇勳嘅「剛布」。

彈珠遊戲嗰集,成奇勳諗起細個喺屋企附近都有「剛布」,更表示係佢最好嘅朋友Photo from NETFLIX

7. 001伯伯吳一男送彈珠畀成奇勳作為生日禮物

001老伯表示兒子今個月就生日,舊年佢無送到任何禮物畀仔仔,覺得好內疚,更表明今年一定要送禮物,之後佢將手上嘅彈珠留畀成奇勳,網友指彈珠就代表咗「送畀仔仔嘅生日禮物」。

001老伯表示兒子今個月就生日,舊年佢無送到任何禮物畀仔仔,覺得好內疚Photo from NETFLIX

001伯伯吳一男將手上嘅彈珠留畀成奇勳Photo from NETFLIX

網友指彈珠就代表咗「送畀仔仔嘅生日禮物」。Photo from NETFLIX

8. 001伯伯吳一男愛暗中觀察兒子玩遊戲

001老伯提到佢以前收工返屋企,見到兒子同朋友玩遊戲會匿埋喺電線桿後面,偷偷望住兒子。網友推測係暗示001老伯喺彈珠遊戲中被淘汰,回歸生存遊戲主辦人嘅身份,喺幕後繼續觀察男主玩遊戲。

001老伯提到佢以前收工返屋企,見到兒子同朋友玩遊戲會匿埋喺電線桿後面,偷偷望住兒子Photo from NETFLIX

9. 成奇勳喺屋企附近曾遇見001伯伯吳一男

成奇勳曾經喺便利店門口見到001老伯,當時001老伯就指佢哋好有緣,又表示有認識嘅人住喺附近,網友指「認識嘅人」可能係男主媽媽!

成奇勳曾經喺便利店門口見到001老伯,當時001老伯就指佢哋好有緣Photo from NETFLIX

001伯伯吳一男表示有認識嘅人住喺附近Photo from NETFLIX

導演兼編劇黃東赫親自回應及提及第二季嘅計劃

雖然網友就列晒「證據」,講到似層層咁,但近日《魷魚遊戲》嘅導演黃東赫接受訪問就指只係巧合,佢表示「001伯伯」吳一男因為係遊戲創辦人,為咗擁有選擇權先會安排為1號,而「一男」呢個名其實係佢中學同學個名,因為覺得「一男」同「1號」好夾於是就用咗,至於姓吳則係因為韓文「吳」同魷魚遊戲嘅「魷」發音一樣都係「오(音:wu)」。

近日《魷魚遊戲》嘅導演黃東赫接受訪問Photo from JTBC

導演又透露如果拍第二季,會加入「為何來我家」、「打陀螺」、「跳房子」3大韓國經典童年遊戲,又表示應該會交待警察「黃俊昊」同生存遊戲負責人(李秉憲飾)嘅後續。

警察「黃俊昊」Photo from NETFLIX

李炳憲飾演生存遊戲負責人Photo from NETFLIX

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel