download HolidaySmart 假期日常 app
港男跪地幫女友綁鞋帶 遭受旁人冷眼 網民:咩尊嚴都冇晒!

港男跪地幫女友綁鞋帶 遭受旁人冷眼 網民:咩尊嚴都冇晒!

生活熱話
By Stephanie on 07 Oct 2021
Digital Content Writer

情侶之間經常都會有貼心嘅舉動,好多時候呢啲行為都可以令兩人感情升溫!不過有港男就表示自己就曾經試過因為跪低幫女友綁鞋帶,而遭到旁人冷眼仲斥責女友為「港女」,引起網民嘅熱烈討論~

港男詢問網民會否幫女友綁鞋帶?!Photo from TVB

#港男分享為女友綁鞋帶經歷!

相信唔大部分女生都鍾意「暖男」,好容易對佢哋嘅貼心舉動有心動嘅感覺,從而令感情迅速升溫~有位港男就喺討論區分享幫女友綁鞋帶嘅經歷,並詢問男網民會否願意幫助女友,引起網民關注!

港男表示經常都會為女友綁鞋帶!Photo from 連登討論區

#全因女友身穿短裙

港男表示啱啱同女友食完早餐走出餐廳時,女友就打算將鞋帶綁返好。由於女友今日身穿連身短裙,比較唔方便,所以港男就主動跪低幫佢綁。

港男見女友身穿短裙,所以就主動跪低幫佢綁鞋帶。Photo from TVB

#卻遭路人責怪?!

不過呢嘅舉動竟然引起旁人嘅冷眼,有女途人經過嘅時候就講咗句「港女!」,港男立刻望向對方並表示對方年約30幾歲,身材比較瘦。

港男貼心舉動反而遭受旁人嘅冷眼?!Photo from TVB

#港男詢問網民意見

事後,女友就有啲唔開心,並詢問港男「我係咪真係好港女啊?」,而男友就解釋認為女友有時候因為穿著短裙或短褲而唔適合跪低綁鞋帶,所以自己呢啲時候大多數都會主動協助女友!再加上,女友本身從來都冇主動要求過佢咁做,所以佢認為呢個舉動並唔能夠代表女友就係港女,並想了解廣大嘅網民平時會唔會幫女友綁鞋帶?!

女友因此而感到傷心,不停詢問男友意見!Photo from TVB

#網民認同大讚港男體貼!

呢個post引起好多網民注意!其中大部分網民(約3,788人)都表示自己有為女友綁鞋帶,仲話同港男有同樣嘅諗法,係為咗保護女友先會主動幫忙。另外,有網民認為呢個係情侶之間嘅貼心行動,唔需要理會旁人點睇~

大部分網民認為港男嘅行為十分貼心,亦係好正常嘅舉動!Photo from 連登討論區

網民認同呢啲係情侶間嘅甜蜜舉動,唔需要理會旁人!Photo from TVB

#有網民認為港男「做壞規則」!

不過亦有大約636人認為唔應該幫女友綁鞋帶!有網民就覺得男仔主動幫對方綁鞋帶會「寵壞」女友,而且會令佢哋失去男子氣魄?!有女網友就分享自身經驗,話男友曾經喺好多人嘅地方下做出呢個舉動,其實係好尷尬嘅事,建議港男們要睇場合同女友反應!

不過有網民就認為咁嘅行為係令男仔失去面子?!Photo from 連登討論區

有網民認為幫女友綁鞋帶會失去男人味?!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

港男灰心大呻「窮係原罪」! 女友父母嫌棄收入低冇前途 被迫分手

5 Oct , 2021

俗語有話「有錢唔係萬能,無錢就萬萬不能」,唔知大家又認唔認同呢個講法呢?!最近,有位港男就喺連登討論區表示同女友決定和平分手,不過分手主因就係因為女友父母極力反對兩人拍拖,認為港男嘅條件唔夠好,未能夠俾女兒一個幸福美滿嘅將來!

港男被女友父母嫌棄,超灰心向網民大呻!Photo from TVB

# 港男灰心於討論區開post!

相信所有父母都希望自己嘅子女能夠有一個幸福嘅將來,可以無憂無慮咁過生活,所以部份父母可能會非常在意子女另一半嘅經濟條件!日前,有位港男就有相似嘅經歷,並以「喺香港窮係原罪」為題開post,引起網民熱議。

港男於連登討論區開post,獲得網民嘅關注!Photo from 連登討論區

# 目標係1年後同女友求婚!

港男表示自己學歷比較低,係公屋出身;而女友就係住私樓嘅獨生女,性格脾氣好而且唔拜金,係難得嘅「荀盤」!兩人一齊咗接近一年嘅時間,完全冇嗌過交,非常投契,並決定以結婚為前提交往,所以港男表示努力儲錢,目標係一年後同女友求婚。

港男表示同女友家庭背景有啲差異,不過二人卻非常投契。Photo from TVB

# 發現女友家人並唔鍾意佢?

不過,女友最近一次約會嘅時候,一見面就開始淚流滿面。直到港男追問之下先知道,原來女友已經被父母「鵝」咗一個月咁多,每一次出街拍拖都會被父母責怪,並講難聽嘅說話俾女友聽「窮、無出色,一世都買唔起樓,一齊唔會有前途!」,令女友飽受壓力!

女友因為家人而飽受壓力,約會時於港男面前爆喊!Photo from TVB

# 兩人決定和平分手!

女友不停爆喊話「好唔捨得,你對我好好,但屋企令我好大壓力好辛苦!」,港男見狀就同女友講「唔想見到你咁辛苦,為咗我同屋企人反面好無謂。我冇能力俾幸福你,你襯後生搵過嗰有能力㗎啦!」,並決定同女友和平分手!

港男當時見女友咁辛苦,就毅然決定分手!Photo from TVB

# 港男不願放棄感情!

不過,港男返到屋企後就覺得有啲後悔,發現自己其實唔捨得放手。而港男仲詳細咁補充咗自己嘅背景:30幾歲、月入大約$2萬、工作穩定、冇不良嗜好、學歷低(但讀緊夜校);暫時諗到嘅缺點就係冇錢買樓或者移民,導致女友父母唔接受,並借此機會詢問網民應否再嘗試挽留一下女友?!

港男冷靜過後,認為唔捨得放棄呢段感情,詢問網民意見!Photo from TVB

# 網民勉勵港男不應自卑!

呢個post成功引起網民嘅關注,而網民們嘅反應兩極!有網民就鼓勵港男,認為佢唔應該因為自己嘅屋企背景同女友有差異而感到自卑,反而要積極增值自己,提升自己喺社會上嘅競爭力先係最重要;有網民亦安慰港男話其實以現時嘅樓價,買唔到樓嘅人比比皆是!

有網民鼓勵港男認為佢要繼續努力增值自己先係最重要!Photo from 連登討論區

網民勉勵港男希望佢唔好因此而感到灰心!Photo from TVB

# 部份網民覺得港男唔應該追返女友!

相反,有網民認為港男而家都已經30幾歲,但月入居然都仲係得$2萬,的確比較少;有網民就質疑港男上進心唔夠,先會導致工作咁耐但依然冇晉升機會,而且30幾歲先讀夜校未免遲咗少少,勸喻佢千祈唔好「連累」女友!

有網民就話港男現時收入的確比較低,質疑佢冇上進心!Photo from 連登討論區

網民建議港男唔好重新追求女友!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel