江若琳官司｜重提介入林小明婚姻傳聞 爆喊離開法庭 自覺似演藝界奴隸 一度想輕生
藝人江若琳（Elanne）與前經理人公司寰宇嘅合約糾紛案於昨日（7日）續審。寰宇主席及董事林小明於庭上重提江若琳當年被傳同自己有婚外情一事，江在旁聽席一邊聽一邊抽泣，之後更奪門離開法庭。
Photo from 江若琳 微博
案件原告為寰宇藝人管理有限公司，答辯人為為江玲（江若琳原名）、東旺國際娛樂有限公司。
江若琳曾被指介入林小明婚姻
代表江若琳嘅大狀指，自2008年開始，江若琳被誤傳係介入林小明與前妻之間嘅第三者，與此同時，江還未就2007年發行嘅唱片《Innocent》收取任何收入，當時情況「好慘」，江猶如「過街老鼠」。
Photo from 江若琳 IG
林小明聽罷回應：「我都好慘。」答辯方再問：「你知唔知佢當時好痛苦？」林表示佢自己都好痛苦，「我有同佢傾過，安慰吓佢囉。」
Photo from 江若琳 IG
辯方大律師再反問林小明：「佢喺咁嘅情況下仲堅持再出第二張唱片《Shining》，唔感到奇怪？佢仲唔夠痛苦呀？仲要堅持使多啲錢？」林小明則簡單回答：「係之前錄咗。」
Photo from ViuTV
林小明認為開記招無用，江若琳被重提往事淚奔法庭
被問到江若琳當年曾想開記者會澄清傳聞，林小明坦言知道事件，佢明白傳聞對江好大影響，但問過相熟記者後認為開記者會做法不太合適，因為佢相信傳媒在事後仍會「亂寫」，故最後決定問個別可靠記者幫忙澄清。
Photo from 江若琳 IG
此時原坐在旁聽席嘅江聽罷即一邊拭淚，一邊起身奪門離開法庭，其後穩定情緒後才重返法庭聽審。
Photo from 江若琳 IG
辯方大律師指江若琳比林小明受更大傷害
林小明表示自己都係受害者之一，自謠言出現後，公司都開過董事會討論處理方法，最後決定由林嘅前妻出聲明澄清。而答辯方大律師聽罷即指：「佢一個20歲女仔咁樣俾人誣捏，邊個受傷害大啲呀？你本身都離婚啦。」
Photo from 江若琳 IG
江若琳曾自覺「演藝界奴隸」，一度想輕生
江若琳嘅代表律師更透露，江喺2011年曾打算到石澳輕生，又打電話畀林小明控訴待遇不公，更指自己係「演藝界奴隸」，無收入，又被迫拍豐胸廣告，而林小明亦無妥善處理自己被誤傳為第三者嘅傳聞，嚴重影響其工作，又稱假如自己離世，林小明將會「一蚊都收唔到」。對此，林表示佢未曾聽過此番說話，但佢承認自己在2013年曾向江提議「借錢畀佢買樓」，並以此作2019年至2024年與江續約嘅條件。
Photo from 江若琳 IG
林小明堅持「出唱片」係江若琳決定
答辯方續提問林小明，在向江若琳收取唱片工作嘅相關費用前，有否先獲得江同意，林回應指，佢唔認為江事前不知情。林小明又認為，每日跟江若琳共事嘅經理人理應已跟江溝通好，並就此與公司建立信任。
Photo from 江若琳 微博
藝人要10年先走紅？！
答辯方再指出，江若琳與原告合約期為「10+5+5」，咁長係想防止佢離開公司。林小明不同意，並就自己經驗嚟講：「一個藝人要由零去到出名，至少都要10年，之後5年先開始有錢賺，所以係正常。」
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
