download HolidaySmart 假期日常 app
12個2021常用網絡潮語!好99/立flag/LM 唔識真係溝通唔到!

12個2021常用網絡潮語!好99/立flag/LM 唔識真係溝通唔到!

生活熱話
By Stephanie on 08 Oct 2021
Digital Content Writer

現今世代,唔少年輕人經常都會於討論區使用唔同嘅網絡用語,而呢啲網絡潮語亦轉換得十分快!2021年嘅新潮語大家又知道幾多個呢?而家就等我哋一齊嚟「惡補」一下啦~

而家嘅網絡用語非常多,大家對於2021嘅新潮語有幾多認識呢?Photo from TVB

1.走先啦,係咁先啦 下次再玩啦

由YouTube頻道「試當真」所推出嘅歌曲《係咁先啦》最近極高人氣!其中歌曲裡面嘅歌詞「走先啦,係咁先啦,下次再玩啦」就成為咗大家經常講嘅話,大多用於同其他人道別,並且要跟隨返歌曲本身嘅節奏講~

呢句潮語源於YouTube頻道「試當真」!Photo from ViuTV

「走先啦,係咁先啦 下次再玩啦」用於同朋友道別嘅時候~Photo from ViuTV

2. MM7

代表「正」嘅意思,源於「正」字嘅速成輸入法代碼。事源係因為MIRROR成員阿Jer(柳應廷)嘅粉絲不時喺留言區打「MM7」,後來阿Jer就幫粉絲解釋係因為想打字快啲先用~

「MM7」源於阿Jer@MIRROR嘅粉絲,代表「正」嘅意思!Photo from 阿Jer IG

3. 好99

解作「好可愛」、「好QQ」,源於Telegram。因為英文字母Q同數字9睇落十分相似,通常用於稱讚女仔或者小動物,並非貶義!

「好99」大多用作稱讚人哋好可愛!Photo from TVB

4. LM

代表「留名」,大多出現於討論區以及留言區!

「LM」係留名嘅意思,經常都會用於討論區!Photo from TVB

5. 幫緊你幫緊你

因為「的士司機遇上醉酒港女」而出現,不過呢句其實係源於電影《保持通話》。當其他人有求於你,而完全冇意思想理會對方時,就可以用呢句敷衍佢。

「幫緊你幫緊你」係敷衍對方嘅請求時會用到。Photo from TVB

6. 前夫

代表一班MIRROR粉絲「鏡粉」嘅男友或者老公們,源於FB Group「我老婆嫁咗比Mirror導致婚姻破裂關注組」。由於香港組合MIRROR人氣太高,成功攻陷一大班女粉絲嘅心,而粉絲們嘅另一半就立即地位急降~

「前夫」係代表一班MIRROR粉絲嘅另一半~Photo from MIRROR IG

7. 見字飲水

意思顧名思義就係提醒身邊嘅人多飲水,源於FB Group「見字飲水協會」。後來意思仲發展成「祝身體健康」、「關心你」等嘅意思,而唔少網民亦開始會利用「見字......」作其他用途。

「見字飲水」而家亦有關心你,希望你身體健康嘅意思!Photo from TVB

8. 打你咩

大多用於發洩氣憤嘅情感,係阿Dee@ERROR嘅口頭禪之一。而佢亦經常喺節目《ERROR自肥企画》使用,當佢憤怒而又唔可以講粗口時就會使用~

「打你咩」為阿DEE@ERROR口頭禪,用於發洩憤怒!Photo from 《ERROR自肥企画 》

9. 自肥

代表以不正當手段使自己從中獲利,中飽私囊!源於節目《ERROR自肥企画》,其中「自肥可恥但很有用」係經典對白!

「自肥」解作以不同方式為自己謀取福利。Photo from 《ERROR自肥企画 》

「自肥」一詞源於人氣節目《ERROR自肥企画 》。Photo from 《ERROR自肥企画 》

10. Siu4

係「笑死」嘅諧音,即係好好笑嘅意思。簡單易用,只要大家喺網上見到有趣嘅事就可以用~

「siu4」代表好好笑嘅意思。Photo from TVB

11. 立flag

代表某人講完一些東西之後,卻出現完全相反嘅事,例如:有人話聽日一定會打8號風球,不過並冇「願望成真」等。現時有唔少網民都會講同自己諗法完全唔同嘅嘢,並希望透過「立flag」嘅效應去達到自己嘅目的~

「立flag」現時代表某人講咗啲嘢,不過事件嘅結果同講嘅完全唔同!Photo from TVB

12. 鼓勵性質說話

用作解釋為「走數藉口」,源於林大輝曾經講過嘅言論。林大輝曾向乒乓球代表黃鎮廷表示「奧運有機會攞獎,我包你做業主」,後來林大輝中學嘅其中2名校友得獎後,佢就解釋當年所講嘅只係「鼓勵性質說話」~

「鼓勵性質說話」用作形容走數嘅藉口,源於林大輝所講嘅嘢。Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

12個最新網絡潮語2021 唔識你就Out喇!世一/CLS公司/知我咩料啦/Siu4到底點解?

31 May , 2021

潮語喺全世界都有唔同嘅差異。如果有一、兩個潮語旁身下身,恐難融入年輕人嘅世界。其實唔少潮語都係由日常生活衍生出嚟,而早前疫情期間時大家最熟悉嘅一定係「2盒thx」,當時仲出現咗佢嘅專屬 meme 圖添!但除咗依個之外,其他潮語如 Siu4、Simp、R.A.P.等等,你又知唔知呢?!今次有準備咗 12 個最新嘅網絡潮語畀大家,下次見到佢哋都唔會唔知人哋講咩喇~

#siu4

「siu4」其實係「笑死」嘅諧音,即係好好笑嘅意思,其用法都十分簡單,唔少人都鍾意以依個縮寫嚟表達好好笑。

#世一

「世一」其實係「世界第一」嘅縮寫,代表一個人或一件事喺你嘅心目心佢係最好嘅意思。

Photo from MIRROR/IG

#阿姨我不想努力了

「阿姨我不想努力了」就係「求包養」嘅暗號,依個暗號源自一個台灣男生喺網上認識咗一位阿姨,初時佢只係想 post 相提醒自己日後網上交友要小心,但後嚟就變成咗真的被「包養」,因此「阿姨我不想努力了」就有年輕男生或小鮮肉無心奮鬥,只想享受生活,願意放棄戀愛,以自己來換取生活富足之意。

Photo from 《向西聞記新春SP: 阿姨!我不想努力了!》

#R.A.P.

潮語「R.A.P.」並唔係饒舌嘅意思!依個潮語嘅係嚟自一位網民喺社交平台將「R.I.P.」打錯成「R.A.P.」,因而引伸出「抵死」之意。

#CLS公司

唔少潮語都係由港式拼音發展而成,就好似 CLS 就係由 Chi Lun Sin 依個港式拼音嘅縮寫組成,主要係用作形容比較「瘋狂」,「癲喪」嘅事件等。

Photo from ViuTV

#知我咩料啦!

依個係 ERROR 成員 193 嘅成名語錄,喺 ViuTV 嘅節目如《考有Feel》、《Error自肥企画》、《花姐error遊》中都經常出現,通常用嚟表達自己好威好勁。

Photo from ViuTV

#介紹返

「介紹返」相信唔少人都聽過,特別係喺大家 shopping 時,喺 sales 嘅口中就經常聽到,後嚟就被人同喺唔同場合嘅「萬能key」,只要有嘢想推銷或者推介畀人就可以用。

Photo from 《志明與春嬌》劇照

#中玄毒

「中玄毒」其實係源自《愛的迫降》依套韓劇,早前因為依套劇令唔少女性 FF 自己係玄太,甚至連夢中都同玄彬一齊,因此有網民就稱依個現象為「中玄毒」。

Photo from 《愛的迫降》

#NMSL

「NMSL」是「你媽死了」的普通話拼音縮寫,有咒罵別人之意,係網上罵戰無法反擊其他網民時候用嘅辱罵及取笑詞彙,有時亦有人會配搭「NMSL, WSND, HIYZ」一起使用,意思就是「你媽死了,我是你爹,回家養豬」。

#SIMP

Simp 係英文「Simpleton」嘅縮寫,雖然「Simpleton」係指頭腦簡單嘅人,但喺依度「Simp」就指一些人為心儀女神做過好多事,有求必應、任勞任怨嘅人,其實有啲同「兵」就意思相近。

Photo from 《Toy Story》

#Staycation

相信大家一定對「Staycation」一字唔會陌生。依個字由英文字「Stay」(停留)及「Vacation」(度假)組成,係疫情下衍生嘅潮語嚟。鍾意去旅行嘅簡港人因為疫情而冇得飛,只好留喺香港,而大家為咗可以放鬆心情,就選擇喺本地酒店或其他地方休閒度假,實行偽旅行,住吓酒店當出咗去旅行一樣。

Photo from 湯洛雯/IG

#WFHF

「WFHF」係 Work From Home Forever 嘅縮寫,早前疫情嚴重時唔少公司都實施在家工作,但喺疫情好轉時部分公司就有取消依個措施,反而推行可長期在家工作,讓員工自行選擇喺屋企定公司辦公。

Photo from Panasonic

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel