download HolidaySmart 假期日常 app
網民列出6項曖昧期NG行為! 斤斤計較/小動作多 好感度瞬間變負!

網民列出6項曖昧期NG行為! 斤斤計較/小動作多 好感度瞬間變負!

生活熱話
By Stephanie on 08 Oct 2021
Digital Content Writer

「曖昧讓人受盡委屈」!唔少情侶喺交往前都會經歷曖昧期:當中有人能夠成功攻陷對方嘅心;但亦有感情會因此而無疾而終。有網民就於討論區列出幾項曖昧對象令大家瞬間失去好感嘅行為,睇完就記得避開呢啲「地雷」喇~

網民於討論區列出6項曖昧對象NG行為!Photo from TVB

# 極多錯字

原來有唔少網民都表示「錯別字」係導致好感度大減嘅其中一個原因!網民分享自身經驗「明明好簡單嘅字,都可以全部寫錯,真係頂唔順」,亦有網民話曖昧對象好鍾意打英文,但就次次都串錯晒字,十分難頂!

網民表示如果對方錯別字太多,會令好感度大減!Photo from 連登討論區

網民講笑咁話見到對方錯別字多,會忍唔住想糾正佢!Photo from TVB

# 小動作多

相信大家生活上都一定有一啲小習慣,有網民就認為Un腳同食飯嘅時候「jep jep」聲就係最扣分嘅行為喇!由於呢兩樣習慣都會影響到旁人,而且當你喺公眾地方都咁樣做嘅時候,可能會令同行嘅對象感到尷尬。

 

無禮貌係唔少網民心目中嘅扣分位!Photo from 連登討論區

當對方小動作太大聲或者印象他人時,會令網民覺得尷尬!Photo from TVB

# 講嘢大聲 /無禮貌

有網民就話認為曖昧對象喺街道大聲講粗口,會令佢感到十分尷尬,而且講嘢太大聲亦會影響到其他人!有男網民就分享佢嘅「難忘」約會經歷,話女生喺睇戲嘅時候居然因為太興奮而跟住電影嘅歌曲大聲高歌,睇得激動嘅時候甚至會化身ABC不停講英文,令佢極度無奈。

無禮貌同大聲講嘢都會令對方即刻想終止約會!Photo from 連登討論區

有網民就分享同曖昧對象睇戲期間,對方無禮嘅行為導致佢好尷尬。Photo from 連登討論區

# 疑神疑鬼

正所謂「欲速則不達」,有網民就話曖昧對象因為陷入得太快,而令佢好有負擔感,曾經因為瞓著咗冇回覆對方,而收到千字文嘅訊息,仲屈佢玩弄感情!

網民指對方態度chur都有可能會成為敗筆!Photo from 連登討論區

有網民就話當對方喺曖昧期將就已經疑神疑鬼、控制欲太強嘅時候,好容易令人卻步!Photo from TVB

# 太斤斤計較

約會嘅洗費經常都係唔少情侶會吵架嘅原因,而有網民就表示曾經遇過曖昧對象十分計較,明明即使俾咗錢佢,都仲要經常詢問「俾返錢未」嘅問題,令佢感到不爽。而且好多網民都認為曖昧期間就已經咁斤斤計較,以後發展成情侶之後可能會因為對方小氣嘅性格,導致經常有爭吵!

網民指對方斤斤計較,會令人覺得佢好小氣!Photo from 連登討論區

網民明白AA制係正常,但當曖昧對象連一兩蚊都要計就會佢哋嚇親!Photo from TVB

# 儀容不整

人靠衣裝,好多時大家嘅第一印象都係非常重要嘅!有網民就認為就算外貌幾靚或者有型都好,如果俾人嘅感覺唔整潔或者太Hea,就會令對方覺得你並唔尊重兩人之間嘅約會!

網民覺得儀容係非常重要!Photo from 連登討論區

經過悉心打扮去約會,能夠令對方覺得你有尊重彼此!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

盤點網民分享6大追女NG行為! 太小器/訊息轟炸易惹女生反感?

21 Aug , 2021

男女有別,唔少男生喺追求女仔嘅時候,都可能採中地雷,但卻懵然不知!當中好多網民就曾經於討論區大方分享自己追女仔嘅尷尬事跡!而家就等我哋一齊睇下普遍男生喺愛情道路上會遇到啲咩挫折啦~

唔少男士都會主動出擊爭取愛情!Photo from TVB

轟炸式短訊攻擊

相信唔少男士喺追女仔嘅時候,主要都係用傳訊息去維繫彼此嘅關係。然而,當對方無意同你發展落去時,就會以非常慢嘅速度回覆你,甚至可能會選擇已讀不回!

 連登對話紀錄Photo from 連登討論區

最後已讀不回......Photo from 連登討論區

錯失時機

部份受歡迎嘅女仔可能同時間被幾位男士追求中,而呢個時候就非常考驗大家嘅「溝女」技巧喇!有網民就分享悲慘經歷,表示曾經喺追求女仔嘅過程中,被其他男生搶先一步,發現女仔已經名花有主,令佢感到非常可惜!

心儀女生被追走!Photo from 連登討論區

錯失良機!Photo from TVB

太遲鈍而錯過

有部份男士性格比較木訥,就算女仔俾晒Signal都未必能理解,反應較為遲鈍。有網民就分享自身經歷,話回想返同女仔出去約會時嘅狀況,先察覺到自己已經錯過咗令感情升溫嘅好機會,令佢哋後悔莫及!

接收唔到女生嘅signal....Photo from 連登討論區

錯過時機Photo from 連登討論區

超尷尬對話

同心儀對象交談時,唔少男士都會想利用講下笑話去哄對方開心,希望可以女方心目中留下深刻印象。有網民就分享自己嘗試追求女仔時嘅招式,但就令大家爆笑,相信一定會令對方留下好另類嘅印象~

超級冷嘅笑話......Photo from 連登討論區

搞爛gag?!Photo from 連登討論區

出街時出「意外」

同女仔約會一定係曖昧期間,能夠令感情迅速升溫嘅最好方法!然而,當男士們未能好好把握機會,就可能令呢段關係無疾而終。有網民就分享自己喺約會嘅時候大失策,竟然喺對方生日當日冇預備好,導致最終要女生請佢食飯!

太大意喇!Photo from 連登討論區

唔少男士約會前都會超緊張!Photo from TVB

追求手法太「進擊 」

雖然唔少女仔都鍾意男生主動出擊向佢哋表達愛意,但係當男生拿捏唔到分寸就會令女生感到非常負擔!網上就曾經流傳過一條非常經典嘅影片,片中男同學公然攞住花喺班房入面想女方示愛,並用mic大聲宣揚愛意,但就令女生非常尷尬!

網上流傳經典追女影片!Photo from 連登討論區

仲攞mic示愛!Photo from 連登討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel