
超治癒超夢幻!台灣南投「蟬說:鳳凰亭序」森林玻璃餐廳~彷彿身處童話中!
大家生活係都市之中,好少機會可以做到係深山祕境入面用餐!小編今日介紹嘅就係位於台灣南投鹿谷,海拔750~950公尺嘅台大鳳凰自然教育園區嘅玻璃霧屋餐廳啦,餐廳叫做「蟬說:鳳凰亭序」!以為童話故事入面先會有嘅「霧屋」,原來現實生活中都有呀!!
餐廳喺森林入面,園區入面擁有多種唔同植物林木,餐廳喺主要由木建造而成~~
餐廳四周都喺超大嘅落地玻璃,又俾周圍嘅樹木包圍住,餐廳裏面都可以直接睇到出面大自然嘅環境!
分享的帖子 ·
係超靚嘅玻璃霧屋餐廳食飯,身處大自然~一邊用餐,一邊欣賞四周嘅森林~俾人一種療癒又舒適嘅感覺!
咁點解會叫「霧屋」呢~清晨時分,經常有薄霧瀰漫,成座玻璃屋就俾薄霧籠罩住,出面睇落去就好似起仙境咁啊~
餐廳喺採用Buffet自助餐,雖比不上飯店咁多樣,但喺亦都有將近三十道無國界嘅創意料理!多數都喺使用當地小農同埋當季蔬果作為食材架~
呢間餐廳主要喺用少油,健康嘅方式來進行烹調,咁樣食客先食得到食物嘅原味~
係霧屋用餐,每個時刻都有唔同嘅美感架~而且食完飯之後,亦都可以係蕨類步道漫步,觀賞櫻花隧道與茶花園等,享受自然~
店名:蟬說:鳳凰亭序
電話:049-2755990
地址:南投縣鹿谷鄉鳳凰村仁義路1號
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic. com,直接將資料傳比小編)
*本文章的圖片均經其本人或其公司授權,其他媒體不得轉載