張玉珊坐擁3億身家 ?！ 昔日當紅花旦 成功轉型做女強人

張玉珊（Shirley ）事業女強人嘅形象深入民心，過去佢曾經係修身堂嘅主席，現時就經常往返內地工作，據悉係「工作狂」嘅佢身家已經達到$3億！近日，佢就出席藝術家馬興文嘅展覽，平時就非常用心保養自己嘅佢，獲網民大讚保養得宜～

Photo from 張玉珊IG

#經常大晒保養心得

現年46歲嘅張玉珊（Shirley ）經常都會喺IG大方分享自己嘅保養以及打扮心得，非常用心保養自己嘅美貌以及身材。雖然佢已經淡出娛樂圈多時，不過就因為擔任節目《諸朋好友》嘅嘉賓而再次引起觀眾關注！

Photo from 張玉珊IG

Photo from 張玉珊IG

#獲網民大讚保養得宜！

最近張玉珊就出席藝術家馬興文嘅展覽，並合照留念。只見照片中，佢嘅樣貌同以前並冇太大嘅分別，仲好容光煥發，而且經常做運動嘅佢身材亦好fit。雖然佢曾經話過唔太鍾意大家講佢嘅年齡，不過保養得咁好，令唔少網民都大讚佢係「凍齡美女」！

Photo from 馬興文微博

#年紀輕輕就入行！

張玉珊15歲嘅時候獲星探發掘而入行，後來做歌手並接拍電視劇，當中最為人熟悉嘅就係同向華勝嘅一段情。但佢25歲嘅時候就毅然退出娛樂圈，並創辦修身堂，直到2003年公司正式上市，而當時28歲嘅佢就成為最年輕嘅上市公司主席！

Photo from 張玉珊IG

#生意十分順利！

張玉珊曾於節目表示自己用港幣$8,800創立自己嘅公司嘅時候，仲話自己當年決定自己開公司做生意嘅時候，被當時嘅男友向華勝質疑，認為佢年紀太輕缺乏經驗。後來等生意上咗軌道，佢就手持2袋50萬嘅現金返屋企，令男友感到十分震驚！不過兩人已經於2006年結束8年情。

Photo from 《諸朋好友》

Photo from 《諸朋好友》

#超有商業頭腦！

不過性格倔強嘅張玉珊就更加用心打理生意，樣樣都親力親為，並成功憑自己嘅努力以及商業頭腦將生意搞得有聲有色！據悉，佢公司2005年嘅時候已經市值$4.5億，而佢現時已經將公司轉讓，仲經常往返內地工作，果然係事業型女性啊～

Photo from 張玉珊IG

Photo from 張玉珊IG

#傳身家已經達$3億！

有傳，張玉珊而家嘅身家已經至少達到$3億，並居住喺豪華海景豪宅，仲買下屋企對面嘅單位做獨立衣帽間，十分豪華！不過早前佢就喺節目表示感情方面依然未有著落，不過就抱持住順其自然嘅「佛系」心態。

Photo from 張玉珊IG

相關文章：何艷娟離婚收3億贍養費！被爆與百億身家富商交往？豪晒名牌手袋顯身價

相關文章：林盛斌Bob被爆一年賺$2000萬！由電台Sales變隱形富豪！身家達半億住3層獨立豪宅

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

41歲方力申21年嚟首次畀錢剪頭髮！保守估計慳超過50萬！真身係身家過億隱形富豪？！

13 Aug, 2021

方力申早前出發去日本東京採訪奧運會，奧運閉幕後佢繼續留喺當地，因為回港後需要隔離，所以佢喺東京剪髮，佢更表示係21年嚟第一次畀錢剪髮，估計咁多年慳埋有50幾萬！

Photo from 方力申IG

採訪完奧運嘅方力申留喺東京四出行街食飯，仲將美食照post上IG Story，令唔少因為疫情好耐無去過旅行嘅網友大感羨慕！

Photo from 方力申IG

Photo from 方力申IG

Photo from 方力申IG

除咗食好嘢佢都有日日去泳池游水，今次奧運佢作為香港游泳隊嘅「大師兄」採訪運動員表現備受讚賞，喺何詩蓓奪得銀牌時更激動落淚！

Photo from 方力申IG

Photo from 方力申IG

Photo from 方力申IG

Photo from 方力申IG

去咗東京一段時間嘅方力申頭髮開始長，不過考慮到佢返香港後仍要隔離，於是決定喺日本剪頭髮，佢又指今次係佢21年嚟第一次畀錢剪髮。

Photo from 方力申IG

方力申解釋多年嚟喺香港佢都有贊助嘅髮型師為佢安排髮型，佢又表示「御用」髮型師個Level普通剪個髮都要千幾蚊，所以佢咁多年唔使畀錢剪髮，保守估計應該慳咗50幾萬，夠買返架靚車。

Photo from 方力申IG

佢指驚返到香港會被御用髮型師鬧：「因為如果個頭郁過，佢都會知！」

Photo from 方力申IG

其實入行超過20年嘅方力申身家唔少，有指佢係隱型富豪。方力申有收藏名畫嘅愛好，佢爸爸方毓仁就曾大爆兒子喺2005年開始收藏第一幅名畫，至今已珍藏過百件，價值高達幾千萬。

Photo from 方力申IG

佢同細佬方圓明2019～2020馬季開始喺香港賽馬會成為馬主，佢名下賽駒「將俠」，身價為$600萬！加上方力申於幾年前豪擲數千萬購入豪宅，估計身家過億，係城中隱形荀盤！

Photo from 方力申IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章