download HolidaySmart 假期日常 app
【魷魚遊戲】孔劉客串原因曝光!因為可啪啪李政宰?!熱潮直捲美國校園

【魷魚遊戲】孔劉客串原因曝光!因為可啪啪李政宰?!熱潮直捲美國校園

娛樂新聞
By Cheryl on 11 Oct 2021
Digital Editor

Netflix原創韓劇《魷魚遊戲》有多位巨星參演,除咗有影帝李政宰李秉憲等人外,更有孔劉客串,可謂星光熠熠。近日有報道爆孔劉嘅參演原因,竟然係因為可給李政宰賞巴掌?!劇集自播映以來掀起全球熱話,美國更有校警同學生大玩「123木頭人」!

《魷魚遊戲》不論劇情、主演及客串演員都引起熱話!Photo from Netflix

《魷魚遊戲》不論劇情、演員都風靡全球

《魷魚遊戲》自播出以嚟風靡全球,更稱霸了Netflix 83國排行榜。劇集除咗引起歐美網民熱議外,其主要演員李政宰、朴海秀、鄭浩妍、魏河俊更會亮相美國清談節目《The Tonight Show starring Jimmy Fallon》,可見其人氣爆燈。

劇中主要演員李政宰、朴海秀、鄭浩妍等人都會亮相《The Tonight Show starring Jimmy Fallon》Photo from Netflix

劇中一班演員人氣都極速攀升,例如飾演脫北者玩家「姜曉」嘅鄭浩妍IG粉絲人數從50萬狂升至1400萬以上,男一李政宰與男二朴海秀更首次開通IG帳戶,追蹤者人數於首天已突破100萬人。

劇集播出成功後李政宰首次開通IG,鄭浩妍IG粉絲人數極速飆升Photo from 李政宰 IG

朴海秀同樣都係首次開通IGPhoto from 李政宰 IG

孔劉客串《魷魚遊戲》原因曝光,因為可啪啪李政宰?!

除了主要演員,有份客串嘅男神孔劉同樣引起劇迷關注。劇中,孔劉飾演邀請李政宰玩打畫片,並推銷佢加入遊戲嘅神秘西裝男,孔劉告知李政宰只要在畫片挑戰中勝出就能獲得獎金,即使輸咗都唔緊要,只要被打一巴掌便行。

孔劉角色於《魷魚遊戲》出現時間不長但已引嚟好多討論及猜測Photo from Netflix

雖然內地網民未能從正式渠道收看《魷魚遊戲》,但仍無阻「孔劉客串為了扇李政宰耳光」在近日登上微博熱搜。據報道指,當初劇集邀請孔劉參演時,孔劉因工作行程滿檔而拒絕邀約,但當佢知道可以賞大前輩李政宰一巴後,便立即調整行程接拍。搞笑原因曝光後,網民都笑言孔劉真係好識把握機會。

孔劉客串《魷魚遊戲》原因原來係因為可以掌摑大前輩李政宰?!Photo from Netflix

 孔劉於《魷魚遊戲》中飾演邀請主角李政宰加入遊戲嘅神秘角色Photo from Netflix

美國校園都瘋玩《魷魚遊戲》

《魷魚遊戲》唔只在網上引起熱烈討論,就連現實世界都一樣。近日,美國一名網民喺國際版抖音Tiktok上傳一條短片,片中字幕表示:「點解我哋嘅駐校警察喺度陪我哋玩『魷魚遊戲』?」

有美國校園警察都同學生大玩《魷魚遊戲》中嘅經典關卡「123木頭人」Photo from TikTok @eden_luv

影片顯示美國一間學校正在玩劇集第1集中出現嘅遊戲「123木頭人」(木槿花開了)。片中可見一名校園警察正透過警車旁嘅擴音器突然播放「123木頭人」中機械女童嘅詭異對白:「無窮花(木槿花)盛開了」,對白完結一刻,街上一班學生都立即停下腳步,忍住笑咁你眼望我眼。

語音播放完畢,學生真係停低腳步Photo from TikTok @eden_luv

短片引嚟熱議,有網民笑言片中有同學郁咗,應該要被射低,仲有不少網民表示好想加入,希望自己嗰邊都可以咁玩。

不少網民都話想一齊玩~Photo from TikTok @eden_luv

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel