download HolidaySmart 假期日常 app
56歲婦人下嫁30歲農村男引起熱議! 女方擁有3座物業 渴望為男家添男丁!

56歲婦人下嫁30歲農村男引起熱議! 女方擁有3座物業 渴望為男家添男丁!

生活熱話
By Stephanie on 11 Oct 2021
Digital Content Writer

唔少人都認為「愛係不受年齡限制」,只要彼此相愛就可以!最近,內地有位56歲嘅婦人同30歲男友登記結婚,仲表示為咗願意為咗對方用盡唔同嘅方法嘗試生小朋友,令唔少網民表示震驚!

內地一對「母子戀」最近修成正果,並令網民大吃一驚!Photo from 小魏家的希望@YouTube

#內地相差26歲「母子戀」

最近,56歲嘅內地婦人就表示同30歲嘅男友登記結婚,引發內地網民嘅熱烈討論!30歲嘅魏先生出生於河南嘅一個農村,自小家境就比較貧窮,父母一直以來都係依靠農地種植維生。而佢其中一隻手只有兩隻手指,導致更加難繼承父母嘅職業,所有只能擔任後備保安。而魏先生就毅然決定離鄉別井,前往成都隻身發展新事業,成為一位旅遊blogger!

30歲嘅魏先生隻身前往成都發展,並認識56歲嘅英子!Photo from 小魏家的希望@YouTube

魏先生家境比較貧困,家裡主要以農業維生!Photo from 小魏家的希望@YouTube

#認識女方後開始收入增加?!

而魏先生初上載嘅影片都賺唔到錢,直到係因緣際會之下認識咗56歲嘅英子,佢嘅人氣先開始慢慢累積,而收入亦隨之而開始增加。英子表示自己曾經有過一段婚姻,女兒同魏先生嘅年紀相仿,所以當初都係將對方係朋友,並配合佢一齊拍攝影片,一齊賺錢!

英子曾經因為送咗一隻手錶俾魏先生,而導致被網民責怪!Photo from 小魏家的希望@YouTube

英子欣賞對方夠善良,所以決定幫手拍攝影片!Photo from 微博

#兩人日久生情!

英子本身就已經擁有3套物業,可以話下半生係衣食無憂。佢會答應同魏先生拍攝係因為覺得對方十分老實,認為佢賺錢辛苦,所以希望盡自己所能佢幫助佢。不過,隨住兩人嘅相處時間逐漸變多,佢哋就開始擦出愛火花,而魏先生仲三番四次向英子表達愛意,最終成功打動女方嘅心!

英子已經擁有3座物業,同魏先生相比家境算係相當唔錯!Photo from 小魏家的希望@YouTube

兩人因為朝夕相對而擦出愛火,男方多次表白令英子深受感動!Photo from 小魏家的希望@YouTube

#女方家人不能接受!

由於兩人經常都以情侶名義一齊拍片,而且不時表現態度親暱,令唔少網民都只係覺得佢哋係想以相差26年嘅「母子戀」去博取點擊率。直到有次兩人光明正大於直播中正式宣佈戀人關係,網民都依然抱持住唔太相信嘅態度,而英子嘅女兒知道後就表示不能接受!

兩人於一次直播中公開戀情,但唔少網民都並唔相信佢哋!Photo from 小魏家的希望@YouTube

英子嘅女兒不能接受母親同小26年嘅男友交往!Photo from 小魏家的希望@YouTube

#男家渴望有男丁!

最近,呢對「母子戀」仲正式登記結婚,令唔少網民感到驚嚇!而同英子嘅女兒唔同,魏先生嘅父母非常支持兩人嘅戀情。不過由於魏先生嘅家族已經連續三代單傳,因此十分渴望佢哋兩夫婦可以為家族添一位男丁,而英子得知後亦就周圍搵醫生,希望自己能夠完成魏家嘅心願!

英子與魏先生最近正式登記結婚!Photo from 微博

男方家人希望兩夫婦可以為家族添男丁!Photo from 小魏家的希望@YouTube

#內地網民反應兩極!

內地網民見到報導後反應兩極:部份網民認為兩人嘅感情經得起考驗,絕對係真愛;但依然有部份網民認為兩人嘅年齡真係相差太遠,令人難以接受,而且有網民強烈建議呢對夫婦唔好生小朋友,以免感情出問題時會連累小朋友!

內地網民對於「母子戀」持兩極意見!Photo from 微博

有部份網民認為兩夫婦不應該生小朋友!Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

28歲男戀上65歲大媽! 曾於節目公開示愛:不想再叫她阿姨了

27 Sep , 2021

大家成日都話「愛情嘅威力十分強大」,只要兩人相戀就可以一齊衝破難關~內地有位28歲男生就愛上65歲嘅婆婆,仲表示唔介意大家嘅目光,並於節目中公開向佢表白,呢段忘年戀引起網民關注。佢仲為咗愛人而專程染咗一頭白髮,希望可以令兩人睇落更加合襯!

內地有一對年齡相差37歲嘅情侶,但兩人感情羨煞旁人!Photo from 《現在就告白》

#內地相差37年情侶!

現今越來越多姐弟戀嘅情侶,不過相差超過30年嘅情侶就應該比較少見喇!內地有位男生喺28歲嗰年遇上65歲嘅婦人,仲因此而墮入愛河,兩人雖然相差足足37年,但依然無阻男方追求愛人嘅決心!

男方28歲時遇上令佢想托付終身嘅對象,不過女方年紀比佢大37年!Photo from 微博

#男方失戀令兩人意外結緣!

喺2018年,28歲嘅男方「柱子」就於內地綜藝節目公然向65歲嘅婦人芹大媽表白,希望挽回感情!據悉,兩人係意外相識,出生於農村嘅柱子剛剛因為未能答允前女友家人嘅巨額禮金,而決定分手。

柱子表示當時因為失戀心情低落,好彩遇到芹大媽將佢救返!Photo from 《現在就告白》

柱子被芹大媽嘅溫柔以及體貼性格所吸引!Photo from 《現在就告白》

#受女方溫柔性格所吸引?!

失戀後嘅柱子就遭遇人生低潮期,不過幸好獲得芹大媽嘅開解,令佢成功從低谷走返出嚟「她給了我別的同齡女生給不了的溫暖和快樂」,形容芹大媽亦係佢嘅救命恩人!後來,兩人就因為每天傳短訊而變得熟絡,繼而發展成情侶。

柱子講述與女友相戀嘅經過!Photo from 《現在就告白》

芹大媽於節目中承認自己依然喜歡柱子!Photo from 《現在就告白》

#曾於節目公開表白愛意!

而男方仲曾經上內地綜藝節目《現在就告白》公開咁同大家講述兩人嘅愛情故事,喺節目中表示希望挽回女友!當時佢喺節目表示芹大媽離家出走,所以希望借助節目嘅力量幫佢搵返女友;而節目組亦成功將芹大媽搵到,等兩人可以好好傾談下。

 柱子因為未能尋回女友,而於借助節目嘅力量向女友告白!Photo from 《現在就告白》

芹大媽因為不想拖累男友而決定離開!Photo from 《現在就告白》

#男生專程為女生染一頭白髮!

柱子明白女友嘅擔憂,覺得兩人因為年紀差距而不適合,所以佢就專登將頭髮染成白色,希望兩人睇落更加合襯!佢哋嘅愛情路十分崎嶇,芹大媽就因為飽受壓力而4度離家出走,但每次都俾柱子成功搵返並浪漫表白「我一定要把她找回,這輩子我就認定她了!」

柱子將頭髮染成白色,希望可以令自己外型上同女友更加合襯!Photo from 《現在就告白》

芹大媽因為年齡差距,而4度離家出走!Photo from 《現在就告白》

#芹大媽受男友心意打動!

不過,芹大媽於節目中表示男方嘅父母都年紀比佢細,令佢十分難堪,不過估唔到柱子嘅母親就竟然十分支持兩人嘅戀情,仲好快就將房間收拾好俾兩人用作新婚房!最終,芹大媽都係受柱子堅定嘅心意所打動,決定同男友和好並且步入婚姻。

芹大媽被柱子嘅告白所感動到,決定繼續同佢拍拖!Photo from 《現在就告白》

柱子向女友暖心告白,表示願意陪伴佢度過餘生!Photo from 《現在就告白》

#兩人近況更新!

時隔接近3年嘅時間,有內地傳媒就去打探兩人嘅近況,佢哋感情依然甜蜜,而柱子已經向芹大媽求婚!而柱子仲話唔介意冇小朋友,只想同妻子共度餘生,仲話而家好比心機賺錢養家,希望兩人嘅生活得以改善~

柱子同芹大媽嘅感情都受到身邊家人嘅祝福!Photo from 微博

柱子同芹大媽依然感情甜蜜!Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel