download HolidaySmart 假期日常 app
港女自行花錢購買新iPhone 因為$500 激嬲男友被罵敗家?

港女自行花錢購買新iPhone 因為$500 激嬲男友被罵敗家?

生活熱話
By Stephanie on 12 Oct 2021
Digital Content Writer

情侶之間難免會因為價值觀以及生活習慣唔同,而容易發生矛盾!最近,有位港女就於討論區大呻因為自己花錢買咗新電話,而激嬲男友被罵「敗家」,令港女感到十分委屈!

港女因購買新電話而被男友話拜金?!Photo from TVB

#港女同男友消費習慣唔同!

情侶之間互相磨合係相處中最困難嘅一步,其中唔少人都可能會因為同另一半有截然不同嘅消費習慣,而導致有爭執!日前,有位港女就遇到類似情況,並於討論區以「我用自己錢買野男朋友都要話我敗家」為題開post。

港女自費買新iPhone卻激嬲男友?!Photo from 香港討論區

#港女打算用消費券買新iPhone!

港女表示自己就一直都打算利用2期嘅消費券去購買新iPhone,可惜當佢打算佢門市買嘅時候,店員居然同佢講暫時未有現貨,所以佢就打算回家再喺官網上面預訂新電話。

港女發現專門店冇現貨,打算上網預約!Photo from TVB

#多花$500蚊購買電話!

然而,港女當晚同朋友食飯之後,就經過一間電器舖發現有iPhone現貨,不過價錢就比門市貴$500!由於佢認為價錢相差並唔係好多,所以佢當下就立刻決定咗要買電話!

港女見電器舖門市有現貨,就立刻用比原價貴500蚊嘅價錢購買電話!Photo from TVB

#被男友責罵敗家!

港女買完電話後,就好興奮咁同男友開心share呢個「好消息」。不過唔知係咪因為男友剛剛轉新工太大壓力,竟然換來男友嘅責怪「點解要咁敗家,唔用返正價喺專門店訂機,仲要花貴啲嘅錢去購買新電話啊」,令港女嚇咗一跳!

男友知道港女花多500蚊買電話後,十分生氣!Photo from TVB

#港女感委屈

港女就覺得十分委屈,認為係花費自己嘅金錢購買,自己亦冇打算要求男友「資助」購買新電話嘅費用,唔明白男友點解要咁緊張!再加上,佢解釋其實喺電器舖買嘅時候都有扣除信用卡積分,所以都只係支付咗比正價貴好少嘅情況下購買。

港女十分唔理解男友諗法,認為佢反應太大!Photo from TVB

#網民反應兩極

唔少網民睇完嗰post後,都有唔同嘅睇法!部份網民認為港女並冇錯,只要經過自己經濟上負擔得起就完全冇問題;亦有網民認為男友好明顯係控制欲十分強嘅人,認為佢過分管束港女,建議港女好好諗清楚兩人係咪真係適合!

有網民認為港女自費買電話,買貴咗都只係佢自己承擔,並冇做錯!Photo from 香港討論區

網民仲認為由此可見男友嘅性格比較大男人,控制欲亦非常強!Photo from TVB

#部份網民撐男友!

另一方面,有網民就認為男友亦並非冇道理,認為花費多$500蚊只係為咗盡快用到新電話並唔值得。網民仲話估計港女平時應該都係消費得唔精明,先會搞到男友今次咁嬲!

有網民就認同男友講法,覺得港女非常大洗!Photo from 香港討論區

網民認為男友係一位精明嘅消費者,只不過係心疼港女花多咗錢購買手機!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

男友失業2年多自稱自修 有賭癮+拒絕見工機會 港女仍不捨放棄!

11 Oct , 2021

有情真係飲水飽?最近,一名女網民到網上討論區表示,佢讀室內設計嘅男友失業兩年多,多番鼓勵佢搵工都無效,男方甚至有賭癮,但對事主好好,故令佢非常頭痕,遂向網友詢問意見。

有港女 上網無奈表示男友失業2年多不願返工Photo from 原諒他77次

男友失業2年多自稱自修

近日,一名港女到連登討論區發文,稱其男友畢業於室內設計系,Grad後只返過兩個多月全職,辭職理由為上司太惡頂。喺失業至今嘅兩年多期間,男方稱因為佢嘅行業需求高,「一埋位就做,唔識多啲野就會被人鬧又無人教」,故指自己不斷自修以擴闊視野。

男方稱室內設計行業需求高,故此自修2年多Photo from TVB

女事主表示已經同男友傾談多次,而男方都開始感到厭煩,每次答覆都聲稱自己準備搵工,卻遲遲未開始Send CV。女事主見到咁嘅情況,曾建議對方進修,總比日日留家好,惟男方指「無嘢好再讀,要靠自己睇多啲。」

男方被女事主勸喻多次後開始咁煩厭Photo from TVB

男方連兼職都唔願返,仲會賭錢

女事主坦言男友對自己好好,雖然無乜錢,但都願意花錢請下自己食嘢。女事主對此大感無力,故問網友意見。有網民講述自己經歷,話前任情況都同事主男友相似,佢有做Freelance,但一個月只有數千元收入,即使不斷被勸喻都唔肯返全職,導致最後分手。女事主則回應稱自己男友連兼職都唔願做,莫講Freelance。

事主男友嫌出面上司要求高,亦唔肯返FreelancePhoto from 男人唔可以窮

事主表示男友連freelance pt都不願做Photo from 連登討論區 評論

之後,有網民對於事主男友可以只靠兩個月全職嘅人工支撐起往後兩年嘅生活費表示讚歎,更將佢形容為「理財大師」。對此,女事主透露其實佢男友有賭博習慣,「小賭,但都幾沉迷」,仲會向朋友借錢。有網民則無奈笑指,原來「自修」兩年係鑽研賭波。

事主透露男友有賭癮Photo from 連登討論區 評論

網民串男方所講嘅「自修」其實係鑽研賭波Photo from 連登討論區 評論

港女為男友護航

有網民不解為何女事主仍跟對方一起,佢回應大讚男友性格好、孝順,除左賭都無乜不良嗜好,故此唔想放棄佢,又指對方辭職後遇到家人需要照顧才無返工,「但拖下拖下就2年。」

女事主仍大讚男友性格好Photo from 連登討論區 評論

有朋友介紹都唔去面試

事主又指,男友嘅朋友曾借錢畀佢,再叫男方到其公司面試,可惜男方都拒絕。有網民見此便直指事主男友好「阻埞」,「工又唔返、又唔係有錢、又唔係進修、仲要係賭仔一個,仲要去到問人借錢都唔返工。」

事主男友拒絕見工機會,被網民直指「阻埞」Photo from 連登討論區 評論

網民認為要忍痛分手,激發男友上進

對此,有網民認為要事主男友發奮嘅話,事主便需要利用分手嚟刺激佢變得上進,不過咁做嘅話,男友將來好可能會嬲左當日放棄自己嘅事主。另有網民指:「除非你肯養佢一世再比錢佢賭,唔係早啲走算啦。」

有網民認為事主想改善情況就要忍痛分手Photo from 男人唔可以窮

有網民建議事主用分手激發男友變得上進Photo from 連登討論區 評論

有網民認為繼續同男方一齊只會浪費時間金錢,認為事主應分手處理Photo from 連登討論區 評論

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel