「10大變老跡象」掀網友熱議！證明已唔再後生！唔捱得夜/行街行唔到全日/開始注重養生

80、90後都步入中年，年紀變大有唔少時刻都提醒自己已經唔再年輕。近日喺連登討論區就有網友發文細數「變老跡象」，呢啲初老特徵引起唔少網友嘅共鳴！

Photo from TVB

1. 皮膚開始鬆弛

年紀變大，肌膚亦難掩歲月痕跡，唔少網友都表示面部嘅肌肉、皮膚都再無昔日滿滿嘅骨膠原，開始漸漸變得鬆馳，現出細紋，包括蘋果肌唔再飽滿、眼尾額頭出現細紋、法令紋變深等。

2. 唔捱得夜

以前通宵煲劇、做deadline fighter、唱k應該有唔少80、90後試過，但依家唔再後生，去到凌晨2、3點已經十分眼瞓，忍唔住上床，好難再玩通宵。

Photo from TVB

3. 運動後需要嘅休息時間變長

以前做運動之後第二日雖然好攰，但通常攰一、兩日就無事，依家步入20中，運動過後攰嘅感覺揮之不去，即使做返同樣嘅運動量，可能要抖返10日以上先得。

Photo from 《神秘家族》

4. 甩頭髮

髮線後移其實唔係淨係男士嘅煩惱，甩頭髮同樣困擾唔少女性。尤其係洗頭、吹頭後見到成地都係頭髮，亦明顯感受到髮量變少。

Photo from 《太陽的後裔》

5. 放假想留喺屋企休息多過出街

以前後生周末、假期都會約男女朋友出街，但年紀越大，放假就越想留喺屋企抖下算。放工都只想即刻返屋企，即使出街都行唔到全日，行一、兩個鐘就已經覺得好攰。

Photo from TVB

Photo from 《鏡子森林》

6. 填表嗰時發覺就嚟唔可以再喺年齡一欄剔25～29

以往申請表上要填年齡，由「18～24」，轉到剔「25～29」，但到20歲尾就驚覺好快就唔再係「2字頭」嘅一員！

Photo from HolidaySmart

7. 開始注重養生

其實呢個未必係年紀大先會做，好多年輕人10幾歲已經會重視飲食，調理身體。不過年紀變大咗，會越發關心自己嘅健康狀況，注重多飲熱飲、少食生冷食物等養生之道。

Photo from 《男朋友》

8. 越嚟越重視金錢

細個未必對金錢有咩觀念，有網友表示人大咗越嚟越在乎錢，唔止覺得份人工唔夠使，又會著緊要儲錢，就算人工加咗都覺得好快用晒，開始提醒自己要有足夠嘅積蓄。

Photo from 《金錢戰爭》

9. 身邊嘅同事年紀都比自己細

以前社會主流會用「80後」、「90後」呢啲用詞，但最近已經少好多。身邊嘅公司同事多數都細過自己，連當紅嘅偶像年紀亦細一大截。

Photo from 《我要準時下班》

10.失去初心，對好多事都無晒熱情

網友認為失去赤子之心係變老嘅最大特徵，對好多嘢都無晒熱誠，做咩都提唔起勁，唔再熱衷於打機、睇電影、做運動呢啲興趣。

Photo from 《畢業季》

相關文章：港女素顏出門被男友嫌棄！指佢衣著求其「可唔可以似返個女人」！港女感受傷

相關文章：港男瞞女友移情別戀上海女！稱女友「港女性格」、上海妹係荀盤「真係好識做」！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

可以光明正大Hea做喇！研究：工作愈認真，愈容易變肥 唔專心、吃得快都有關

5 Oct 2018

唔少上班族都會為變肥而困擾，因為就算你每日冇暴飲暴食，但體重依然會一直上升。原來呢個唔係你嘅錯覺嚟，之前英國就有研究證實：「愈認真工作，愈容易變肥」，特別係長期坐office嘅上班族呀！

Photo from Pinterest

一般上班族為咗有更多時間做嘢，會選擇邊食飯邊做，不過咁樣嘅生活習慣其實係造成變胖嘅最主要關鍵。因為關鍵就在於你唔專心飲食、吃得快，令大腦反而不知不覺攝取過多熱量。

Photo from Pinterest

英國布里斯托大學（University of Bristol）嘅實驗心理學研究員Rose E. Oldham Cooper就為此搵嚟44位參與者，分成兩組進行實驗，一組專心食飯，而另一組就邊玩邊食。

Photo from Pinterest

得出嘅結果顯示，專心食飯嘅人比邊玩邊食嘅人食得少，因為一邊玩一邊食會令人注意力分散，所以就會不自覺地食多咗。甚至事後再問佢哋食咗咩，佢哋都要諗一諗先答到。

Photo from Pinterest

依個證明咗我們喺返工時，錯誤嘅飲食方式會令我哋不知不覺變胖，加上工作壓力，習慣食零食舒壓，以減輕心理負擔，從而增加身體重量。

Photo from Pinterest

另外，好多上班族每天都會坐6小時以上，引致缺乏運動、脂肪堆積、血液循環不良等問題～

Photo from Pinterest

所以大家做嘢都係唔好太認真喇，坐一陣子就要起來行吓，放鬆吓心靈和身體呀！

來源

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）