【魷魚遊戲】韓美女212號現實留直髮氣質大不同！IG follower暴升近5000倍！
Netflix《魷魚遊戲》喺全球爆紅，除咗主角李政宰、演脫北者「姜曉」嘅鄭好娟（鄭浩妍）外，其他生存遊戲參加者IG follower亦極速上升。212號韓美女喺劇中飾演「惡女」，演員金姝怜（김주령音譯）現實生活氣質與劇中韓美女截然不同。
Photo from 金姝怜 IG
《魷魚遊戲》韓美女由金姝怜飾演
韓美女喺劇中一頭標誌性嘅長曲髮令人留下深刻印象，韓美女係典型嘅牆頭草，但原來佢現實生活同《魷魚遊戲》完全唔同。
Photo from 金姝怜 IG
韓美女由韓國女演員金姝怜（김주령音譯）飾演，喺《魷魚遊戲》之前演過好多電視劇如《天空之城》、《陽光先生》等，佢同《魷魚遊戲》嘅導演黃東赫曾經合作過電影《熔爐》。而金姝怜亦坦言佢並未試鏡就獲安排飾演「韓美女」呢個角色。
Photo from 金姝怜 IG
金姝怜真人勁有氣質，同《魷魚遊戲》韓美女勁唔同
金姝怜真人氣質同韓美女完全唔同，無長曲髮，而係留中直髮，從IG睇佢嘅日常照，佢係一個優雅、高貴嘅女性。佢透露有收到fans inbox大讚佢「真人都係美女」，令佢非常高興。
Photo from 金姝怜 IG
Photo from 金姝怜 IG
自《魷魚遊戲》爆紅後，一眾主演嘅IG follower都有所上升，金姝怜都唔例外，佢IG follower由原本嘅400人急升至193萬，而且仲持續上升緊。
Photo from 金姝怜 IG
《魷魚遊戲》韓美女嘅真實年齡
金姝怜原來同《Running Man》金鐘國、舒淇、林心如、大S等明星同齡，都係1976年出生，今年45歲。
Photo from 金姝怜 IG
《魷魚遊戲》「001老伯」吳一男疑似開咗IG？
講到IG，「001老伯」吳一男近日亦疑似開咗IG？！一星期即突破6萬人follow，但其後呢個ac即澄清只係fans page。雖然76歲嘅吳永秀無開到IG，但其他主演嘅個人IG都吸引咗好多觀眾follow！
Photo from 《魷魚遊戲》
《魷魚遊戲》8大主演嘅個人IG！
男主「成奇勳」李政宰IG：@from_jjlee
Photo from 李政宰 IG
「曹尚佑」朴海秀IG：@haesoopark_official
Photo from 朴海秀IG
「姜曉」鄭好娟（鄭浩妍）IG：@hoooooyeony
Photo from 鄭好娟（鄭浩妍）IG
「黃俊昊」魏河俊（魏嘏儁）IG：@wi__wi__wi
Photo from 魏河俊（魏嘏儁）IG
「張德秀」許成泰IG：@heosungtae
Photo from 許成泰IG
「韓美女」金姝怜IG：@kimjooryoung
Photo from 金姝怜 IG
「阿里·阿卜杜勒」崔帕西·阿努潘IG：@sangipaiya
Photo from 崔帕西·阿努潘IG
「智英」李瑜美IG：@leeyoum262
Photo from 李瑜美IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
【魷魚遊戲】孔劉客串原因曝光！因為可啪啪李政宰？！熱潮直捲美國校園
11 Oct 2021
Netflix原創韓劇《魷魚遊戲》有多位巨星參演，除咗有影帝李政宰、李秉憲等人外，更有孔劉客串，可謂星光熠熠。近日有報道爆孔劉嘅參演原因，竟然係因為可給李政宰賞巴掌？！劇集自播映以來掀起全球熱話，美國更有校警同學生大玩「123木頭人」！
Photo from Netflix
《魷魚遊戲》不論劇情、演員都風靡全球
《魷魚遊戲》自播出以嚟風靡全球，更稱霸了Netflix 83國排行榜。劇集除咗引起歐美網民熱議外，其主要演員李政宰、朴海秀、鄭浩妍、魏河俊更會亮相美國清談節目《The Tonight Show starring Jimmy Fallon》，可見其人氣爆燈。
Photo from Netflix
劇中一班演員人氣都極速攀升，例如飾演脫北者玩家「姜曉」嘅鄭浩妍IG粉絲人數從50萬狂升至1400萬以上，男一李政宰與男二朴海秀更首次開通IG帳戶，追蹤者人數於首天已突破100萬人。
Photo from 李政宰 IG
Photo from 李政宰 IG
孔劉客串《魷魚遊戲》原因曝光，因為可啪啪李政宰？！
除了主要演員，有份客串嘅男神孔劉同樣引起劇迷關注。劇中，孔劉飾演邀請李政宰玩打畫片，並推銷佢加入遊戲嘅神秘西裝男，孔劉告知李政宰只要在畫片挑戰中勝出就能獲得獎金，即使輸咗都唔緊要，只要被打一巴掌便行。
Photo from Netflix
雖然內地網民未能從正式渠道收看《魷魚遊戲》，但仍無阻「孔劉客串為了扇李政宰耳光」在近日登上微博熱搜。據報道指，當初劇集邀請孔劉參演時，孔劉因工作行程滿檔而拒絕邀約，但當佢知道可以賞大前輩李政宰一巴後，便立即調整行程接拍。搞笑原因曝光後，網民都笑言孔劉真係好識把握機會。
Photo from Netflix
Photo from Netflix
美國校園都瘋玩《魷魚遊戲》
《魷魚遊戲》唔只在網上引起熱烈討論，就連現實世界都一樣。近日，美國一名網民喺國際版抖音Tiktok上傳一條短片，片中字幕表示：「點解我哋嘅駐校警察喺度陪我哋玩『魷魚遊戲』？」
Photo from TikTok @eden_luv
影片顯示美國一間學校正在玩劇集第1集中出現嘅遊戲「123木頭人」（木槿花開了）。片中可見一名校園警察正透過警車旁嘅擴音器突然播放「123木頭人」中機械女童嘅詭異對白：「無窮花（木槿花）盛開了」，對白完結一刻，街上一班學生都立即停下腳步，忍住笑咁你眼望我眼。
Photo from TikTok @eden_luv
短片引嚟熱議，有網民笑言片中有同學郁咗，應該要被射低，仲有不少網民表示好想加入，希望自己嗰邊都可以咁玩。
Photo from TikTok @eden_luv
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
