download HolidaySmart 假期日常 app
港男交友APP約會被洗$2000 拖手即被女方鬧:「係咪有病?你性格有問題!」

港男交友APP約會被洗$2000 拖手即被女方鬧:「係咪有病?你性格有問題!」

生活熱話
By Cheryl on 13 Oct 2021
Digital Editor

交友app約人,雙方想從對方得到嘅好唔同嘅話好易爛尾。近日,一名港男討論區表示,佢經交友app約咗個女仔出街,女方洗咗佢近二千大元後,港男為咗想親熱而拖對方手,卻立即被女方拒絕,更被指摘性格差兼「有病」,令港男非常不忿。

港男勁交友app約會卻「大蝕」離場Photo from TVB

最近,一名港男於香港討論區發文,稱自己透過交友app認識咗一名女仔,大家傾咗約半個月後便展開第一次約會。

雙方於交友app傾咗半個月後在現時約會Photo from TVB

首次約會食日本菜、睇戲、買裙洗咗港男約$2000

約會中,女方帶港男到一家日式餐廳食壽司刺身,港男指餐廳價錢「貴到癡線」,而女方亦猶如「三日無食野咁,係咁食」,港男自己則就住咁食。女方食飽後剩下好多食物,於是港男唯有幫佢「執手尾」,最後埋單八百多元。

食日本嘢食咗港男800多元Photo from TVB

二人於飯後睇戲,完場後港男陪女方買衫,女方最終買了兩條共值約一千元嘅連身裙,同樣由港男找數。此後,港男心中希望可以跟女方拖手及親熱,故提議到公園散步。

女方買了近一千元嘅裙子兩條,由男方付費Photo from TVB

港男想拖手即被罵

但事情不似預期,「點知我(港男)一拖手,佢(女方)立即彈開,問我係唔係有病,未經佢同意就拖下手,話我性格有問題,唔可以同我發展落去。」慘食檸檬嘅港男瞬間發火,並當場指摘女方「又食又拎」,自己拖下手卻反被對方罵「有病」。

女方被拖手一刻立即大罵港男Photo from TVB

女方聽罷,便立刻將剛買嘅兩條裙「還」比港男,然後表示自己有事要先離開。

網民:交友?似交易多啲

對此,有網民認為港男事主「蝕到暈」,亦指點世上無免費午餐,最多只有等價交易,希望男事主學會教訓,以後帶眼識人。

有網民指事主好蝕Photo from 香港討論區

有網民指世上最多只有等價交換,希望事主吸取教訓Photo from 香港討論區

亦有網民直言,比起交友,兩人互動更似一場交易,「一個貪財,一個貪色,各求所需,記得下次要講好價格先」、「你想呃蝦條,人哋想呃錢,你技不如人有乜好講?」、「交易吧啦,交咩友呀!」事主對此則癡情回覆:「我係真心想搵個女朋友~」

部分網民認為女方貪錢騙著數Photo from TVB

有網民認為事件中二人各有所貪Photo from 香港討論區

有網民揶揄事主「技不如人」Photo from 香港討論區

有網民叫事主追求交易算Photo from 香港討論區

網民意見分2派:女方貪著數 / 男方太猴擒

有網民直指該女只會收錢收著數,收人做兵,係一名自以為高人一等嘅港女。

有網民批評女方只會騙著數Photo from 香港討論區

有網民認為女方自視過高Photo from 香港討論區

不過,另有人批評男事主無問過人就拖手太猴擒,亦有其他網民表示:「八百幾蚊你有份食,至於買衫你扮大方埋單冇計,而最後比返兩條裙你,我諗你一定覺得已經洗左錢所以可以飛禽大咬!」對此,事主稱女方話自己無帶錢,故不想於現場爭論便「乖乖畀錢」。

有網民則認為事主心態自以為畀咗錢就大曬Photo from 香港討論區

有網民則認為兩個人去日本餐廳食八百蚊嘢唔算太貴,至於兩條裙,則可以當買畀女方下次同自己去街著,若想真心發展嘅話可以比多啲耐性先了解對方。

有網民叫事主應該畀多啲耐性作「長線投資」Photo from 香港討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel